Baramati Police : कंबरेला पिस्तूल घेऊन सर्रासपणे फिरला, बारामती पोलिसांना खबर, सापळा रचत मुसक्या आवळल्या
बारामती शहरात बेकायदेशीर शस्त्रे बाळगून फिरणाऱ्या टोळक्याविरुद्ध कारवाई करताना बारामती शहर पोलिसांनी एका सराईत आरोपीला गावठी पिस्तूल आणि दोन जिवंत काडतुसांसह ताब्यात घेतले. प्रदीप सुरेश नकाते (वय 27, रा. महात्मा फुलेनगर, आमराई, बारामती) असे अटक करण्यात आलेल्या आरोपीचे नाव आहे. त्याच्यासोबत असलेले तीन संशयित पोलिसांची चाहूल लागताच पसार झाले असून, त्यांचा शोध सुरू आहे.
