Diwali Discount Offers On Bikes And Scooters,दिवाळीत ‘स्वस्तात’ घरी न्या बाईक-स्कूटर ! Hero, Bajaj, TVS आणि Honda च्या टू-व्हीलर्सवर बंपर डिस्काउंट – diwali discount offers on bikes and scooters hero motocorp honda bajaj tvs suzuki check details

आघाडीची ऑटोमेकर Hero Motocorp आपल्या बाईक्स आणि स्कूटरच्या विस्तृत श्रेणीवर भरघोस सूट देत आहे. Hero Splendor+ पासून Hero Maestro Edge पर्यंत सर्व दुचाकींवर दिवाळी ऑफर देण्यात येत आहेत. कंपनी फक्त ६,९९९ रुपयांच्या डाउन पेमेंटसह बाईक किंवा स्कूटर घरी घेऊन जाण्याची संधी देत आहे. जर तुम्हाला हिरोची बाईक फायनान्सवर घ्यायची असेल, तर कंपनी ५.५५ टक्के व्याजदराने फायनान्स पर्याय कंपनी देत आहे.

फेस्टिव्ह सीझन सेल दरम्यान, हिरो त्याच्या बाइक्स आणि स्कूटरच्या निवडक मॉडेल्सवर १२,५०० रुपयांचे फायदे देत आहे. जर तुम्हाला क्रेडिट किंवा डेबिट कार्डने वाहन घ्यायचे असेल तर तुम्ही ७,५०० रुपये वाचवू शकता. याशिवाय, कंपनी २,१०० रुपयांची रोख सवलत आणि ५,००० रुपयांचा लॉयल्टी/एक्सचेंज बोनस देखील देत आहे.

आघाडीची बाईक निर्माता कंपनी बजाज ऑटो (Bajaj Auto) देखील या दिवाळीत त्यांच्या पल्सर आणि प्लॅटिना बाइक रेंजवर सूट देत आहे. कंपनी Pulsar NS160 आणि Pulsar 150 सिंगल डिस्क मॉडल्सच्या खरेदीवर ४,००० रुपयांची रोख सूट देत आहे. याशिवाय, दोन्ही बाईक फक्त १८,३४८ रुपयांच्या डाऊन पेमेंटवर घरी नेण्याची ऑफर दिली जात आहे. याशिवाय, Platina Comfortec Edition च्या खरेदीवरही रु. २,८०० ची जबरदस्त बचत करता येईल. Bajaj Platina Platina Comfortec च्या किमती रु.५८,६२४ (एक्स-शोरूम) पासून सुरू होतात.

आघाडीची वाहन निर्माता TVS देखील या सणासुदीच्या हंगामात आपल्या वाहनांवर आकर्षक ऑफर देत आहे. या दिवाळीत TVS ची 160cc बाइक Apache RTR 160 4V शून्य टक्के व्याजदराने खरेदी करता येईल. एवढेच नाही तर तुम्हाला ही बाईक कर्जावर खरेदी करायची असेल तर ग्राहकांसाठी कंपनीने फक्त ३१९ रुपयांचा मासिक EMI प्लॅन सुरू केला आहे. याशिवाय कंपनी या बाइकवर ८,००० रुपये वाचवण्याची संधीही देत आहे. TVS च्या 100cc आणि 110cc कम्युटर बाईक्सवरही जबरदस्त फायदे मिळू शकतात. TVS Sport, Star City Plus आणि Radeon यांचाही फेस्टिव्ह सीझन ऑफरमध्ये समावेश आहे. टीव्हीएस या बाईक्सवर ५,००० रुपयांपर्यंत बचत करण्याची संधी देत आहे. या तिन्ही बाईक कंपनीच्या सर्वाधिक मायलेज देणाऱ्या बाईक आहेत.

सुझुकी मोटरसायकल आपल्या ग्राहकांना दिवाळीच्या शुभ मुहूर्तावर आपल्या सर्व बाईक आणि स्कूटर रेंजवर सूट देत आहे. सुझुकी बाईक किंवा स्कूटरच्या खरेदीवर ग्राहकांना ३,००० रुपयांची सूट मिळू शकते. सुझुकी मोटरसायकलच्या अधिकृत वेबसाइटवर तुम्ही तुमची आवडती बाइक किंवा स्कूटर बुक केल्यास तुम्हाला अॅक्सेसरीजवर ३,००० रुपयांची सूट दिली जाईल. बाईक आणि स्कूटर रेंजवर सवलती व्यतिरिक्त, जर तुम्हाला बाइक आवडली आणि तुम्ही ती विकत घेतली तर कंपनी तुम्हाला १० ग्रॅम चांदीचे नाणे निश्चित भेट म्हणून जिंकू शकते. ही ऑफर Suzuki Gixxer बाईक्स आणि Access आणि Burgman Street स्कूटरच्या संपूर्ण रेंजवर उपलब्ध आहे. सुझुकीच्या टू-व्हीलर रेंजवर ३१ ऑक्टोबर २०२१ पर्यंतच ऑफर आहे.