Hingoli Youth Drowns to Death : तीन दिवसांपूर्वी वाहून गेलेल्या तरुणाचा तब्बल 48 तासानंतर या तरुणाचा मृतदेह सापडला आहे. पुराचं पाणी बघायला गेलेला असताना हा अनर्थ घडला होता. मुलाच्या जाण्यानं आई-वडिलांनी एकच आक्रोश केला.
हिंगोलीमध्ये २९ ऑगस्ट रोजी मोठ्या स्वरूपाचा पाऊस झाला होता. यामुळे कयाधू नदीला मोठ्या प्रमाणावर पूर आला होता. त्यामुळे नदी तीरावर पूर बघण्यासाठी अनेकजण नदी काठावरून पूर बघायला गेले होते. त्याचवेळी हिंगोली शहरातील महादेववाडी भागात राहणारा शेख अरबाज शेख फेरोज (वय 18) या तरुणाचा पाय घसरून पुराच्या पाण्यात पडून वाहून गेला. या घटनेची माहिती मिळताच अनेकांनी त्याला वाचवण्याचा प्रयत्न केला. मात्र पूराचा प्रचंड वेग असल्याने या पूरात तो वाहून गेला.
आझाद मैदानावर तुफान गोंधळ, सुप्रिया सुळे यांची गाडी अडवली, घेराव घातला, आंदोलक आक्रमक
घटनेची माहिती मिळताच ग्रामीण पोलीस स्टेशनचे पोलीस निरीक्षक श्यामकुमार डोंगरे यांच्या पथकाने व महसूल पथकाने तसेच नागरिकांच्या साह्याने शेख अरबाज या तरुणाला शोधण्याचा प्रयत्न केला. मात्र तीन दिवसापासून या तरुणाचा शोध घेणे सुरूच होते. पुराचे पाणी जास्त असल्याने तो आढळून आला नाही. आज सकाळी 11 वाजेच्या दरम्यान पुराचे पाणी कमी झाल्यानंतर शेख अरबाज मृत अवस्थेत आढळून आला. तब्बल 48 तासानंतर मृतदेह कयाधू नदीच्या पुलाजवळ अडकून पडलेल्या अवस्थेत मिळाला आहे. ग्रामीण पोलीस स्टेशनचे पोलीस उपनिरीक्षक राहुल महिपाळे, जमादार प्यारेवाले, आकाश पंडितकर आदींनी घटनास्थळी पाहणी केली. मृतदेह उत्तरीय तपासणीसाठी हिंगोली ग्रामीण रुग्णालयात आणण्यात आला आहे. तर ग्रामीण पोलीस स्टेशनमध्ये आकस्मिक मूर्तीची नोंद घेण्याची प्रक्रिया सुरू असल्याचं सांगण्यात आलं आहे.
चंद्रकांत पाटील भलतंच बोलून गेले, मराठा आंदोलकांमध्ये संतापाची लाट; म्हणाले, हे आंदोलन करतायत कारण…
प्रियकराच्या मदतीनं नवऱ्याला संपवलं
दरम्यान, काही दिवसांपूर्वी जिल्ह्यात एक धक्कादायक घटना घडली. हिंगोलीच्या वसमत तालुक्यातील भेंडेगाव शिवारातील आखाड्यावर पत्नीने अनैतिक संबंधातून पतीची हत्या केल्याची घटना समोर आली. प्रेमसंबंधांत अडथळा ठरत असल्याने पत्नीने प्रियकराच्या मदतीने पतीचा खून केल्याची खळबळजनक घटना घडली. कुरुंदा पोलिसांनी अवघ्या काही तासात या हत्येचा उलगडा केला आहे. रविवार, 24 ऑगस्ट रोजी रात्री उशिरा कुरुंदा पोलिस स्टेशनमध्ये गुन्हा दाखल करण्यात आला आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
