Dhule crime uncle and nephew killed on the spot in bike and container accident; सकाळी कामावर निघाले, वाटेत अनर्थ घडला; मामा-भाच्याचा दुर्दैवी अंत, कुुटुंबावर शोककळा

नेमकं काय घडलं?

शिंदखेडा तालुक्यातील पिंप्राळ येथील रहिवासी सुनील साहेबराव बेहरे (वय 35) आणि त्यांचा भाचा चेतन पंकज देसले (वय 21) हे दोघे एमआयडीसीत कामाला जात होते. त्यांची दुचाकी एमएच 18/बीडब्ल्यु 2420 या क्रमांकाची होती. सकाळी साडे आठच्या सुमारास बाभळे फाट्याजवळ मागाहून वेगाने येणाऱ्या डीएन 09/आर 9868 क्रमांकाच्या कंटेनरने त्यांच्या दुचाकीला जोरदार धडक दिली. या धडकेत सुनील आणि चेतन या मामा-भाच्याचा जागीच मृत्यू झाला.
Nagpur Crime : प्रॉपर्टीचा वाद विकोपाला, काकाकडून पुतण्यावर गोळीबार; कुटुंबातील अंतर्गत भांडणातून भयंकर घटना
अपघात घडल्यानंतर रस्त्यावरून जाणाऱ्या प्रवाशांनी तात्काळ पोलीस मदत केंद्राला माहिती दिली. माहिती मिळताच शिंदखेडा पोलीस घटनास्थळी दाखल झाले. अपघातात गंभीर जखमी झालेल्या दोघांना 108 रुग्णवाहिकेद्वारे नरडाणा येथील प्राथमिक आरोग्य केंद्रात नेण्यात आलं. मात्र, डॉक्टरांनी त्यांना मृत घोषित केलं.

या घटनेनंतर कंटेनरचा चालक चंद्रभान सीतलाप्रसाद प्रजापती (वय 32), जो मूळचा उत्तर प्रदेशातील असून सध्या चेंबूर, मुंबई येथे राहत होता. तो स्वतःहून शिंदखेडा पोलीस ठाण्यात हजर झाला. या प्रकरणी मृताचे नातेवाईक पंकज जगन्नाथ देसले यांनी दिलेल्या तक्रारीवरून कंटेनर चालकाविरुद्ध गुन्हा दाखल करण्यात आला आहे. पोलीस या प्रकरणाचा अधिक तपास करत आहेत.

अपघाताचं नेमकं कारण काय हे शोधण्याचा प्रयत्न केला जात आहे. कंटेनरच्या वेगामुळे हा अपघात झाला असावा असा प्राथमिक अंदाज आहे. या घटनेमुळे परिसरात हळहळ व्यक्त केली जात आहे. एकाच दिवशी, एकाच वेळी कुटुंबातील दोघांचा मृत्यू झाल्याने दोन कुटुंबावर दु:खाचा डोंगर कोसळला आहे.