मिळालेल्या माहितीनुसार रिशान प्रकाश पुंगाटी हा कोयर येथील रहिवासी असून तो 10 किलोमीटर अंतरावर असलेल्या लाहेरी येथील शासकीय आश्रम शाळेत इयत्ता पहिल्या वर्गात शिक्षण घेत होता. पोळा सण साजरा करण्यासाठी त्याच्या वडिलांनी त्याला गावाकडे आणले होते.
दरम्यान 21 ऑगस्ट रोजी दुपारच्या सुमारास तो गावालगत असलेल्या नाल्याजवळ खेळायला गेला होता, अशी माहिती समोर येत आहे. बऱ्याच वेळापर्यंत तो घरी न आल्याने गावकऱ्यांनी शोध मोहीम राबवली मात्र त्याचा थांगपत्ता लागला नाही. 22 ऑगस्ट रोजी सकाळच्या सुमारास महसूल प्रशासनाने गावकऱ्यांच्या मदतीने शोधमोहीम राबवली असता नाल्यात चक्क त्याचा मृतदेह आढळून आला.
पोळा सण असल्याने वडील प्रकाश पुंगाटी यांनी शासकीय आश्रमशाळेतून सुट्टी घेऊन रिशानला गावाकडे आणलं होतं, अशी माहिती सहाय्यक प्रकल्प अधिकारी रोषणा चव्हाण यांनी दिली. मात्र, ऐन पोळ्याच्या दिवशीच काळाने त्याचा घात केला. सध्या मोकापंचनामा करून शवविच्छेदन करण्याची प्रक्रिया सुरू असल्याची माहिती महसुलाच्या वरिष्ठ अधिकाऱ्यांनी दिली आहे.
दरम्यान, मुख्यमंत्री देवेंद्र फडणवीस यांनी पालकत्व स्वीकारलेल्या गडचिरोली जिल्ह्याची अशी अवस्था झाल्यावरुन स्थानिकांनी संताप व्यक्त केला आहे. 6 वर्षीय रिशानचा मृतदेह घेऊन गावकऱ्यांना तुडुंब भरलेल्या नाल्यातून वाट काढावी लागली. नाल्यावर पूल नसल्याने आदिवासींना जीवघेणा प्रवास करावा लागला.
भामरागड तालुक्यात तिसरी घटना
18 ऑगस्टपासून सुरु असलेल्या मुसळधार पावसामुळे भामरागड तालुक्यातच नव्हे तर संपूर्ण जिल्ह्यात नदी नाल्यांमध्ये पूरस्थिती निर्माण झाली आहे. सध्या नदी नाले तुडुंब भरून वाहत आहेत. अशा परिस्थितीत 18 ऑगस्ट रोजी दुपारच्या सुमारास भामरागड तालुक्यातील खंडी नाला ओलांडण्याच्या प्रयत्नात लालचंद कपिलसाय लकडा हा 19 वर्षीय तरुण वाहून गेला.
त्याच दिवशी सायंकाळी अहेरी तालुक्यातील पल्ले येथील जिल्हा परिषद शाळेतील शिक्षक असन्तु सोमा तलांडी हे भामरागड तालुक्यातील जोनावाही आपल्या गावाकडे जाताना सिपनपल्ली नाल्यात वाहून गेले होते. तर दुसऱ्या दिवशी त्यांचा मृतदेह नाल्यात आढळला.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
