स्मार्टफोन चोरीच्या वाढत्या घटना लक्षात घेता गुगलने अँड्रॉइड युजर्ससाठी एक खास AI आधारित सुरक्षा फीचर आणले आहे. जर एखाद्या चोराने तुमच्या हातातून फोन हिसकावला आणि पळू लागला, तर फोनमधील सेन्सर्स त्याची हालचाल ओळखून डिव्हाइस अवघ्या 2 मिनिटांत ऑटोमॅटिक लॉक करतील. यामुळे चोराला तुमच्या वैयक्तिक डेटाचा गैरवापर करता येणार नाही. चला तर मग याविषयीची माहिती पुढे जाणून घेऊया.
सार्वजनिक ठिकाणी, रेल्वे प्रवासात किंवा रस्त्याने चालताना अचानक हातातील स्मार्टफोन हिसकावून पळून जाण्याच्या घटनांमध्ये मोठी वाढ झाली आहे. अनलॉक असलेला फोन चोराच्या हाती पडल्यास बँक खात्यांमधील पैशांवर दरोडा पडण्यासोबतच वैयक्तिक डेटाचा गैरवापर होण्याचा प्रचंड धोका असतो. या गंभीर समस्येवर गुगलने एक अत्यंत खास आणि सुरक्षित तोडगा काढला आहे.
गुगलने अँड्रॉइड युजर्ससाठी कृत्रिम बुद्धिमत्तेवर (AI) आधारित ‘थेफ्ट डिटेक्शन लॉक’ हे सुरक्षा फीचर जगभरात रोलआउट केले आहे. हे फीचर ऑन केल्यास चोराने फोन हिसकावून पळण्याचा प्रयत्न करताच, फोन अवघ्या काही सेकंदांत किंवा 2 मिनिटांच्या आत ऑटोमॅटिक लॉक होतो.
गुगलने प्रगत AI टूल
‘BBC’ च्या एका (REF.) रिपोर्टनुसार, लंडन किंवा भारतासारख्या देशांमधील मोठ्या शहरांमध्ये होणाऱ्या एकूण चोऱ्यांपैकी जवळपास 60 ते 70 टक्के चोऱ्या या केवळ मोबाईल फोन्सच्या असतात. अनेकदा युजर्स फोनवर बोलत असताना किंवा चॅटिंग करत असताना चोर तो हिसकावूनपळतात. या समस्येचा अभ्यास करून गुगलने हे प्रगत AI टूल विकसित केले आहे. हे फीचर स्मार्टफोनमधील एक्सेलरोमीटर आणि गायरोस्कोप या मोशन सेन्सर्सचा वापर करते. जेव्हा एखादी व्यक्ती तुमच्या हातातून फोन वेगाने ओढते आणि धावू लागते, सायकलवर किंवा कारमधून वेगाने पळून जाण्याचा प्रयत्न करते, तेव्हा AI मशीन लर्निंग मॉडेल त्या संशयास्पद हालचालीचा अचूक शोध घेते. फोनला चोरी झाल्याचा संशय येताच तो चोराला कोणतीही संधी न देता स्क्रीन त्वरित लॉक करतो, ज्यामुळे चोराला डिव्हाइसमधील डेटाचा ॲक्सेस मिळत नाही.
फीचर फोनमध्ये बाय-डिफॉल्ट बंद असते
गुगलच्या अधिकृत ‘अँड्रॉइड ब्लॉक’नुसार, (REF.) हे नवीन सुरक्षा फीचर गुगल प्ले सर्व्हिसेस अपडेटद्वारे अँड्रॉइड 10 आणि त्यावरील सर्व नवीन व्हर्जनच्या स्मार्टफोनवर उपलब्ध करून दिले जात आहे. सर्वात महत्त्वाची बाब म्हणजे हे फीचर फोनमध्ये बाय-डिफॉल्ट बंद असते, त्यामुळे युजर्सना ते स्वतः सेटिंग्जमध्ये जाऊन मॅन्युअली सुरू करावे लागते.
ऑफलाईन डिव्हाइस लॉक फीचर
यासोबतच गुगलने ‘ऑफलाईन डिव्हाइस लॉक’ हे अतिरिक्त फीचरही दिले आहे. अनेकदा चोर फोन चोरल्यानंतर त्याचा ट्रॅकिंग आयडी किंवा लोकेशन ट्रॅक होऊ नये म्हणून इंटरनेट त्वरित बंद करतात. जर चोराने फोन दीर्घकाळ ऑफलाईन ठेवला, तरीही हे फीचर फोनला आपोआप लॉक करते.
गुगल रिमोट लॉकची सुविधा उपलब्ध
तसेच, जर चोरीच्या वेळी फोन लॉक झाला नाही, तर युजर्ससाठी गुगल रिमोट लॉकची सुविधा उपलब्ध आहे. यामध्ये युजर कोणत्याही दुसऱ्या डिव्हाइसवरून ‘android.com/lock’ या लिंकवर जाऊन केवळ स्वतःचा व्हेरिफाइड मोबाईल नंबर टाकून आणि एक सोपे सिक्युरिटी चॅलेंज पूर्ण करून आपला चोरी झालेला फोन दूरवरूनही सुरक्षितपणे लॉक करू शकतात. अँड्रॉइड 16 च्या लेटेस्ट अपडेट्समध्ये या सुरक्षा फीचर्सला अधिक सक्षम बनवण्यात आले असून, चुकीचे पासवर्ड टाकल्यास ‘फेल्ड ऑथेंटिकेशन लॉक’ देखील सक्रिय होते. (REF.)
हे फीचर कसे सुरू करावे?
- तुमच्या अँड्रॉइड फोनच्या ‘Settings’ मध्ये जा.
- खाली स्क्रोल करून ‘Google’ किंवा ‘Google Account’ पर्यायावर क्लिक करा.
- ‘All Services’ टॅब निवडून ‘Theft Protection’ वर टॅप करा.
- तिथे दिलेले ‘Theft Detection Lock’ आणि ‘Offline Device Lock’ हे दोन्ही पर्याय चालू (Toggle On) करा.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा