Mohammed Siraj Telangana Police : मोहम्मद सिराज आता क्रिकेटच्या मैदानाऐवजी पोलिसांच्या वर्दीत दिसत आहे. पण टीम इंडियापासून दूर असताना त्याच्या गोलंदाजीची खरी किंमत कशी जाणवली आणि चाहत्यांना ‘मियां भाई’ची आठवण का आली?
क्रिकेटच्या मैदानावर आपल्या भन्नाट वेगाने फलंदाजांची दांडी उडवणारा ‘मियाँ भाई’ म्हणजेच मोहम्मद सिराज आता एका नव्या आणि अत्यंत आदराच्या भूमिकेत दिसत आहे. नुकताच त्याने तेलंगणा पोलिसांमध्ये पोलीस उपअधीक्षक (DSP) पदाची जबाबदारी स्वीकारली. त्यानंतर सिराजने सोशल मीडियावर खाकी वर्दीतील एक फोटो शेअर करत ‘डीएसपी मोहम्मद सिराज रिपोर्टिंग फॉर ड्युटी’ असे कॅप्शन दिले. त्याच्या या पोस्टने क्रीडाप्रेमींचे लक्ष वेधून घेतले आहे. एरवी मैदानावर आक्रमक दिसणारा सिराज तसा शांत स्वभावाचा आहे. पण त्याच्या या खाकी वर्दीने त्याच्या संघर्षाची आणि यशाची गती स्पष्टपणे दाखवून दिली आहे.
IND vs PAK: भारत-पाकिस्तानचे दिग्गज पुन्हा आमनेसामने; एशियन लेजेंड्स लीगमध्ये कधी रंगणार महासंग्राम?
सिराजची उणीव टीमला जाणवली
सततचे सामने आणि खेळाडूंचे वर्कलोड मॅनेजमेंट लक्षात घेऊन टीम मॅनेजमेंटने सिराजला आयर्लंड आणि इंग्लंडविरुद्धच्या टी-20 मालिकेतून विश्रांती दिली होती. हा निर्णय भविष्यातील महत्त्वाच्या मालिकांचा विचार करून घेतलेला असला, तरी या दौऱ्यात भारतीय संघाला त्याची उणीव प्रकर्षाने जाणवली.
नव्या चेंडूने दोन्ही बाजूंना स्विंग मिळवणे आणि सुरुवातीच्याच षटकांमध्ये धक्का देणे, ही सिराजची सर्वात मोठी ताकद आहे. त्याच्या अनुपस्थितीत भारतीय गोलंदाजीतील ती धार गायब दिसली. आयर्लंडच्या छोट्या मैदानांवर विरोधी फलंदाजांनी भारतीय गोलंदाजांवर हल्लाबोल केला. अशा वेळी सुरुवातीच्या षटकांत फलंदाजांवर मानसिक दबाव निर्माण करणाऱ्या सिराजसारख्या गोलंदाजाची कमी स्पष्ट जाणवली. इंग्लंडविरुद्धही भारतीय गोलंदाजांना अखेरच्या षटकांमध्ये धावा रोखण्यात मोठे अडथळे आले. सिराजचे अचूक यॉर्कर्स आणि प्रभावी टप्प्यावर गोलंदाजी करण्याची क्षमता संघाला आठवत राहिली. ‘सिराज संघात असता, तर सामन्याचा निकाल वेगळा असता,’ अशा प्रतिक्रिया चाहत्यांनी सोशल मीडियावर दिल्या.
संघर्षातून मिळालेला सन्मान
सिराजला मिळालेली ही खाकी वर्दी केवळ एक सरकारी पद नसून त्याच्या अथक परिश्रमाचे फळ आहे. हैदराबादमधील एका अत्यंत सामान्य कुटुंबात जन्मलेल्या सिराजचे वडील ऑटो रिक्षा चालवायचे. बिकट आर्थिक परिस्थितीशी दोन हात करत भारतीय संघाचा मुख्य वेगवान गोलंदाज बनण्यापर्यंतचा त्याचा प्रवास थक्क करणारा आहे. टी-20 विश्वचषक विजयातील त्याच्या मोलाच्या योगदानाची दखल घेऊन तेलंगणा सरकारने त्याला या पदाने सन्मानित केले.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा