Bank Union Nationwide Strike 2026; बँक संघटनांचा एल्गार, देशव्यापी संपाची हाक; या तारखांना पूर्ण शटडाऊन, अपडेटविषयी माहिती घ्या अन् नाहक हेलपाटे टाळा

बँकांचा देशव्यापी संप जाहीर

देशभरातील बँक कर्मचारी आणि अधिकाऱ्यांचे प्रतिनिधित्व करणाऱ्या संघटनांनी टप्प्याटप्प्यांमध्ये संप जाहीर केला आहे. पहिला संप 11 सप्टेंबर रोजी अखिल भारतीय संपाची घोषणा केली त्यानंतर, 28 ते 30 सप्टेंबर या कालावधीत तीन दिवसांचा संप घोषित केला आहे. तसेच आपल्या मागण्या पूर्ण न झाल्यास त्यांनी 26 ऑक्टोबरपासून अनिश्चित काळासाठी संप पुकारण्याचा इशारा दिला.

Gold Silver Rate Today: आठवड्याच्या पहिल्या दिवशीही सोन्याची घोडदौड सुरूच, चांदीच्या किमतीत किंचित घट; आता कुठंवर पोहोचला भाव?

बँक संघटनांनी संपाची घोषणा का केली?

बँक कर्मचारी आणि अधिकारी संघटनांची एक संघटना UFBU ने 5-दिवसीय बँकिंग प्रणाली लागू करण्याची आणि सरकारच्या सुधारित PLI योजना मागे घेण्याची मागणी करत देशव्यापी संपाची घोषणा केली आहे.

UFBU ने म्हटले आहे की, मार्च 2024 मध्ये जारी झालेल्या 12 व्या द्विपक्षीय करार आणि 9 व्या कलमी करारानुसार IBA ने पाच दिवस बँकिंग प्रणाली लागू करण्यास सहमती दर्शवली होती. तसेच 2 वर्षांहून अधिक काळ लोटल्यानंतरही प्रस्ताव अद्याप सरकारी मंजुरीच्या प्रतीक्षेत असल्याचेही संघटनेने पुढे सांगितले असताना या मागणीच्या आधारावर बँक संघटना पाच दिवसांची बँकिंग प्रणाली लागू करण्यासाठी दबाव आणण्याचा प्रयत्न करत आहेत.

एफडीपेक्षा जास्त अन् 100 टक्के परतावा देणारी RBI ची स्कीम; 1000 रुपयांपासून सुरू करून शून्य रिस्कमध्ये होईल Future Secureदुसरीकडे, प्रमुख मागण्यांव्यतिरिक्त बँक युनियन्सनी युनियन्स रिझॉल्व्हसोबत द्विपक्षीय चर्चेद्वारे पीएलआय योजनेत सुधारणा करण्यास आणि पेन्शनमध्ये अपग्रेडेशन व सुधारणा, सर्व पेन्शनधारकांसाठी एकसमान महागाई भत्ता सूत्र आणि NPS अंतर्गत कर्मचाऱ्यांना ओपीएसमध्ये स्विच करण्याचा पर्याय यांसारख्या उर्वरित समस्यांचे निराकरण करण्यासाठी आग्रह धरला. PLI बाबत मुद्दा सध्या मुख्य कामगार आयुक्तांकडे समेट प्रक्रियेअंतर्गत असून त्याबाबत दिल्ली उच्च न्यायालयातही कायदेशीर कार्यवाही सुरू असल्याचेही परिपत्रकात पुढे म्हटले.

बँक संप आणि त्यासंबंधीच्या तारखा

कामगार संघटनांनी सप्टेंबर महिन्यात आंदोलनाचे तीन टप्पे जाहीर केले आहेत.

• 11 सप्टेंबर रोजी एकदिवसीय देशव्यापी संप
• 28 ते 30 सप्टेंबर दरम्यान तीन दिवसांचा संप
• 26 ऑक्टोबरपासून बेमुदत संप

पीएलआय योजनेलाही विरोध

अर्थ मंत्रालयाच्या सुधारित PLI योजनेलाही बँक संघटनांनी विरोध केला असून ही प्रणाली भेदभावपूर्ण असल्याचे UFBF ने आरोप केला. ही योजना स्केल 4 आणि त्यावरील अधिकाऱ्यांना वैयक्तिक कामगिरीच्या आधारावर भरीव प्रोत्साहन मिळवण्याची संधी देते असे संघटनांनी म्हटले. UFBA ने म्हटले की, बहुतेक कर्मचाऱ्यांना जास्तीत जास्त 15 दिवसांच्या मूळ वेतनाइतके आणि महागाई भत्त्याइतके प्रोत्साहन मिळू शकते तर, स्केल IV आणि त्यावरील वरिष्ठ अधिकाऱ्यांना 365 दिवसांच्या मूळ वेतनापर्यंत प्रोत्साहन मिळू शकते.