Dhule Mohadi Woman Murder : राज्यात दिवसेंदिवस गुन्हेगारीचं प्रमाण वाढत चाललं आहे. याचदरम्यान, धुळे जिह्यातील मोहाडीमध्ये एक धक्कादायक घटना उघडकीस आली आहे.
नेमका घटनाक्रम काय?
सोमवारी दि. 15 डिसेंबर रोजी पहाटे मोहाडी येथील दंडवाले बाबा नगर येथील वाल्मिकी आंबेडकर वसाहतीत राहणाऱ्या 75 वर्षीय लीलाबाई हिरामण सूर्यवंशी यांची राहत्या घरातच रक्ताच्या थारोळ्यात मृतदेह आढळून आल्याने परिसरात खळबळ उडाली होती. अज्ञात इसमाने चोरीच्या उद्देशाने घरात घुसत वृद्ध महिलेवर अमानुष हल्ला करत त्यांना गंभीर मारहाण केली. गुप्तांगावर कठोर वस्तूने प्रहार करून त्यांची निर्घृण हत्या करून घरातील स्वयंपाकघरातील डबे व घरगुती गॅस सिलेंडर चोरून नेल्याचा प्रकार समोर आला होता. याप्रकरणी त्यादिवशी सोमवारी सायंकाळी मोहाडी नगर पोलीस ठाण्यात हत्येचा गुन्हा दाखल करण्यात आला होता.
मनगटी घड्याळानं शोध लागला…
पोलीस अधीक्षक श्रीकांत धिवरे यांच्या मार्गदर्शनाखाली स्थानिक गुन्हे शाखेचे दोन स्वतंत्र पथक तयार करून अज्ञात मारेकऱ्याचा शोध सुरू करण्यात आला. तपासादरम्यान घटनास्थळी एक मनगटी घड्याळ आढळून आलं. या घड्याळाचा फोटो मोहाडी परिसरातील गोपनीय बातमीदारांच्या व्हॉट्सप ग्रुपवर शेअर करण्यात आला. याच घड्याळाच्या आधारे एका गोपनीय बातमीदाराने संशयिताबाबत महत्त्वाची माहिती दिली. त्यानुसार सागर राजू कोळी (वय 25, रा. वाल्मिकी आंबेडकर वसाहत, मोहाडी उपनगर) हा संशयित असल्याचं स्पष्ट झाले. मात्र, तो आपल्या घरी किंवा नेहमीच्या ठिकाणी आढळून आला नाही. पुढील शोधात तो महेबूब सुबानी दर्याजवळील सुरत बायपास परिसरात असल्याची माहिती मिळाली. पोलिसांनी तात्काळ कारवाई करत त्याला तिथून ताब्यात घेतलं.
सुरुवातीला आरोपीने उडवाउडवीची उत्तरे दिली. मात्र कौशल्यपूर्ण व सखोल चौकशीत त्याने गुन्ह्याची कबुली दिली. घटनेच्या रात्री चोरीच्या उद्देशाने लीलाबाई सूर्यवंशी यांच्या घरात प्रवेश केला. गॅस सिलेंडरचे रेग्युलेटर काढताना त्या जागी झाल्यानं त्यांनी प्रतिकार केला आणि त्या प्रतिकारातून त्यांना मारहाण करून स्टीलच्या खुरपीने गुप्तांगात वार करत हत्या केल्याचं त्याने कबूल केलं. अशाप्रकारे अवघ्या 24 तासात वृद्ध महिलेच्या निर्घृण हत्येचा उलगडा करण्यात एलसबीच्या पथकाला यश आलं.
सदर कामगिरी पोलीस अधीक्षक श्रीकांत धिवरे, अप्पर पोलीस अधीक्षक अजय देवरे यांच्या मार्गदर्शनाखाली स्थानिक गुन्हे शाखेचे निरीक्षक श्रीराम पवार, पोउनि चेतन मुंढे, ग्रे. पोउनि शाम निकम, पोलीस अंमलदार दिनेश परदेशी, संदीप साहेबराव पाटील, प्रशांत चौधरी, धर्मेंद्र मोहिते, शशिकांत देवरे, मुकेश वाघ, कमलेश सूर्यवंशी, हर्षल चौधरी, राहुल गिरी, विनायक खैरनार व चालक अमोल भामरे यांनी केली.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
