Crime News: राज्यात टॉपर, CM कडून सन्मान; आता सगळ्या पदव्या रद्द, 1 लाखाचं बक्षीस, टॅबलेटही जप्त होणार

रजनीशचा शेजारी जगत प्रसादनं तक्रार दाखल केली. या तक्रारीची चौकशी करण्यात आली. त्यात त्याची जुनी शैक्षणिक कागदपत्रं बोगस आढळून आली. रजनीशनं जन्मतारखेसह नावातही बदल केला होता. त्यामुळे प्रदेश माध्यमिक संस्कृत शिक्षण परिषदेचे संचालक प्रताप सिंह बघेल यांनी त्याचे हायस्कूल आणि इंटरमीडिएटची शैक्षणिक कागदपत्रं रद्द केली. रजनीशला देण्यात आलेला पुरस्कार परत घेतला जाणार असून त्याला दिलेला सन्मान निधीही वसूल केला जाणार आहे.

यूपी संस्कृत बोर्ड २०२६ चा टॉपर रजनीश यादवच्या विरोधात गुन्हा दाखल झाला आहे. यादव विरोधात फसवणूक, कटकारस्थान रचल्याच्या गंभीर कलमांच्या अंतर्गत गुन्हे नोंदवण्यात आले आहेत. सरकारनं आता त्याच्याकडून लॅपटॉप आणि १ लाख रुपयांची रक्कम वसूल करण्यासाठी अधिकाऱ्यांना पत्र लिहिलं आहे. नाव आणि जन्मतारखेत बदल करून प्रवेश घेऊन परीक्षा दिल्याचा आरोप रजनीशवर आहे.

रजनीशचा शेजारी जगत प्रसादनं दिलेल्या तक्रारीच्या आधारे आसपूर देवसरा पोलीस ठाण्यानं कारवाई केली. राम टहल संस्कृत माध्यमिक विद्यालयाचा विद्यार्थी असलेल्या रजनीशनं २४ एप्रिलला जाहीर झालेल्या निकालात ८९.३६ टक्के मिळवत राज्यात पहिला क्रमांक पटकावला. यानंतर मुख्यमंत्री योगी आदित्यनाथ यांनी त्याचा सन्मान केला होता. आता हाच टॉपर कायदेशीर वादात सापडला आहे.

या सगळ्या घटनाक्रमानंतर उत्तर प्रदेश माध्यमिक संस्कृत शिक्षण परिषदेच्या २०२६ मध्ये बारावीच्या परिक्षेत राज्यात पहिला क्रमांक मिळवणाऱ्या रजनीश यादवचं नाव वादात सापडलं आहे. शेतकरी कुटुंबातून आलेल्या रजनीशनची संघर्षगाथा अनेकांसाठी प्रेरणादायी ठरली होती. मात्र आता त्याच्यावर फसवणुकीचे आरोप झाले आहेत.