त्र्यंबकला संशयकल्लोळ; रुग्णालयाला आरक्षित जागा तरी देखील खाजगी जागांच्या ठरावाची मागणी

खासगी मालकीच्या जागांबाबत वारंवार ठराव

मात्र, कुंभमेळ्यासारखा मोठा सोहळा आयोजित करणाऱ्या प्रशासनाने रुग्णालयाच्या बांधकामाची तयारी किमान चार वर्षे आधी सुरू करणे अपेक्षित असताना, त्याकडे दुर्लक्ष झाल्याचा आरोप नागरिकांकडून होत आहे. खासगी मालकीच्या जागांबाबत वारंवार ठराव मागितले जात असल्याने याबाबत संशयकल्लोळ निर्माण झाला आहे.

दोन ते अडीच एकर जागेची मागणी

जनक्षोभ वाढल्यानंतर जिल्हा शल्यचिकित्सकांनी त्र्यंबक नगर परिषदेकडे पोलिस ठाण्यासमोरील सुमारे दोन ते अडीच एकर जागेची मागणी केली आहे. जाणकारांच्या मते, १०० खाटांचे रुग्णालय, शवविच्छेदन कक्ष, वैद्यकीय अधिकारी-कर्मचारी निवासस्थाने, पार्किंग आणि इतर सुविधांसाठी दोन ते अडीच एकर जागा अपुरी आहे.

आरक्षणे इतरत्र हलवून तेथे रुग्णालय उभारण्याचा विचार

प्रस्तावित जागा भविष्यात अधिक गजबजलेली होण्याची शक्यता असून, बसस्थानक शहराबाहेर गेल्यास ग्रामीण भागातील रुग्णांना तेथे पोहोचणे कठीण होईल. २०१९ च्या शहर विकास योजनेत या जागेवर अग्निशमन केंद्र, बगीचा यांसह चार आरक्षणे आहेत. ही आरक्षणे इतरत्र हलवून तेथे रुग्णालय उभारण्याचा विचार प्रशासन करीत असल्याने आश्चर्य व्यक्त केले जात आहे.

प्रक्रियेत भूमाफियांचा हस्तक्षेप असावा असा संशय

दरम्यान, २०१९ च्या विकास आराखड्यात देवस्थान ट्रस्टची पाच एकर जागा रुग्णालयासाठी आरक्षित आहे. त्र्यंबक नगर परिषद सभागृहानेही यापूर्वी ठराव करून रुग्णालय हे आरक्षित भूखंडावरच उभारावे, असा एकमताने निर्णय घेतला आहे. तरीही खासगी मालकीच्या जागांबाबत वारंवार ठराव मागितले जात असल्याने या प्रक्रियेत भूमाफियांचा हस्तक्षेप असावा, असा संशय नागरिक व्यक्त करीत आहेत.वाहनतळाची प्रशस्त जागा किंवा देवस्थान ट्रस्टची आरक्षित पाच एकर जागा रुग्णालयासाठी अधिक योग्य असल्याचे मत त्र्यंबकवासीयांकडून व्यक्त होत आहे.

Nagpur News: नागपूरची खाजगी रुग्णालये मनपाच्या रडारावर; विशेष पथक ऑडिट करणार, पार्किंगच्या जागा, खाटांच्या संख्येची होणार पाहणी

प्रशासनाला धारेवर धरले.

उपजिल्हा रुग्णालय तळवाडे रस्त्यावर स्थलांतरित केल्याने संतप्त ग्रामस्थांनी गुरुवारी (दि. २०) तहसील कार्यालय, पोलिस ठाणे आणि त्र्यंबक नगरपरिषदेवर मोर्चा काढून निवेदन दिले. नगरपरिषद सभागृहातील बैठकीत संपतराव सकाळे, समाधान बोडके-पाटील, नवनाथ कोठुळे यांनी प्रशासनाला धारेवर धरले.

Mumbai News : आधी मित्राची कार दामटवली, मग थेट पोलिसांचं वाहन पळवून कोस्टल रोडवर धुमाकूळ, अनेक वाहनांना धडक, माथेफिरु ताब्यात

१०० खाटांच्या रुग्णालयासाठी जागा निश्चित

मुख्याधिकारी गोविंद जाधव यांनी १०० खाटांच्या रुग्णालयासाठी जागा निश्चित करण्याची प्रक्रिया सुरू असल्याचे सांगितले. नगराध्यक्षा त्रिवेणी तुंगार यांनी उपजिल्हा रुग्णालय आठ दिवसांत पूर्वीच्या जागेवर कार्यान्वित करण्याचे आश्वासन दिले. यावेळी महिलांनी शासनाच्या कुंभमेळा धोरणाचा निषेध केला.