hingoli 39 year old man ends life by fear of being threatened; सतत धमकी, शिवीगाळ… भीतीमुळे तरुणाने आयुष्य संपवलं, दोन चिमुकली पोरकी; काय घडलेलं?

मिळालेल्या माहितीनुसार, सेनगाव तालुक्यात असलेल्या सावरखेडा येथील रोजगार सेवक या पदावर काम करत असलेला भागवत बळीराम मुंढे (वय 39) यांना घरकुलाचे पैसे त्यांच्या खात्यात जमा होत नसल्याच्या कारणावरून 14 सप्टेंबर रोजी वाद घालून आणि शिवीगाळ केली. त्याशिवाय तुझ्यावर ऍट्रॉसिटीचा खोटा गुन्हा दाखल करतो, अशी धमकी दिली होती.
Palghar News : लिव्ह-इन रिलेशनशिपमध्ये, तरीही दुसऱ्यासोबत प्रेमसंबंध; महिलेने प्रियकराच्या मदतीने तरुणाला संपवलं, नात्याचा दुर्दैवी अंत
यामुळे भीतीपोटी, अपमान सहन न झाल्याने भागवत मुंढे यांनी विषारी औषध घेऊन आपलं जीवन संपवण्याचा प्रयत्न केला होता. औषध घेतल्याचं लक्षात आल्यावर परिवारातील आणि गावातील नागरिकांनी त्यांना तात्काळ उपचारासाठी हिंगोलीतील खाजगी रुग्णालयात नेलं. मात्र त्याची प्रकृती चिंताजनक झाल्यामुळे पुढील तातडीच्या उपचारासाठी मुंबई येथे रुग्णालयात नेण्यात आलं. उपचार सुरू असताना त्यांचा 21 सप्टेंबर रोजी उपचारादरम्यान मृत्यू झाला.
Solapur News : कारला कट मारल्यानंतर अनमोलला संपवलं; माझे ते दोन शब्द ऐकले असते, तर…; ड्रायव्हरची धक्कादायक माहिती
त्यांच्या मृत्यूला कारणीभूत ठरलेल्या व्यक्तींवर भारत बळीराम मुंढे यांच्या फिर्यादीवरून दत्तराव पुंडलिक खंदारे, शेषराव लिंबाजी डाखोरे,ज्ञानेश्वर आनंदराव नरवाडे, सुभाष भागोराव डाखोरे या चार जणांच्या विरोधात सेनगाव पोलीस स्टेशनमध्ये गुन्हा दाखल करण्यात आला आहे. या घटनेनंतर गावामध्ये तणावाचं वातावरण निर्माण झालेलं आहे. मृत भागवत यांच्यावर सेनगाव ग्रामीण रुग्णालयात शवविच्छेदन करण्यात आलं. भागवत मुंढे यांच्या अंत्यविधी दरम्यान सेनगाव पोलीस स्टेशनचे सहाय्यक पोलीस निरीक्षक दीपक मस्के यांनी मोठ्या प्रमाणावर पोलीस बंदोबस्त लावलेला होता.

भागवत मुंढे यांच्या पश्चात आई, वडील, पत्नी, एक मुलगा, एक मुलगी, भाऊ, वहिनी असा परिवार आहे. या परिवारावर भागवत यांच्या जाण्याने शोककळा पसरली आहे. तर दाखल गुन्ह्यातील चारही आरोपींना अटक करण्यात आली आहे. या घटनेचा पुढील तपास सेनगाव पोलीसांकडून सुरू आहे.