नोएल टाटा यांची लेक, माया टाटा – यांच्यावर वेस्टसाइडच्या डिजिटल आणि ऑनलाइन रिटेल कामकाजाचे नेतृत्व करण्याची जबाबदारी सोपवली जाणार असून त्यांच्या डिजिटल अनुभवामुळे वेस्टसाइडला विकासाचा पुढील टप्पा आणि आंतरराष्ट्रीय विस्तार साधण्यास मदत होईल, अशी कंपनीला आशा आहे.
माया टाटांना मिळणार नवीन जबाबदारी
इकॉनॉमिक टाइम्सच्या अहवालानुसार माया टाटा आता Trent लिमिटेडच्या प्रमुख ब्रँड – वेस्टसाइडच्या – परदेशातील ई-कॉमर्स मार्केटिंगची जबाबदारी सांभाळतील, तर याआधी टाटा डिजिटलमध्ये जबाबदारी हाताळलेली. माया टाटा कंपनीच्या ऑनलाइन रिटेल व्यवसायाचा विस्तार करण्यावर लक्ष केंद्रित करतील अशी अपेक्षा आहे.
जून 2026 मध्ये माया टाटा समूहाचा डिजिटल व्यवसाय – टाटा डिजिटल – मध्ये रुजू झालेल्या, पण कंपनीला मोठे नुकसान झाल्यानंतर पदावरून पायउतार झाल्या. याबाबत अनेक माध्यमांमध्ये बातम्याही प्रसिद्ध झाल्या होत्या, तर आता त्याच डिजिटल अनुभवाचा उपयोग वेस्टसाइडचा ऑनलाइन व्यवसाय आणि ग्राहक अनुभव सुधारण्यासाठी केला जाईल.
माया टाटांकडे अनेक अनुभव
टाटा डिजिटलमध्ये रुजू होण्यापूर्वी माया टाटा यांनी टाटा कॅपिटलमध्येही महत्त्वाच्या पदांवर काम केले. टाटा अपॉर्च्युनिटी फंडमध्ये पोर्टफोलिओ व्यवस्थापन आणि इन्व्हेस्टर रिलेशन्सचे काम हाताळले तर, नंतर टाटा Neu ॲपच्या लाँचमध्ये महत्त्वाची भूमिका बजावली.
सध्या नोएल टाटा Trent चे अध्यक्ष आहेत, तर त्यांचा मुलगा Neville टाटा कंपनीच्या हायपरमार्केट व्यवसायाची देखरेख करतात. वेस्टसाइडचा ट्रेंटच्या एकूण महसुलात अंदाजे 40% वाटा असून कंपनी आता आंतरराष्ट्रीय स्तरावर व्यवसाय अधिक मजबूत करण्याची तयारी करत आहे ज्याचा भाग म्हणून डिजिटल मार्केटिंग आणि ग्राहक प्रतिबद्धता वाढवण्याची ही नवीन जबाबदारी माया टाटांना दिली गेली आहे.
कोण आहेत माया टाटा ?
नोएल टाटांच्या तीन मुलांपैकी माया टाटा सर्वात धाकट्या आहेत. मोठी बहीण, Leah टाटा, टाटा ग्रुपच्या हॉटेल व्यवसाय, इंडियन हॉटेल्सच्या उपाध्यक्ष तर, भाऊ नेव्हिल नेव्हिल टाटा, ट्रेंट आणि स्टार बाजारच्या रिटेल व्यवसायांचे काम पाहतात.
1989 मध्ये मुंबईत माया टाटा यांचा जन्म झाला. वॉर्विक विद्यापीठातून पदवी घेतली आणि त्यानंतर बेज बिझनेस स्कूलमध्ये व्यवसाय व्यवस्थापनाचे शिक्षण पूर्ण केले. फायनान्स, गुंतवणूक आणि व्यवसाय धोरण या विषयांवर त्यांची मजबूत पकड असल्याचे मानले जाते.
याशिवाय टाटा एज्युकेशन ट्रस्ट, आर. डी. टाटा ट्रस्ट, जे. आर. डी. आणि थेल्मा जे. टाटा ट्रस्ट आणि टाटा मेडिकल सेंटर ट्रस्ट यांच्या संचालक मंडळावरही माया टाटांनी जाबाबदारी पार पाडली आहे. अशाप्रकारे, आता वेस्टसाइडच्या डिजिटल आणि आंतरराष्ट्रीय विस्ताराला त्या कशाप्रकारे दिशा देतील, याकडे सर्वांचे लक्ष त्यांच्या नव्या भूमिकेकडे लागून असेल.
झपाट्याने वाढतोय वेस्टसाइडचा व्यवसाय
इकॉनॉमिक टाइम्सच्या अहवलानुसार माया टाटा आता आंतरराष्ट्रीय ग्राहकांना आकर्षित करणाऱ्या रिटेल ब्रँड्सच्या विकासावर लक्ष केंद्रित करतील. वेस्टसाइड, Zudio आणि स्टार बाजार चालवणाऱ्या मूळ कंपनी, Trent ने आर्थिक वर्ष 2026 मध्ये अंदाजे 19,700 कोटी रुपयांचा महसूल मिळवला, तर कंपनीने कंपनीने 321 शहरांमध्ये 1,286 स्टोअर्सचे जाळे निर्माण केले.
याशिवाय वेस्टसाइडने अलीकडेच UAE मध्ये देखील कामकाज सुरू केले असून माया टाटा यांच्या नेतृत्वाखाली ब्रँड अधिक डिजिटल ताकद मिळवेल आणि आपली आंतरराष्ट्रीय उपस्थिती वाढवेल, अशी कंपनीला आशा आहे.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
