Ajinkya Rahane Childhood Memory : मी ७ वर्षांचा असताना प्रॅक्टिससाठी लोकलने प्रवास करायचो. पहिल्या दिवशी माझे वडील मला सोडायला आलेले, पण त्यासाठी त्यांना ऑफिसमधून रजा घ्यावी लागली होती
अजिंक्यच्या वडिलांचा निर्णय
मुलांना जगापासून जपणं आणि जगाला सामोरं जाण्यासाठी तयार करणं, यांमधील नेमकी सीमारेषा कुठे असते, याचा विचार पालक अनेकदा करत असतात. भारतीय क्रिकेट संघातील सर्वात भरवशाच्या फलंदाजांपैकी एक असलेल्या अजिंक्य रहाणेने काही दिवसांपूर्वीच आपल्या बालपणीची एक आठवण सांगितली होती. अजिंक्य अवघ्या सात वर्षांचा असताना त्याच्या वडिलांनी घेतलेल्या एका शांत पण महत्त्वपूर्ण निर्णयाशी संबंधित ही आठवण आहे.
एकट्याने लोकल प्रवास
अलिकडेच बीबीसीवरील एका ‘प्री-मॅच शो’मध्ये बोलताना अजिंक्यने त्याच्या कायम स्मरणात राहिलेली एक आठवण सांगितली. “मी सात वर्षांचा असताना प्रॅक्टिससाठी लोकलने प्रवास करायचो. पहिल्या दिवशी माझे वडील मला सोडायला आले होते. त्यासाठी त्यांना ऑफिसमधून रजा घ्यावी लागली होती आणि त्या दिवसाचा त्यांना पगारही मिळाला नव्हता. दुसऱ्या दिवशी ते म्हणाले, ‘आता तुला लोकलने एकट्यानेच प्रवास करावा लागेल.'”
आजकालच्या पालकांसाठी सात वर्षांच्या मुलाला गर्दीने भरलेल्या मुंबई लोकलमधून एकटे पाठवणे ही गोष्टच अकल्पनीय वाटू शकते. पण अजिंक्यच्या वडिलांसाठी हा आपल्या मुलाला वाऱ्यावर सोडण्याचा प्रकार नव्हता; तर त्याला हळूहळू स्वावलंबी बनवण्याचे ते एक पाऊल होते.
Sakshi Chaudhary Boxing : शेतकऱ्याच्या लेकीची गगनभरारी, बॉक्सर साक्षीनं पदक पक्कं करत रचला इतिहास, एका टर्निंग पॉइंटने बदललं आयुष्य
अजिंक्यचा भाबडा समज
ही गोष्ट साधारण १९९५-९६ ची. दररोज सकाळी ७ वर्षांचा अजिंक्य आपली क्रिकेट किट बॅग घेऊन गर्दीने खच्चून भरलेल्या लोकलमधून सरावासाठी जायचा. त्याला वाटायचे की स्वतःची जबाबदारी स्वतः सांभाळण्याइतपत वडिलांचा त्याच्यावर विश्वास होता. मात्र अनेक वर्षांनंतर त्याला या गोष्टीची दुसरी बाजू समजली.
वडिलांचा दुसऱ्या डब्यातून प्रवास
अजिंक्यला तब्बल पाच-सहा वर्षांनंतर खरं कारण समजलं. “मी अवघ्या सात वर्षांचा असताना मुंबईत पहाटेच्या वेळी खच्चून भरलेल्या लोकलमधून माझी किट-बॅग घेऊन प्रवास करायचो. साधारण पाच-सहा वर्षांनंतर माझ्या वडिलांनी मला सांगितलं की, त्या काळात मी रेल्वे स्टेशनपर्यंत सुखरुप पोहोचतोय की नाही हे पाहण्यासाठी ते दुसऱ्या डब्यातून माझ्यावर लक्ष ठेवून असायचे. ही गोष्ट माझ्या मनाला खूप खोलवर स्पर्शून गेली.”
सुरक्षित पोहोचत असल्याची खात्री
अजिंक्य रहाणेला त्याचे वडील त्याला कधीच खऱ्या अर्थाने एकटे सोडत नसत. मुलाला आपल्यावर कोणीतरी लक्ष ठेवून आहे किंवा आपल्यावर संशय घेतला जात आहे, असे अजिबात वाटू न देता, ते शांतपणे दुसऱ्या डब्यातून प्रवास करत असत आणि संपूर्ण प्रवासादरम्यान आपल्या मुलावर नजर ठेवून तो सुरक्षितपणे पोहोचतोय ना, याची खात्री करत असत. अजिंक्यसाठी ही केवळ बालपणीची एक आठवण न राहता त्याहूनही अधिक मोलाची गोष्ट ठरली आहे.Jayden seales : 18 धावांत 5 विकेट्स, पाकिस्तानचा कर्दनकाळ ठरला; कोण आहे वेस्ट इंडिजचा स्टार जेडन सील्स?
अजिंक्यचा निर्धार
हा किस्सा केवळ एका रेल्वे प्रवासावर संपली नाही; तर त्या घटनेने अजिंक्यचा आपल्या पालकांकडे आणि क्रिकेटमधील स्वतःच्या प्रवासाकडे पाहण्याचा दृष्टिकोन घडला. तो म्हणाला, “त्याच वेळी मी ठरवले की, इथून पुढे मी जे काही करेन — मग ते माझ्या राज्यासाठी खेळणं असो किंवा देशासाठी — ते मी माझ्या पालकांसाठी करेन; आणि तीच प्रेरणा मला नेहमीच पुढे जाण्यासाठी बळ देत राहिली आहे.”
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
