Accident News : वरिष्ठ लिपीक पदावर कार्यरत असलेले विलास शंकर वासनिक हे नेहमीप्रमाणे मंगळवारी सकाळी आपल्या दुचाकीने पोलीस अधीक्षक कार्यालयाकडे निघाले असताना हा अपघात झाला
या दुर्दैवी घटनेने पोलीस दलात हळहळ व्यक्त केली जात आहे. विलास शंकर वासनिक (वय 57 वर्ष, रा. मुरखळा) असे त्या मृत वरिष्ठ लिपिकाचे नाव आहे.
मिळालेल्या माहितीनुसार, वरिष्ठ लिपीक पदावर कार्यरत असलेले विलास शंकर वासनिक हे नेहमीप्रमाणे मंगळवारी सकाळी आपल्या दुचाकीने मुरखळा भागातून पोलीस अधीक्षक कार्यालयाकडे निघाले होते. मुख्य मार्गावरुन जिल्हा न्यायालयाच्या मार्गाने वळण घेत असताना अंदाज चुकला आणि त्यांची दुचाकी एका हायवा ट्रकच्या चाकाखाली सापडली.
या अपघातातात दुचाकीसह वासनिक यांचा डावा पायही सापडला. जड ट्रक पायावरुन गेल्यामुळे पायाचा चेंदामेंदा झालाच, पण त्या वेदना आणि मोठा रक्तस्राव झाल्यामुळे वासनिक बेशुद्ध पडले.
Chandrahar Patil : ठाकरे ज्यांच्यासाठी काँग्रेसला भिडले, त्या चंद्रहार पाटलांनी तोंडावर पाडले? शिवसेना प्रवेशाबाबत श्रीकांत शिंदेंचं वक्तव्य चर्चेत
वासनिक यांना प्रथम जिल्हा रुग्णालयात नेण्यात आले. प्राथमिक उपचार केल्यानंतर डॅाक्टरांनी त्यांना नागपूरला हलविण्याचा सल्ला दिला. त्यामुळे प्र. पोलीस अधीक्षक यतिश देशमुख यांनी तातडीने पोलीस दलाच्या दिमतीला असलेले हेलिकॅाप्टर उपलब्ध करून दिले. मात्र वासनिक यांचा वाचविण्यात यश आले नाही.
रावसाहेब दानवेंच्या गाडीला दुचाकीस्वाराची धडक अन् अरेरावी…प्रत्यक्षदर्शीनं सांगितलं काय घडलं?
वासनिक यांचा मुलगा बाबा वासनिक भामरागड तालुक्यातील कोठी मदत केंद्रात कार्यरत आहे. दरम्यान, गडचिरोली पोलिसांनी ट्रक चालकाला ताब्यात घेतले असून अधिक तपास सुरु आहे.Deven Bharti : मुंबई पोलिस आयुक्तपदी देवेन भारती, विवेक फणसळकरांच्या निवृत्तीनंतर नियुक्ती जाहीर
दुसरीकडे, एनडीए चौक (चांदणी चौक) परिसरात मंगळवारी सायंकाळी साडेसहाच्या सुमारास पुणे महानगर परिवहन महामंडळाच्या बसचे ब्रेक निकामी होऊन अपघात झाला. बसने सात वाहनांना धडक दिली. यात दोन रिक्षा, एक चारचाकी वाहन आणि तीन दुचाकींचा समावेश आहे. या अपघातात तीन जण जखमी झाले असून, कोणतीही जीवितहानी झाली नाही. दरम्यान, अपघातग्रस्त बसमध्ये प्रवासी नव्हते.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा