IPL Cricketer arrest order : पश्चिम बंगालचा क्रिकेटपटू अभिषेक पोरेल याच्यावर लग्नाचे आमिष दाखवून लैंगिक संबंध ठेवल्याचा आणि त्यांचे खाजगी क्षण रेकॉर्ड केल्याचा आरोप महिलेने केला आहे.
पश्चिम बंगालचा क्रिकेटपटू अभिषेक पोरेल याच्यावर लग्नाचे आमिष दाखवून लैंगिक संबंध ठेवल्याचा आणि त्यांचे खाजगी क्षण रेकॉर्ड केल्याचा आरोप एका महिलेने केला आहे. तक्रारदार महिलेला धमकावल्याचाही आरोप अभिषेकवर आहे.
कोण आहे अभिषेक पोरेल?
२३ वर्षांचा अभिषेक हा यष्टिरक्षक-फलंदाज आहे. त्याने पश्चिम बंगालसाठी ११६ सामने खेळले आहेत. आयपीएलमधील ‘दिल्ली कॅपिटल्स’ संघाकडून तो ३५ सामने खेळला आहे. दिल्लीने त्याला ४ कोटी रुपयांना संघात रिटेन केले होते.
फ्लॅटवर नेऊन लग्नाच्या आमिषाने संबंध
महिलेच्या तक्रारीनुसार, अभिषेकशी जानेवारी २०२३ मध्ये तिची भेट झाली होती. अभिषेकने तिला मंकुंडू येथील आपल्या फ्लॅटवर नेले. लग्नाचे आमिष दाखवून तिच्याशी लैंगिक संबंध ठेवले, असा आरोप त्या महिलेने केला आहे. नंतर तिला समजले की, आरोपीचे इतर महिलांशीही संबंध होते.
Uday Krishna Reddy : माझी सॉलिड इच्छा होतेय रे… रुममध्ये शिरुन जबरदस्ती किस, मी तिच्या नवऱ्याला व्हिडिओ पाठवला; प्रशिक्षणार्थी IPS च्या चिठ्ठीने खळबळ
अभिषेकने मला डांबून ठेवले, मला अन्न-पाणी दिले नाही, इतरांपासून वेगळे ठेवले, असाही आरोप त्या महिलेने केला आहे. २ एप्रिल २०२६ रोजी दिल्लीत घडलेल्या घटनेनंतर तिची प्रकृती खालावली, त्यामुळे तिला तातडीने वैद्यकीय उपचारांची गरज होती. तिला फोन आणि सोशल मीडियाद्वारे धमक्या मिळाल्याचा आरोपही तिने केला आहे.
पेन ड्राईव्हमध्ये गोपनीय माहिती
तपासादरम्यान एक पेन ड्राइव्ह जप्त करण्यात आला आहे. त्यात महत्त्वपूर्ण डिजिटल माहिती असण्याची शक्यता आहे. त्यामुळे कथित आक्षेपार्ह माहिती पुढे शेअर होण्यापासून रोखण्यासाठी आरोपीला अटक करणे आणि त्याची इलेक्ट्रॉनिक उपकरणे जप्त करणे आवश्यक असल्याचे कोर्टाने म्हटले आहे.
VIDEO | दिल्लीतील आंदोलनाला कोल्हापुरातून पाठींबा, शिवाजी विद्यापीठातील विद्यार्थी रस्त्यावर
अटक करण्याचे कोर्टाचे आदेश
पोलीस आरोपीला पकडण्याचा प्रयत्न करत आहेत, परंतु त्यांना अद्याप अटक करण्यात यश आलेले नाही. आरोपीला अटक करण्याबाबत आणि डिजिटल पुरावे सुरक्षित राखण्याबाबतची कार्यवाही जलद गतीने करण्याचे निर्देश न्यायालयाने पोलिसांना दिले आहेत.Crime News : ‘अतुलची बायको’ हातावर नवऱ्याच्या नावाचा टॅटू, मात्र त्याचाच जीव घेतला; स्कूलबस चालक प्रियकरासह अटक, शेजारी चकित
अभिषेकने आरोप फेटाळले
दरम्यान, क्रिकेटपटू अभिषेक पोरेल याने हे आरोप फेटाळून लावले आहेत. जर माझ्याविरुद्ध कोणतीही तक्रार दाखल झाली असेल, तर ते आरोप पूर्णपणे खोटे आहेत, असे त्याने म्हटले आहे. हे प्रकरण २३ जून २०२६ रोजी कोलकात्यातली मोगरा पोलीस ठाण्यात दाखल करण्यात आले होते.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा