Mulund Dumping Ground Land to Adani : मुलुंडमधील ही १५ एकर जागा पाच वर्षांसाठी रेडीरेकनर दराने प्रति चौरस मीटर ४७ हजार ८०० रुपये या दरानुसार १८१ कोटी ३५ लाख २ हजार १२५ रुपयांना देण्यात येणार होती. मात्र, आता तीच जागा ९८ कोटी ४६ लाख ८३ हजार रुपयांना देण्यात येणार आहे.
भाडेतत्त्वावरील घरे बांधणार
धारावी पुनर्विकास प्रकल्पांतर्गत विशेष हेतू कंपनी नवभारत मेगा डेव्हलपर्स प्रा. लिमिटेडकडून पात्र रहिवाशांसाठी मोफत घरे, तसेच सुमारे साडेतीन ते चार लाख अपात्र रहिवाशांसाठी परवडणारी भाडेतत्त्वावरील घरे बांधली जाणार आहेत. धारावी पुनर्वसन प्रकल्पाच्या कामासाठी आवश्यक असलेल्या कास्टिंग यार्ड, रेडीमिक्स काँक्रिट प्लांट आणि इतर संबंधित कामांसाठी मुलुंड डम्पिंग ग्राऊंडमधील १५ एकर जागा भाडेतत्त्वावर देण्यात येणार आहे.
पाच वर्षांसाठी ९८ कोटी
याआधी ही १५ एकर जागा पाच वर्षांसाठी रेडीरेकनर दराने प्रति चौरस मीटर ४७ हजार ८०० रुपये या दरानुसार १८१ कोटी ३५ लाख २ हजार १२५ रुपयांना देण्यात येणार होती. मात्र, आता हीच जागा ९८ कोटी ४६ लाख ८३ हजार रुपयांना देण्यात येणार आहे. भाडेतत्त्वावर देण्यात येणाऱ्या या जागेसंदर्भातील प्रस्ताव शुक्रवारी सुधार समितीच्या बैठकीत मंजुरीसाठी सादर करण्यात आला. यावेळी शिवसेना उबाठा आणि काँग्रेसच्या सदस्यांनी या प्रस्तावाला तीव्र विरोध दर्शविला.
ठाकरेसेनेचा विरोध
शिवसेना उबाठा पक्षाच्या नगरसेविका विशाखा राऊत यांनी या प्रस्तावावर आक्षेप घेतला. ‘कास्टिंग यार्ड आणि रेडीमिक्स प्लांटसाठी धारावीतच जागा का दिली जात नाही’, असा प्रश्न त्यांनी उपस्थित केला. ‘मुलुंडकरांचा विरोध असतानाही मुलुंड डम्पिंग ग्राऊंडवरील जागा भाडेतत्त्वावर देण्याचा घाट का घातला जात आहे’, असा प्रश्न त्यांनी प्रशासन आणि सत्ताधाऱ्यांना केला.
काँग्रेसकडूनही आडकाठी
काँग्रेसचे महापालिका गटनेते अशरफ आजमी यांनीही या प्रस्तावाला विरोध केला. ‘या कामासाठी कोणतीही निविदा काढण्यात आलेली नाही. त्यामुळे हे काम केवळ एका विशिष्ट कंपनीलाच देण्याचा हेतू असल्याचे स्पष्ट होते’, असा आरोप आजमी यांनी केला. मात्र, भाजपचे नगरसेवक प्रकाश गंगाधरे, स्वप्ना म्हात्रे आदींनी धारावीच्या विकासाच्या दृष्टीने या प्रकल्पात कोणताही अडथळा आणू नये, अशी भूमिका मांडली. ‘धारावी पुनर्विकास प्रकल्प हा मोठा आणि महत्त्वाचा प्रकल्प असून त्यासाठी आवश्यक सुविधा निर्माण करणे गरजेचे आहे’, असे सत्ताधारी सदस्यांनी म्हटले. त्यानंतर सुधार समिती अध्यक्षांनी यांनी हा प्रस्ताव मंजूर केला.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
