महाराष्ट्र

प्रेमीयुगुलाच्या शोधासाठी सुरू असलेल्या तपासात ‘तुझा मित्र मुलीला घेऊन पळून गेला, तो कुठे आहे सांग’ असा जाब विचारत चौकशीसाठी पोलिस ठाण्यात बोलावलेल्या २६ वर्षीय तरुणाला बेल्ट आणि लाठीने बेदम मारहाण केल्याच्या आरोपाने वीरगाव पोलिस ठाणे वादाच्या भोवऱ्यात सापडले आहे. माळीसागज येथील नारायण वैजनाथ गिधाने यांच्या पाठीवर उमटलेले वळ समोर आल्यानंतर या प्रकरणाने गंभीर वळण घेतले….

छत्रपती संभाजीनगर येथील मेडिकव्हर रुग्णालयात सर्पदंश झालेल्या एका गरोदर महिलेवर डॉक्टरांच्या पथकाने यशस्वी उपचार केले. या उपचारामुळे आई आणि गर्भातील बाळाचे प्राण वाचले असून, महिलेची प्रकृती आता स्थिर आहे. सर्पदंश झाल्यानंतर या महिलेला तातडीने रुग्णालयात दाखल करण्यात आले होते. सर्पविषाचा शरीरावर होणारा परिणाम लक्षात घेऊन तिच्यावर त्वरित उपचार सुरू करण्यात आले. गर्भावस्थेमुळे आईच्या आरोग्यासोबतच गर्भातील…

पुणे येथे व्यवसायाच्या परवान्यासाठी २० लाख रुपयांची लाच मागितल्याप्रकरणी राज्य उत्पादन शुल्क विभागाचे निरीक्षक जितेंद्र हरिश्चंद्र पाटील (वय ४७) यांच्याविरुद्ध गुन्हा दाखल करण्यात आला आहे. पुणे लाचलुचपत प्रतिबंधक विभागाने (एसीबी) सोमवारी सायंकाळी त्यांना अटक केली. या प्रकरणातील तक्रारदार हे ३७ वर्षीय परवाना सल्लागार आहेत. त्यांच्या एका कंपनीला उत्पादन शुल्क विभागाकडून आवश्यक परवाना हवा होता. तसेच,…

पुणे विमानतळ प्रशासनाच्या समन्वयातून पुण्याहून मुंबईला जीवनदायी मानवी अवयवाची सुरक्षित आणि तातडीने वाहतूक करण्यात आली. अवयव प्रत्यारोपणासाठी अत्यंत कमी वेळ उपलब्ध असल्याने विमानतळ प्रशासन, विमान कंपनी, भूमी सेवा संस्था, सुरक्षा यंत्रणा आणि वैद्यकीय पथकाने समन्वय साधत ही वाहतूक सुलभ केली. भारती रुग्णालय, पुणे येथून संबंधित मानवी अवयव मिळविण्यात आला होता. तो मुंबईतील सर एच. एन….

तिवसा येथे वाहतूक नियमांचे उल्लंघन करणाऱ्यांवर कठोर कारवाई करण्यात येत आहे. विना हेल्मेट, ट्रिपल सीट, चुकीच्या बाजूने वाहन चालवणे आणि दारू पिऊन गाडी चालवणाऱ्यांविरोधात हायवेवरील पंचवटी चौक आणि कोर्ट परिसरात चेक पोस्ट लावून ही मोहीम राबवली जात आहे. दररोज सुमारे शंभर वाहनधारकांवर कारवाई केली जात असून, यामुळे वाहतूक नियमांबाबत जनजागृती होत असल्याचे पोलीस विभागाने म्हटले…