Shabana Azmi : ‘धर्माच्या आधारावर फूट पाडणं हे भारताच्या संस्कृतीच्या आणि संविधानाच्या विरोधात आहे’, शबाना आझमींचं वक्तव्य

समाजात जाणीवपूर्वक फुट पाडली जाते

शबाना आझमी म्हणाल्या की, ‘दोन्ही समाजातील कट्टर लोक मला आणि जावेद दोघांनाही सहन करू शकत नाहीत. कट्टर हिंदू कट्टर आणि कट्टर मुस्लीम लोकांना आम्ही आवडत नाही. यावरूनच आमची धर्मनिरपेक्षता सिद्ध होते, असं आम्हाला वाटतं. कारण कधी एखादा मौलवी आमच्याविरोधात फतवा काढतो, तर कधी कोणी आम्हाला दहशतवादी म्हणतं. आपल्याला या हिंदू-मुस्लीम वादाच्या पलीकडे जावं लागेल. समाजात फूट पाडण्यासाठी जे जाणीवपूर्वक प्रयत्न केले जात आहेत, त्यामध्ये आपण न पडणं हाच यावरील एकमेव उपाय आहे. ही लढाई हिंदू आणि मुस्लीम यांच्यात नसून उदारमतवादी आणि कट्टर लोकांमध्ये आहे, हे आपण समजून घ्यायला पाहिजे.’

Vandana Gupte : ‘नाटकाच्या प्रयोगात फोन वाजला की अभिनेते थांबतात, मला त्यांचा राग येतो’; स्पष्टच बोलल्या अभिनेत्री वंदना गुप्ते
‘उदारमतवादी हिंदू आणि मुस्लीम एका बाजूला आहेत, तर कट्टर हिंदू आणि मुस्लीम दुसऱ्या बाजूला आहेत. तुम्ही जेव्हा याकडे या दृष्टिकोनातून बघाल, तेव्हाच धर्माच्या नावावर लोकांमध्ये फूट पाडण्याचं विष तुमच्या मनातून निघून जाईल. धर्माच्या आधारावर फूट पाडणं हे भारताच्या संस्कृतीच्या आणि संविधानाच्या विरोधात आहे. खरा भारत म्हणजे सांस्कृतिक विविधता आहे. आम्ही आयुष्यभर हीच संस्कृती जपली आहे. माझ्या कुटुंबानं नेहमीच भारताच्या विविधतेचा आदर केला आहे.’ असं शबाना आझमी यांनी शेवटी सांगितलं. ‘झूम’ला दिलेल्या मुलाखतीत शबाना आझमी बोलत होत्या.

दरम्यान, याच मुलाखतीत शबाना आझमी यांनी ‘बटवारा १९४७’ या सिनेमाबद्दलही प्रतिक्रिया दिली. सनी देओलला प्रेक्षक मुस्लीम पात्राच्या भूमिकेत स्वीकारू शकले नाहीत, असं शबाना यांनी म्हटलं आहे.