Gopaldas Agarwal Join Congress : राज्यातील विविध मतदारसंघावर सर्वच राजकीय पक्षांकडून दावे प्रतिदावे सुरू झाले आहेत. या सर्व घडामोडींमध्ये भाजपचे मात्र मोठं नुकसान होताना दिसत आहे. इच्छुक उमेदवारांना तिकीट मिळण्याची शक्यता नसल्यामुळे नेत्यांनी भाजपला राम राम ठोकला आहे.
कोण आहेत गोपालदास अग्रवाल ?
गोपालदास अग्रवाल हे गोंदिया विधानसभेचे माजी आमदार आहेत. त्यांनी 2019 मध्ये भाजपमध्ये प्रवेश केला होता. गोपालदास अग्रवाल हे आतापर्यंत गोंदिया विधानसभा मतदारसंघातून तीन वेळा तर विधानसभेवर दोन वेळा निवडून गेले आहेत. परंतु महायुतीला लोकसभा निवडणुकीत आलेलं अपयश आणि उमेदवारी न मिळण्याची शक्यता यावरून त्यांनी कॉंग्रेसमध्ये जाण्याचा निर्णय घेतल्याची माहिती आहे. कॉंग्रेसचे प्रदेशाध्यक्ष नाना पटोले आणि महाराष्ट्र कॉंग्रेसचे प्रभारी रमेश चैन्नीथला यांच्या नेतृत्वात अग्रवाल यांचा पक्ष प्रवेश पार पडणार आहे. अग्रवाल यांच्या प्रवेशामुळे कॉंग्रेसला अधिक बळ मिळणार आहे.
Jitendra Awhad : शिवजयंती अन् महाराजांची समाधी, मोहन भागवतांच्या विधानावरून जितेंद्र आव्हाडांचा हल्लाबोल
हर्षवर्धनल पाटील यांची नाराजी
भाजपचे नेते माजी मंत्री हर्षवर्धन पाटील हे इंदापूर विधानसभा मतदार संघातून निवडणूक लढवण्यास इच्छूक आहेत. परंतु ती जागा अजित पवार गटाच्या वाटेला जाणार असल्यामुळे हर्षवर्धन पाटील नाराज आहेत. तसेच ते शरद पवार गटात प्रवेश करणार असल्याची चर्चा सुरू आहे. तीन चार दिवसांपूर्वी इंदापुरात शरद पवार आणि हर्षवर्धन पाटील यांचा एकत्र असलेला बॅनर झळकला आहे. त्यामुळे आता हर्षवर्धन पाटील सुद्धा भाजपला धक्का देणार का? हे पाहणं महत्वाचे असणार आहे.
दरम्यान, कोल्हापूरमध्ये भाजपला मोठा धक्का बसला आहे. समरजितसिंह घाटगे यांनी शरद पवार गटात प्रवेश केला आहे. तसेच त्यांना कागल विधानसभा मतदारसंघातून तिकीट देखील जाहीर करण्यात आले आहे. यामुळे अजित पवार गटाचे मंत्री हसन मुश्रीफ यांचं टेन्शन वाढले आहे.
लेखकाबद्दलअजित भाबडअजित भाबड, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. अजित यांनी आबासाहेब गरवारे कॉलेजमधून पत्रकारितेची मास्टर्स पदवी मिळवली आहे. त्यांना राजकीय, सामाजिक, अंतरराष्ट्रीय तसेच कृषी क्षेत्रातील विश्लेषणात्मक बातम्या लिहिण्याची आवड आहे.… आणखी वाचा
