Malbar Hill Woman Murder Case : नेपियन सी रोड येथील शिमला नगर वस्तीत राहणाऱ्या ५५ वर्षीय ज्योती पवार यांची बॉडी राहत्या घरी शनिवारी मलबार हिल पोलिसांना आढळली.
नेपियन सी रोड येथील शिमला नगर वस्तीत राहणाऱ्या ज्योती पवार (५५) या महिलेची बॉडी राहत्या घरी शनिवारी मलबार हिल पोलिसांना आढळली. शवविच्छेदनामध्ये ज्योती यांची गळा आवळून हत्या करण्यात आल्याचे स्पष्ट झाले. याबाबत हत्येचा गुन्हा दाखल करून तपास सुरू करण्यात आला.
आई फोन उचलत नसल्याने चिंता
घरकाम करणाऱ्या ज्योती पवार यांना त्यांचे कुटुंबीय वारंवार फोन करत होते मात्र शनिवारी कॉल्सना प्रतिसाद न दिल्याने दहिसर येथे राहणारी त्यांची कन्या एकता जाधव यांना चिंता वाटू लागली. कारण त्यांच्या आईची दिनचर्या निश्चित होती आणि त्या फोनला प्रतिसाद देत नव्हत्या.
Supreme Court : परस्त्रीसोबत हॉटेल मुक्काम अन् कॉल; व्यभिचाराचे पुरावे लपवण्यासाठी ‘प्रायव्हसी’ची ढाल नको, सुप्रीम कोर्टाने पतीला खडसावले
नातेवाईक पवारांच्या निवासस्थानी पोहोचले असता त्यांना खोली आतून बंद असल्याचे आढळले. आत प्रवेश केल्यावर, ज्योती त्यांना मृतावस्थेत आढळल्या. त्यांच्या मानेवर जखमेच्या खुणा स्पष्ट दिसत होत्या. या घटनेची माहिती मलबार हिल पोलिसांना देण्यात आली.
तपास अधिकाऱ्यांनी परिसरातील सीसीटीव्ही फुटेज तपासले, शेजाऱ्यांकडे चौकशी केली आणि गुन्ह्याच्या सुमारास चाळीत आलेल्या व्यक्तींची पडताळणी केली. तपासादरम्यान, मोहम्मद कैफ याच्या जबाबात विसंगती आढळल्याने पोलिसांचा त्याच्यावर संशय बळावला. त्यांनी त्याला या गुन्ह्याशी जोडणारे तांत्रिक आणि परिस्थितीजन्य पुरावे गोळा केले.
Sanjay Jadhav भाजपात जाणार?, चर्चांना लावला फुलस्टॉप, म्हणाले, ‘मी कडवट शिवसैनिक’
सोन्याची चेन चोरुन पसार
पोलीस तपासादरम्यान त्यांच्या घरी भाड्याने राहणाऱ्या मोहम्मद खैफ शेख (२३) याने हा गुन्हा केल्याचे स्पष्ट झाले. पवारांची सोन्याची चेन लंपास करुन तो पळाला. हत्येनंतर शहराबाहेर पसार होण्याच्या प्रयत्नात असलेल्या शेख यास पोलिसांनी रविवारी अटक केली. त्याने सांगितले की, त्याला अलिकडेच त्याच्या छोट्या व्यवसायात नुकसान झाले होते आणि तो आर्थिक अडचणींचा सामना करत होता. पवार गळ्यात सोन्याची चेन घालतात हे त्याला ठाऊक होते. काही कारण काढून तो पवारांच्या घरात शिरला. त्यांचा गळा दाबून जीव घेतला आणि सोन्याची चेन खेचून परागंदा झाला. या प्रकरणाचा तपास सुरू आहे, असे उपआयुक्त आर. रागसुधा यांनी सांगितले.
भावांच्या भांडणात मध्यस्थी करणाऱ्याचा खून
दुसरीकडे, ट्रॉम्बेच्या चिता कॅम्प परिसरात असलेल्या मंदिरातील आर्थिक व्यवहाराच्या वादातून शिवप्रसाद आणि हरिप्रसाद या भावांमध्ये वाद झाला. यावेळी त्याठिकाणी पोहोचलेल्या शरदकुमार याने हस्तक्षेप करण्याचा प्रयत्न केला असता दोघे भाऊ त्याच्यावरच चिडले आणि वाद घालू लागले. या वादाचे पर्यावसान हाणामारीत झाले. शिवप्रसाद आणि हरिप्रसाद यांनी शरदकुमारला पेव्हर ब्लॉकने मारले. यात गंभीर जखमी झालेल्या शरदकुमार याचा उपचारादरम्यान मृत्यू झाला.Crime News : 23 वर्षीय शिक्षिकेच्या कलेवराला मिठी मारली, 40 वर्षीय लॅब टेक्निशियनने प्राण सोडले, प्रेमसंबंधांचा करुण अंत
गोरेगाव येथे नाल्यात बॉडी
गोरेगाव पश्चिमेला लिंक रोड असलेल्या नाल्यात रविवारी दुपारी एक शव सापडले. मयत व्यक्तीची ओळख पटविण्याचे प्रयत्न सुरू असल्याचे पोलिसांनी सांगितले. हा व्यक्ती नाल्यात पडला, की त्याची हत्या करण्यात आली, याबाबत तपास करण्यात येत असल्याचे पोलिसांनी म्हटले आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा