Iran-Oman’s plan on Hormuz now; Toll collection plan given, desire to create a system like Malacca-Singapore model

अमेरिका व इराणमधील युद्धबंदीच्या दरम्यान होर्मुझ स्ट्रेटवर नवीन वाद सुरू झाला आहे. आता ओमानने येथून जाणाऱ्या जहाजांकडून टोल वसुलीची घोषणा केली. इराण आधीपासूनच होर्मुझमधून जाणाऱ्या जहाजांकडून पैसे वसूल करण्याबाबत बोलत होता. आता ओमाननेही इराणच्या संमतीनंतर या दिशेने पाऊल टाकले आहे.

ओमानने अमेरिका व पाश्चिमात्य देशांना औपचारिक प्रस्ताव पाठवला आहे. यात शिपिंग कंपन्यांकडून सर्व्हिस फी घेण्याबाबत म्हटले आहे. ओमान याला टोल न म्हणता, सुरक्षित मार्ग, प्रदूषण रोखणे व सागरी आपत्कालीन परिस्थितीशी संबंधित सेवांचा खर्च सांगत आहे. मात्र इराण हा शुल्क अनिवार्य करू इच्छितो. इराणनुसार होर्मुझ आता युद्धापूर्वीच्या स्थितीत परतणार नाही. तेव्हा जहाजे मोफत जात होती. ओमानचा प्रस्ताव मलक्का-सिंगापूर स्ट्रेटच्या मॉडेलसारखा आहे. अमेरिकेने यावर तीव्र विरोध दर्शवला आहे.

मलक्का-सिंगापूर मॉडेल: कंपन्या आणि सरकारांचे ऐच्छिक योगदान

मलक्का-सिंगापूर स्ट्रेटमध्ये जहाजांकडून अनिवार्य टोल घेतला जात नाही. तिथे सुरक्षित नेव्हिगेशन, जहाजांची देखरेख, सागरी अपघातांना तोंड देणे व प्रदूषण रोखण्यासाठी ऐच्छिक फंड बनवला. सरकारे, शिपिंग कंपन्या व इतर यात योगदान देतात. ओमानला हे मॉडेल पाहिजे.

दोहा…इराण-अमेरिकेत चर्चा, ट्रम्प यांनी म्हटले ‘अत्यंत शानदार’

कतारच्या दोहा येथे बुधवारी इराण-अमेरिकेत तांत्रिक पातळीवर चर्चा झाली. ट्रम्प यांनी सकारात्मक सांगत याचे कौतुक केले. चर्चेत अणुऊर्जा मुद्दा, फ्रीझ फंड आणि होर्मुझवर चर्चा झाली.

खामेनींच्या अंत्ययात्रेत २ कोटी लोक , नितीन-खरगे आमंत्रित

४-९ जुलैदरम्यान होणाऱ्या इराणचे माजी सुप्रीम लीडर अली खामेनी यांच्या अंत्ययात्रेत दोन कोटी लोकांच्या एकत्र येण्याची शक्यता आहे. इराणने भाजप अध्यक्ष नितीन नवीन व काँग्रेस अध्यक्ष खरगे यांनाही आमंत्रित केले.