Mumbai Pune Missing Link Tushar Bhumkar Accident Update News : मुंबई-पुणे मिसिंग लिंकवरील बोगद्यात पुण्यातील तुषार भुमकर यांच्या अपघाताबाबात एक मोठी अपडेट समोर आली आहे. बेजबाबदारपणे उभ्या करून ठेवलेल्या वाहनांमुळेच हा अपघात झाला असल्याचं समोर आलं आहे.
सीसीटीव्ही फुटेजमध्ये नेमकं काय दिसलं?
समोर आलेल्या सीसीटीव्ही व्हिडीओमध्ये अपघाताचा संपूर्ण थरार आणि त्यामागचं मुख्य कारण स्पष्टपणे कैद झालं आहे. बोगद्याच्या आतमध्ये, उजव्या बाजूच्या लेनमध्ये काही गाड्या आधीपासूनच बेकायदेशीरपणे उभ्या असल्याचं स्पष्ट दिसत आहे. रात्रीच्या वेळी सुमारे 1 वाजून 20 मिनिटांच्या सुमारास तुषार भूमकर यांची काळ्या रंगाची फॉर्च्युनर कार अतिशय वेगात बोगद्यात प्रवेश करते. मात्र, समोरच गाड्या उभ्या असल्याचं अचानक दिसल्यानं अडथळा निर्माण होतो. उभ्या असलेल्या गाड्यांपासून वाचण्यासाठी फॉर्च्युनर कार अचानक लेन बदलते. मात्र, त्याचवेळी मधल्या लेनमधून एक मालवाहू टेम्पो संथ गतीने पुढे जात असतो. भरधाव वेगात असलेली फॉर्च्युनर कार अनियंत्रित होऊन थेट या मालवाहू टेम्पोवर पाठीमागून अत्यंत जोरात आदळते. ही धडक इतकी भयंकर आणि जोरदार होती की, कारच्या पुढच्या भागाचा पूर्णपणे चक्काचूर झाल्याचं आणि गाडीचे तुकडे उडाल्याचे व्हिडीओत पाहायला मिळतं. यातच ड्राइव्हरच्या शेजारी बसलेल्या तुषार भूमकर यांचा जागीच मृत्यू झाला आहे.
काळजाचा ठोका चुकवणारा अपघात
या काळजाचा ठोका चुकवणाऱ्या दुर्घटनेत फॉर्च्युनर कारमधील तुषार भुमकर यांचा जागीच दुर्दैवी मृत्यू झाला. कारमध्ये त्यांच्यासोबत असलेले इतर प्रवासी जखमी झाले आहेत. यापैकी एका प्रवाशाची प्रकृती चिंताजनक असून, त्यांना तातडीने जवळच्या खासगी रुग्णालयात उपचारासाठी हलवण्यात आलं आहे. सुदैवाने, अन्य प्रवाशांना केवळ किरकोळ दुखापत झाली आहे. अपघाताची माहिती मिळताच महामार्ग पोलिसांनी घटनास्थळी धाव घेतली. अपघातग्रस्त वाहने क्रेनच्या साहाय्याने बाजूला करून बोगद्यातील वाहतूक कोंडी फोडण्यात आली. तसेच, भूमकर यांचा मृतदेह शवविच्छेदनासाठी शासकीय रुग्णालयात पाठवण्यात आला.
सामाजिक-राजकीय क्षेत्रात वावर
तुषार भूमकर हे पिंपरी-चिंचवड आणि वाकड परिसरातील एक सक्रिय युवा नेतृत्व होतं. सामाजिक आणि राजकीय क्षेत्रात त्यांचा मोठा वावर होता. त्यांच्या पत्नीने नुकतीच काँग्रेसच्या तिकिटावर पिंपरी चिंचवड महापालिका निवडणूकही लढवली होती. त्यांच्या या अचानक आणि अपघाती जाण्याने संपूर्ण वाकड परिसरात हळहळ व्यक्त केली जात आहे. दुसरीकडे, सीसीटीव्ही फुटेज समोर आल्यानंतर नागरिकांमधून मोठा संताप व्यक्त होत आहे. अतिवेगाच्या एक्स्प्रेस वेवर आणि विशेषतः बोगद्यासारख्या धोकादायक ठिकाणी गाड्या पार्क करण्याच्या या बेजबाबदारपणावर कडक कारवाई व्हावी, अशी मागणी आता जोर धरू लागली आहे. पोलिसांकडून आता या सीसीटीव्हीच्या आधारे बोगद्यात गाड्या कोणी आणि का उभ्या केल्या होत्या, याचा सखोल तपास करण्यात येत आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
