जागतिक वित्तीय क्षेत्रातील अग्रगण्य बीएनपी परिबास (BNP Paribas) समूहाची विमा कंपनी ‘बीएनपी परिबास कार्डिफ’ ही ‘इंडियाफर्स्ट लाईफ इन्शुरन्स’मधील सुमारे 26% भागभांडवल खरेदी करणार आहे. खासगी समभाग गुंतवणूकदार वॉरबर्ग पिंकस (Warburg Pincus) या कंपनीकडील
.
यासंदर्भात दोन्ही कंपन्यांमध्ये निश्चित करार झाला आहे. आवश्यक त्या सर्व नियामक मंजुऱ्या मिळाल्यानंतर हा व्यवहार पूर्ण होईल.
भागभांडवलाची नवी रचना
सदर व्यवहार पूर्ण झाल्यानंतर इंडियाफर्स्ट लाईफ इन्शुरन्समधील भागधारकांची रचना खालीलप्रमाणे असेल:
- बँक ऑफ बडोदा: सुमारे 65% हिस्सा.
- बीएनपी परिबास कार्डिफ: सुमारे 26% हिस्सा.
- युनियन बँक ऑफ इंडिया: सुमारे 9% हिस्सा.
इंडियाफर्स्ट लाईफचा पुढील टप्प्यातील विकास जलद गतीने करण्यासाठी सर्व भागधारक एकत्र येऊन काम करणार आहेत. यासाठी बँक ऑफ बडोदाचे अफाट शाखा जाळे, इंडियाफर्स्ट लाईफची मल्टी-चॅनेल वितरण प्रणाली आणि बीएनपी परिबास कार्डिफचे जागतिक बँकाश्युरन्स (Bancassurance) क्षेत्रातील ज्ञान व नवकल्पनांचा थेट फायदा कंपनीला होणार आहे.
भविष्यातील विस्ताराची दिशा
इंडियाफर्स्ट लाईफचे अध्यक्ष तसेच बँक ऑफ बडोदाचे व्यवस्थापकीय संचालक आणि मुख्य कार्यकारी अधिकारी डॉ. देवदत्त चंद यांनी या कराराचे स्वागत केले. ते म्हणाले की, हा व्यवहार कंपनीच्या दीर्घकालीन प्रगतीतील अत्यंत महत्त्वाचा टप्पा ठरेल. बँक ऑफ बडोदाचे स्थानिक बाजारपेठेतील विस्तृत जाळे आणि बीएनपी परिबास कार्डिफचा जागतिक अनुभव यामुळे देशभरातील ग्राहकांना अधिक दर्जेदार व सुरक्षित बचत पर्याय पुरवले जातील.
नवीन विमा उत्पादने अधिक मजबूत होतील
इंडियाफर्स्ट लाईफचे व्यवस्थापकीय संचालक आणि मुख्य कार्यकारी अधिकारी ऋषभ गांधी यांनी बीएनपी परिबास कार्डिफचे नवीन भागधारक म्हणून स्वागत केले. या नव्या भागीदारीमुळे कंपनीची वितरण क्षमता, डिजिटल सेवा आणि तंत्रज्ञानाधारित नवीन विमा उत्पादने अधिक मजबूत होतील, असा विश्वास त्यांनी व्यक्त केला. याच वेळी त्यांनी गेल्या काही वर्षांतील सहकार्याबद्दल वॉरबर्ग पिंकस या समभागाचे आभार मानले.
“भारत ही आमच्यासाठी दीर्घकालीन वाढीच्या दृष्टीने एक अतिशय महत्त्वाची आणि उच्च क्षमता असलेली बाजारपेठ आहे. मजबूत संस्थांसोबत भागीदारी करण्याच्या आमच्या जागतिक धोरणाचाच हा एक भाग आहे. आमचे आंतरराष्ट्रीय कौशल्य वापरून भारतातील अधिकाधिक लोकांपर्यंत विमा सेवा पोहोचवण्याचा आमचा मानस आहे.”
— पोलिन लेक्लेर्क-ग्लोरीओक्स, मुख्य कार्यकारी अधिकारी, बीएनपी परिबास कार्डिफ
