Mumbai Police Administration Takes Strict Action Arrival of Lalbaugcha Raja; बाप्पा सुखरुप सर्व पार पडू दे! भुलेश्वर दुर्घटनेमुळे लालबाग-परळमध्ये कठोर उपाययोजना, आगमनाच्या उत्साहाला सावधगिरीची किनार

प्रत्येक हालचालींवर बारकाईने लक्ष

भव्य गणेशमूर्तींच्या स्वागतासाठी शेकडो भाविक आणि उत्सव मंडळांचे कार्यकर्ते रस्त्यावर उतरले असले, तरी प्रशासन आणि पोलिस यंत्रणा कोणतीही जोखीम न पत्करता प्रत्येक हालचालींवर बारकाईने लक्ष ठेवून होती. बाप्पाच्या आगमनाच्या आनंदात सुरक्षिततेचा संदेश देत लालबाग-परळ परिसरात अभूतपूर्व पोलिस बंदोबस्त तैनात करण्यात आला होता.

Mumbai Crime : प्रेयसीचा नको तो हट्ट, तरुणाने साखरपुडा मोडला, भडकलेल्या तरुणीची मुंबई पोलिसांना खोटी टिप, सोहमच्या घरी छापा टाकताच मोठा उलगडा

गाजावाजा न करता साध्य पद्धतीने मंडपाकडे रवाना

परळ वर्कशॉप, गणसंकुल आणि परिसरातीलविविध कारखान्यांतून भव्य गणेशमूर्ती मंडपांकडे रवाना झाल्या. सोबतच काही नामांकित मंडळांनी पूर्वनियोजित आगमन सोहळा रद्द केला. तसेच काही मंडळांनी कोणताही गाजावाजा न करता साध्य पद्धतीने गणेशमूर्ती मंडपाकडे रवाना केल्या. उंच आणि आकर्षक मूर्ती पाहण्यासाठी सकाळपासूनच भाविकांची मोठी गर्दी उसळली होती. बाप्पाची एक झलक पाहण्यासाठी नागरिकांनी रस्त्यांच्या दुतर्फा गर्दी केली असून, आगमन सोहळ्याचे सर्वांना भावनिक आणि भक्तिमय वातावरण सर्वत्र अनुभवायला मिळत आहे.

उड्डाणपुलाच्या कडेलाही बॅरिकेडींग

परळ वर्कशॉप, आणि गण संकुलच्या प्रवेशद्वारावर मुंबई पोलिसांनी विशेष बॅरिकेड्सची आखणी केली होती. सोबतच जमलेल्या गर्दीचा अडथळा दैनंदिन वाहतुकीला होऊ नये म्हणून पोलिसांनी खबरदारी घेतली होती. तसेच परळ-भायखळा उड्डाणपुलाच्या कडेलाही बॅरिकेडींग करण्यात आली होती. भुलेश्वरमधील दुर्घटनेनंतर कोणतीही अप्रिय घटना घडू नये, यासाठी मुंबई पोलिसांनी विशेष खबरदारी घेतली आहे. लालबाग, परळ, गणसंकुल आणि प्रमुख मार्गांवर स्थानिक पोलिसांसह एसआरपीएफच्या तुकड्या तैनात करण्यात आल्या आहेत. साध्या वेशातील पोलिस, सीसीटीव्ही कॅमेरे आणि विशेष महिला सुरक्षा पथके परिसरात सतत गस्त घालत होत. मोठ्या प्रमाणावर होणारी गर्दी आणि वाहतुकीचा ताण लक्षात घेऊन वाहतूक पोलिसांनीही पर्यायी मार्गांची व्यवस्था केली होती.

Chhatrapati Sambhajinagar : खवड्या डोंगर प्रकरण; कुणालच्या मावशीचा सासरच्या आरोपांवर पलटवार, 20 वर्षांपूर्वीच्या घटनेची आठवण दिली; कौटुंबिक वादाचे पदर आणखी गडद

गणेशमूर्ती आगमन मार्गांची पाहणी करा

भुलेश्वर राजा सार्वजनिक गणेशोत्सव मंडळाची गणेशमूर्ती कोसळून झालेल्या अपघातानंतर सर्व गणेश आगमन मार्गांची पाहणी केली जाणार आहे. ‘भुलेश्वर येथील दुर्घटनेच्या चौकशीत नेमकी कारणे समोर येतील आणि त्यानुसार जबाबदारी निश्चित होईल. मात्र, भविष्यात अशा दुर्घटना घडू नयेत यासाठी गणेश मंडळे, महापालिका प्रशासन आणि पोलिस यंत्रणांनी समन्वयाने काम करणे आवश्यक आहे. महापालिकेने येत्या २४ तासांत आगमनाच्या मार्गांची पाहणी करून आवश्यक दुरुस्ती तसेच सुरक्षेच्या उपाययोजनांवर कार्यवाही करावी’, असे निर्देश सांस्कृतिक कार्यमंत्री तथा मुंबई उपनगर पालकमंत्री आशीष शेलार यांनी दिले आहेत.

पार्थिवाचे चंदनवाडी स्मशानभूमीत अंतिम दर्शन

शेलार यांनी मंडळाच्या पदाधिकाऱ्यांची भेट घेत मृत्युमुखी पडलेल्यांच्या कुटुंबीयांचे सांत्वन केले. तसेच, मृत्युमुखी पडलेले मंडळाचे पदाधिकारी संकेत नेवसे आणि बृजेश जोशी यांच्या पार्थिवाचे चंदनवाडी स्मशानभूमीत अंतिम दर्शन घेतले. यावेळी मंत्री मंगलप्रभात लोढा हेही उपस्थित होते. उपमुख्यमंत्री एकनाथ शिंदे यांनीदेखील शनिवारी मध्यरात्री गिरगावच्या एचएन रिलायन्स रुग्णालयात जाऊन जखमींची भेट घेतली.

Amravati Fire : अमरावतीत NICU मध्ये आग, तीन नवजात अर्भकांचा होरपळून मृत्यू; स्वतःचा विचार न करता बाळांना वाचवलं, धाडसी नर्समुळे मोठा हाहाःकार टळला

मृतांच्या वारसांना आर्थिक मदत

या दुःखाच्या प्रसंगी मृतांच्या कुटुंबीयांच्या पाठीशी उभे राहणे हे आपले कर्तव्य आहे. मृतांच्या कुटुंबीयांना शासनाच्यावतीने आर्थिक मदत करण्याची भूमिका राहणार असून, जखमींवर उपचार करणाऱ्या रुग्णालयांना आवश्यक ती सर्व मदत आणि आर्थिक साह्य करण्यात येईल, तसेच मृतांच्या नातेवाइकांना वैयक्तिकरित्या पाच लाखांची मदत देणार असल्याचे शेलार यांनी सांगितले.