iPhone 18 Pro आणि iPhone 18 Pro Max या वर्षी सप्टेंबरमध्ये कंपनीच्या पहिल्या फोल्डेबल आयफोनसह लाँच होण्याची अपेक्षा आहे. परंतु पुढील वर्षी हे मॉडेल लाँच करण्याची चर्चा असल्याने iPhone 18 साठी दीर्घ प्रतीक्षा करावी लागू शकते.
आता iPhone 18 शी संबंधित लीक समोर आले आहेत, अलीकडेच कंपनीने WWDC 2026 इव्हेंटमध्ये SIRI AI फीचर्स सादर केली आहेत, परंतु सिरी AI ची काही प्रगत फीचर्स 12GB रॅमपेक्षा कमी असलेल्या मॉडेल्सवर कार्य करणार नाहीत. एका विश्लेषकाचा असा विश्वास आहे की ही AI फीचर्स चालविण्यासाठी आयफोन 18 मध्ये 12 GB रॅम दिली जाऊ शकते.
KB सिक्युरिटीजच्या विश्लेषकांचा हवाला देत डिजीटाइम्स एशियाने रिपोर्ट दिला आहे की iPhone 18 सीरिजमध्ये 12 GB रॅम असण्याची अपेक्षा आहे. जर असे झाले तर नवीन सीरिजमध्ये सिरी AI चा वापर वाढेल आणि यामुळे नवीन सीरिजची मागणीही वाढेल.
ही माहिती अशा वेळी आली आहे जेव्हा DRAM आणि NAND स्टिक्सच्या किंमती मोठ्या प्रमाणात वाढल्या आहेत, ज्यामुळे स्मार्टफोन बनवण्याची किंमतही वाढली आहे. अलीकडील रिपोर्टमध्ये असे म्हटले आहे की विश्लेषकांच्या अपेक्षेच्या विपरीत, Apple खर्च कमी करण्याच्या प्रयत्नांचा एक भाग म्हणून अनेक कमतरतांसह iPhone 18 लाँच करण्याची योजना आखत आहे. या उणीवांमध्ये चिपसेट स्पेसिफिकेशन्स, रॅम यासारख्या गोष्टींचा समावेश असू शकतो.
आयफोनच्या या मॉडेल्समध्ये ॲडव्हान्स फीचर्स
बहुतेक AI फीचर्स आयफोन 15 प्रो आणि त्यानंतरच्या मॉडेल्सवर उपलब्ध असतील, परंतु कंपनीची सर्वात प्रगत AI फीचर्स 12 GB पेक्षा कमी रॅम असलेल्या हँडसेटवर चालणार नाहीत. आयफोन 17 प्रो, आयफोन 17 प्रो मॅक्स आणि आयफोन एअरवर आपल्याला ॲडव्हान्स फीचर्सचा फायदा मिळेल, परंतु आयफोन 17 मध्ये 8 GB रॅम आहे, त्यामुळे या हँडसेटला ॲडव्हान्स फीचर्सचा फायदा मिळण्याची अपेक्षा नाही.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा
