IND vs SL 1st Test News : पावसामुळे दुसऱ्या दिवसाचा खेळ विस्कळीत झाला, पण भारतीय फलंदाजांनी धावांचा वेग कायम ठेवला. पडिक्कलच्या १६७ धावा आणि जुरेलच्या अर्धशतकामुळे भारत मजबूत स्थितीत पोहोचला आहे.
देवदत्त पडिक्कलची १६७ धावांची संस्मरणीय खेळी
पहिल्या दिवसाचा हिरो ठरलेल्या देवदत्त पडिक्कलने दुसऱ्या दिवशीही आपला शानदार फॉर्म कायम राखला आणि सहजतेने १५० धावांचा टप्पा ओलांडला. पडिक्कलने २३० चेंडूंचा सामना करताना १५ चौकार आणि १ षटकाराच्या मदतीने १६७ धावांची एक विशाल आणि संस्मरणीय खेळी साकारली. मात्र, प्रभात जयसूर्याच्या फिरकीवर स्टंप आऊट झाल्यामुळे त्याची द्विशतकाची संधी थोडक्यात हुकली. चहापानाच्या (टी-ब्रेक) विश्रांतीनंतर लगेचच केशाना नुवंथाने रवींद्र जडेजाला बाद करत या सामन्यातील आपला तिसरा बळी मिळवला.
ध्रुव जुरेलचे अर्धशतक
भारताची अवस्था ६ बाद ३७७ अशी झाल्यानंतर ध्रुव जुरेल आणि मानव सुथार यांनी मिळून भारतीय डाव सावरला. या दोघांनी सातव्या विकेटसाठी ५५ धावांची महत्त्वपूर्ण भागीदारी केली, ज्यामुळे भारताची धावसंख्या ४०० च्या पार गेली. जुरेलला २९ धावांवर असताना जीवदान मिळाले होते, या संधीचा पुरेपूर फायदा उचलत त्याने ५१ धावांची शानदार अर्धशतकी खेळी केली. अखेरच्या टप्प्यात मोहम्मद सिराजला असिथा फर्नांडोने बाद केले, तर मानव सुथारला जयसूर्याने तंबूत पाठवले.
भारताची सामन्यावर मजबूत पकड
शेवटच्या फळीतील फलंदाज कुलदीप यादव आणि प्रसिद्ध कृष्णा यांनी संयम दाखवत दिवसाच्या अखेरच्या १७ चेंडूंचा यशस्वीपणे सामना केला आणि संघाची आणखी कोणतीही पडझड होऊ दिली नाही. दुसऱ्या दिवसाचा खेळ थांबला तेव्हा भारताने ११६ षटकांत ९ बाद ४६० धावांचा मोठा डोंगर उभा केला आहे. श्रीलंकेकडून फिरकीपटू प्रभात जयसूर्याने सर्वाधिक ४, तर केशाना नुवंथाने ३ बळी घेतले. पहिल्या डावात ४६० धावांपर्यंत मजल मारल्यामुळे भारतीय संघ या कसोटी सामन्यात अत्यंत मजबूत आणि निर्णायक स्थितीत पोहोचला आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
