Nashik Woman Death : विवाहित महिला मित्रासोबत नाशिकमधील एका रिसॉर्टमध्ये जेवण केल्यानंतर बाहेर पडत होती, त्यावेळी एका भयंकर अपघाताने प्रवेशद्वाराजवळच तिचा करुण अंत झाला
मित्रासोबत रिसॉर्टवर जेवायला
रुपाली नीलेश पाटील (वय ३४, रा. शिवनारायण अपार्टमेंट, एकदंतनगर, अंबड, नाशिक) असे मृत महिलेचे नाव आहे. रुपाली या सिडको परिसरातील एका डायग्नोस्टिक सेंटरमध्ये कार्यरत होत्या. मंगळवारी कंपनीच्या कामानिमित्त त्या एका मित्रासोबत वाडीवऱ्हे परिसरात गेल्या होत्या. तेथून दोघे एका रिसॉर्टमध्ये जेवणासाठी गेले.
नियंत्रण सुटून कार रिसॉर्टच्या प्रवेशद्वारावर धडकली
जेवण झाल्यानंतर रिसॉर्टमधून बाहेर पडत असताना, तिच्या मित्राचे कारवरील नियंत्रण सुटले. कार रिसॉर्टच्या प्रवेशद्वाराला धडकली. यामुळे रुपाली पाटील या गंभीर जखमी झाल्याने त्यांचा मृत्यू झाला. ही घटना घडल्याची माहिती पोलिसांना मिळाली. पोलिसांनी घटनास्थळी धाव घेत पाहणी केली.
कारखाली आल्याने अपघात की घातपात?
दरम्यान, वाहनाच्या खाली येऊन रुपाली यांचा अपघाती मृत्यू झाला की, या घटनेमागे अन्य काही कारण आहे, याबाबत पोलिसांकडून विविध शक्यता तपासल्या जात आहेत. रात्री उशिरापर्यंत वाडीवऱ्हे पोलिस ठाण्यात गुन्हा दाखल करण्याची प्रक्रिया सुरू होती. या घटनेप्रकरणी पोलिसांनी दीपक शिवाजी सैंदाणे (वय ४३) या संशयितास ताब्यात घेतले आहे.
रुपाली पाटील यांच्या पश्चात पती, सात वर्षांची मुलगी, सासू-सासरे असा परिवार आहे. या घटनेची माहिती सिडको परिसरात पसरताच खळबळ उडाली.
घटनेचे नेमके कारण पोलिस तपासानंतर स्पष्ट होणार आहे. पुढील तपास पोलिस निरीक्षक धीरज महाजन यांच्या मार्गदर्शनाखाली सुरू आहे.
पिंपरीत चिमुकल्याचा अपघाती मृत्यू
दुसरीकडे, शिकवणीला जाण्यासाठी वडील आणि बहिणीसोबत दुचाकीवरून निघालेल्या अवघ्या दहा वर्षांच्या चिमुकल्याचा टेम्पोखाली चिरडून मृत्यू झाला. ही घटना सोमवारी (१७ ऑगस्ट) सायंकाळी पुणे जिल्ह्यातील पिंपरीत नांदे-म्हाळुंगे रस्त्यावर घडली.
रिषभ पाटोळे (वय १०, रा. माण, हिंजवडी) असे मृत्यू झालेल्या मुलाचे नाव आहे. त्याचे वडील संदीप पाटोळे (वय ३८) यांनी बावधन पोलिसांत फिर्याद दिली. टेम्पो चालकाविरुद्ध बावधन पोलिसात गुन्हा दाखल करण्यात आला आहे.
Nashik Murder : पंधरा वर्ष लिव्ह इन रिलेशन, पण 37 वर्षांच्या हसीनाला नवा बॉयफ्रेण्ड मिळाला, सातपुतेने रंगेहाथ पकडताच भयंकर घडलं, बॉडी कसारा घाटातपाटोळे यांचे वाहन खड्ड्यात आदळून घसरले. या वेळी रिषभ शेजारून जाणाऱ्या ट्रकखाली आल्याने त्याचा जागीच मृत्यू झाला. बावधन पोलिस ठाण्याचे वरिष्ठ पोलिस निरीक्षक अरविंद पवार यांच्या मार्गदर्शनाखाली तपास सुरू आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
