FDA inspect School Canteen Menu : विद्यार्थ्यांच्या आरोग्यदायी भविष्यासाठी तुकाराम मुंढे यांच्या नेतृत्वातील एफडीए विभागाने शाळांच्या कॅण्टीनमधून फास्ट फूड हद्दपार करून पौष्टिक आहार उपलब्ध करून देण्याच्या सूचना दिल्या आहेत.
शाळांना प्रशिक्षण
विविध इयत्तांमधील विद्यार्थ्यांना आहारातील कोणत्या घटकांची गरज असते, कोणत्या अन्नपदार्थांमधून त्यांचे पोषण पूर्ण होऊ शकते, खाद्यपदार्थ तयार करताना कोणती काळजी घ्यावी आणि स्वच्छतेच्या कोणत्या निकषांचे पालन करावे, याबाबत शाळांना प्रशिक्षण दिले जात आहे. अन्न व औषध प्रशासनातील वरिष्ठ अधिकाऱ्यांकडून शाळांच्या अंतर्गत पोषण समित्यांना आवश्यक मार्गदर्शन केले जात आहे.
कॅण्टीन बंद ठेवण्याचा निर्णय
विद्यार्थ्यांना पौष्टिक आहार मिळावा आणि कॅण्टीनमध्ये आरोग्यदायी खाद्यपदार्थ उपलब्ध व्हावेत, यासाठी शाळांच्या पोषण समित्यांकडून उपाययोजना करण्यात येत आहेत. काही शाळांनी फास्ट फूडला रामराम करत कॅण्टीनमध्ये आरोग्यदायी पदार्थ उपलब्ध करून देण्यास सुरुवात केली आहे. तर काही शाळांनी नियोजन पूर्ण होईपर्यंत कॅण्टीन बंद ठेवण्याचा निर्णय घेतला आहे. कॅण्टीनच्या मेन्यूमध्ये केलेल्या बदलांची माहिती शाळांनी प्रशासनाला देणे बंधनकारक आहे.
ज्या शाळांनी कॅण्टीनच्या मेन्यूमध्ये बदल केले आहेत, त्यांनी तो बदल कशा पद्धतीने केला, त्यांना कोणत्या अडचणी आल्या आणि त्यावर कशी मात केली, याची माहिती इतर शाळांना देण्याचे आवाहन ‘एफडीए’कडून करण्यात आले आहे.
चविष्ट आणि आकर्षक पदार्थांवर भर
विद्यार्थ्यांना कोणते पदार्थ आवडतात, फास्ट फूडची सवय असल्यास ती सोडण्यासाठी किती कालावधी लागू शकतो आणि पौष्टिक पदार्थ मुलांना रुचकर वाटतील यासाठी पाककृतीचे नियोजन कसे करावे, याबाबतही शाळांकडून अनुभव आणि माहिती घेतली जात आहे. फास्ट फूडची सवय असलेल्या विद्यार्थ्यांना अचानक वेगळ्या आहाराची सवय लावणे आव्हानात्मक असल्याने पौष्टिक पदार्थ चविष्ट आणि आकर्षक पद्धतीने उपलब्ध करून देण्यावर भर दिला जात आहे.
Crime News : हे घर माझं आहे… तिशीतील दाम्पत्याचा गूढ मृत्यू, मध्यरात्री दीड वाजता आईला पाठवलेल्या व्हॉईस मेसेजमुळे ट्विस्टअशा नावीन्यपूर्ण प्रयोगांची माहिती इतर शाळांनी घ्यावी, परस्परांशी संवाद साधावा आणि यशस्वी पद्धतींचा अवलंब करावा, असे आवाहन अन्न व औषध प्रशासनाने केले आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
