Nasrapur Case Verdict : लाडक्या मुलीला न्याय मिळावा, पालकांच्या भावनांची जाणीव; नसरापूरच्या नराधमाला मृत्युदंड, विशेष न्यायधीश काय म्हणाले?
‘आरोपी ६५ वर्षांचा असून, त्याला सात मुली व एक सज्ञान मुलगा आहे. त्याने तीन वर्षांच्या मुलीला गाठी शेव देऊन वासरू दाखविण्याच्या आमिषाने तिच्यावर अनैसर्गिक लैंगिक अत्याचार केले. तिची हत्या केल्यानंतरही तिच्यावर लैंगिक अत्याचार केले असून, त्यासाठी आरोपीला मृत्युदंडाची शिक्षाही अपुरी ठरू शकते. आरोपी सुधारणेच्या पलीकडे गेला असून, समाजासाठी धोकादायक ठरतो,’ असे निरीक्षण विशेष न्यायालयाने निकालात नोंदविले आहे.
