Mumbai Ghatkopar Daughter in Law Sapna Ganji Killed by her Mother in Law who Gave of Three Lakhs to House Maid Family; मिरची पूड टाकून बेसावध केलं, घरातच निर्घृणपणे संपवलं, सुनेचा काटा काढण्यासाठी सासूची मोलकरिणीच्या कुटुंबाला सुपारी; मुंबईत खळबळ

रात्री घरातील बाथरूममध्ये पडून त्यांचा मृत्यू

सपना गंजी (वय ३५) असे मृत विवाहितेचे नाव आहे. त्या लक्ष्मीनगर येथील त्रिवेणी इमारतीत राहत होत्या. १६ ऑगस्ट रोजी रात्री घरातील बाथरूममध्ये पडून त्यांचा मृत्यू झाला, अशी माहिती पोलिसांना देण्यात आली. पंतनगर पोलिसांनी पाहणी केली तेव्हा मृत सपना यांचा गळा आवळण्यात आल्याचे पोलिसांना आढळले. शवचिकित्स मृत्यूपूर्वी सपना यांच्या डोळ्यांत मिरची पूड फेकण्यात आली, त्यांच्या डोक्यात अवजड वस्तूचा घाव घालण्यात आला, अखेर गळा आवळून त्यांची हत्या करण्यात आली, असे स्पष्ट झाले.

Tukaram Mundhe : सुट्या खाद्यतेलाच्या विक्रीवर पूर्णपणे बंदी, तुकाराम मुंढेंचे महत्त्वपूर्ण आदेश, सात वर्षांपर्यंत कारावासाची तरतूद

सपनाच्या हत्येसाठी तीन लाखांची सुपारी

पंतनगर पोलिस ठाण्याच्या वरिष्ठ पोलिस निरीक्षक लता सुतार यांच्या मार्गदर्शनाखाली पोलिसांनी सपना यांच्या सासू धनलक्ष्मी यांच्याकडे कसून चौकशी सुरू केली. सुरुवातीला दिशाभूल करणाऱ्या धनलक्ष्मी हिने गुन्हा केल्याची कबुली दिली. मोलकरीण मंगला जाधव आणि तिच्या कुटुंबाला सपनाच्या हत्येसाठी तीन लाखांची सुपारी दिल्याचे तिने सांगितले. घटना घडली तेव्हा सपना घरी एकट्याच होत्या. ठरलेल्या कटानुसार मंगला, तिचा पती सुरेश, मुलगी शिवानी, मुलगा साजन घरात घुसले आणि त्यांनी सपनाची हत्या केली.

दोन वर्षांपूर्वीच हिंसाचाराची तक्रार

दोन वर्षांपूर्वी सपना यांनी सासरच्या मंडळींविरोधातनालासोपारा पोलिस ठाण्यात कौटुंबिक हिंसाचाराची तक्रारकेली होती. त्या आधारे धनलक्ष्मी यांच्यासह इतरांविरोधात गुन्हा नोंद झाला होता. तेव्हापासून धनलक्ष्मीचा सपनावर राग होता. तसेच, सपना कामानिमित्त दुबई येथे गेली होती. अलीकडेच ती मुंबईत परतली. तिला दारूचे व्यसन होते. ती मुंबईत येताच धनलक्ष्मी यांनी तिच्या हत्येचा कट आखला आणि सुपारी दिल्याचे तपासातून उघड झाले.

Maharashtra Weather Update : महाराष्ट्रातील हवामानात पुन्हा उलटफेर! पुढील चार आठवडे पावसाचं असमान वितरण, हवामान विभागाचा ताजा अंदाज

दुहेरी हत्याकांडातील आरोपींना मकोका

उल्हासनगर येथील कैलास कॉलनी चौकात भरदिवसा झालेल्या गोळीबारात दोन सख्ख्या भावांची हत्या झाली होती. या प्रकरणातील आठही आरोपींवर पोलिसांनी महाराष्ट्र संघटित गुन्हेगारी नियंत्रण कायद्यानुसार (मकोका) कारवाई केली आहे.

उल्हासनगर कॅम्प क्र. ५ येथील कैलास कॉलनी चौकात २२ मे रोजी पूर्ववैमनस्यातून दोन गटांमध्ये जोरदार हाणामारी झाली होती. या वादाचे पर्यवसान गोळीबारात झाले. या गोळीबारात अनिल (२२) आणि अमन हरकेश चौहान (१७) या सख्ख्या भावांचा मृत्यू झाला होता. याप्रकरणी हिल लाइन पोलिसांनी चंद्रशेखर बिरादार, अजय राव, अजीज शेख, सागर पाटील, अदालत खान, कल्पेश म्हात्रे, अमन चौहान आणि प्रणय निकम यांना अटक केली.

Mumbai News : मुंबईतील गणेशोत्सव मंडळांसाठी दिलासादायक बातमी! POP मूर्तींचा विसर्जन संभ्रम तूर्तास दूर, उच्च न्यायालयाचं महत्त्वाचा निर्णय; फक्त एक अट

विशेष मकोका न्यायालयात हजर

आरोपींची गुन्हेगारी पार्श्वभूमी आणि प्रकरणाचे गांभीर्य लक्षात घेऊन त्यांच्यावर मकोका अंतर्गत कारवाईचा प्रस्ताव तयार करण्यात आला होता. परिमंडळ ४चे पोलिस उपायुक्त सचिन गोरे यांच्या मार्गदर्शनाखाली हा प्रस्ताव तयार करण्यात आला. अतिरिक्त पोलिस आयुक्त संजय जाधव यांनी या प्रस्तावास मंजुरी दिली. बुधवारी या दुहेरी हत्याकांडातील सर्व आरोपींना ठाणे येथील विशेष मकोका न्यायालयात हजर करण्यात आले. न्यायालयाने तपास पूर्ण करून आरोपपत्र दाखल करण्यासाठी पोलिसांना आणखी ९० दिवसांची मुदत दिल्याची माहिती सहाय्यक पोलिस आयुक्त शैलेश काळे यांनी दिली.