How To Avoid Property Disputes; मालमत्तेवरून हसतं-खेळतं कुटुंब दुभंगले, मृत्युपत्राचा वाद कसा सोडवाल? जाणून घ्या संपत्ती वाटणीची सोपी युक्ती

बहुतेक प्रकरणात लोभापोटी लोक वाद घालत नाही तर, लोकांना मृत व्यक्तीची अंतिम इच्छा नीट समजलेली नसते किंवा त्यांच्याकडे मालमत्तेची योग्य कागदपत्रे उपलब्ध नसतात. अशाप्रकारे, कायदेशीर वादांमध्ये अनेक वर्षे आणि वेळ वाया जाऊ शकतो. पण योग्य नियोजनामुळे हा सगळा त्रास टाळता येऊ शकतो.

तुमच्या पश्चात कुटुंबातील संभाव्य वाद टाळण्यासाठी कायदेशीरदृष्ट्या मजबूत मृत्युपत्र तयार केले पाहिजे. तुमच्या मृत्यूनंतर तुमच्या संपत्ती किंवा मालमत्तेचा वारसा कोणाला मिळणार हे मृत्युपत्रात स्पष्ट नमूदकेलेले असले पाहिजे. तसेच मृत्युपत्राशिवाय वारसा कायद्यानुसार मालमत्तेची विभागणी करण्याची खात्री करा, जे कदाचित तुमच्या इच्छेनुसार नसेल. मृत्युपत्रामध्ये सर्व वारसांची नावे आणि मालमत्तेचे स्पष्ट-संपूर्ण वर्णन नमूद करा. (प्रातिनिधीक फोटो)

बँक अकाऊंट, विमा किंवा गुंतवणुकीचा नामनिर्देशित व्यक्ती (नॉमिनी) हीच मालमत्तेची मालक असते, असा बहुतेकांचा समज असतो. पण बऱ्याच प्रकरणांमध्ये नामनिर्देशित व्यक्ती केवळ काळजीवाहू असते, वास्तविक मालक नाही. म्हणून कोणताही गोंधळ टाळण्यासाठी लग्न, घटस्फोट, मुलाचा जन्म किंवा अपघातानंतर लगेचच नामनिर्देशन अद्ययावत करा आणि तुमच्या मृत्युपत्राशी सुसंगत करून घ्या.

कुटुंबातील सदस्यांना मालमत्तेची रक्कम माहिती नसल्यामुळे भविष्यात वाद होतात. त्यामुळे बँक अकाउंट, मुदत ठेवी, म्युच्युअल फंड, शेअर्स आणि विम्याची कागदपत्रे एकत्रित करून ठेवा जेणेकरून नंतर शोधाशोध कमी होईल. तुमच्या कुटुंबासाठी गोष्टी सोप्या करण्यासाठी तुमच्या सर्व मालमत्ता आणि कर्जांची यादी तयार ठेवा.

मृत्यू आणि मालमत्ता या दोन्ही महत्त्वाच्या उघडपणे चर्चा केली पाहिजे. लक्षात घ्या की या दोन्ही मुद्द्यावर मौन अधिक धोकादायक ठरू शकतो. तुम्ही एखादा मोठा निर्णय घेत असाल, तर प्रथम तुमच्या कुटुंबाशी मोकळेपणाने बोला. तुम्हाला मालमत्तेच्या प्रत्येक पैश्याबद्दल सांगायची गरज नाही तर, फक्त तुमच्या निर्णयामागील कारण स्पष्ट करा जेणेकरून नंतर कुटुंबाला कोणताही धक्का बसणार नाही.

प्रत्येक दिवस सारखे नसतात, म्हणून तुमच्या मालमत्तेचे नियोजनही बदलले पाहिजे. लग्न, मुलं असो किंवा नसो तुम्ही एखादी नवीन, मोठी मालमत्ता खरेदी करता, तेव्हा तुमच्या मृत्युपत्र आणि त्यातील नामनिर्देशनांचे पुनरावलोकन करा व आवश्यक असल्यास बदल करा. कालबाह्य आणि अपूर्ण मृत्युपत्र हे Will नसण्याइतकेच धोकादायक ठरू शकते.