Bhojpuri Actress On Motherhood : अभिनेत्रीने मातृत्वाची इच्छा व्यक्त करताच तिच्याच आईने तिला वजनावरुन सुनवाल्याने ती भावुक झाल्याचा एक व्हिडिओ सोशल मीडियावर व्हायरल होत आहे. जिओ हॉटस्टारवर एक नवा रिअॅलिटी शो येत असून त्यातलाच हा प्रोमो आहे.
‘भोजपुरी बवाल’च्या या नवीन प्रोमोमध्ये, मंदिरात आशीर्वाद घेतल्यानंतर आम्रपाली दुबे तिच्या आयुष्यातील हा महत्त्वाचा निर्णय सांगताना दिसत आहे. आपल्या कुटुंबाशी बोलताना ती म्हणते, “मी माझ्या संपूर्ण आयुष्यातील कदाचित सर्वात मोठा निर्णय घेणार आहे. याचा परिणाम काय होईल किंवा माझे कुटुंब आणि चाहते यावर कशी प्रतिक्रिया देतील, हे मला माहित नाही; पण मला हे करायचेच आहे. मला आई व्हायचे आहे.”
Mahesh Tilekar : अश्विनी भावेंकडून इग्नोर, एका फोनवर दाक्षिणात्य सुपरस्टारचा होकार; महेश टिळेकरांनी सांगितला प्रसंग
आम्रपालीच्या निर्णयामुळे तिच्या कुटुंबीयांना धक्का बसतो; तिचे वडील विचारतात, “ती काय म्हणतेय?” तिने मनापासून दिलेली कबुली ऐकून सर्वजण थक्क होतात. तिच्या वडिलांचा यावर विश्वासच बसत नाही आणि ते विचारतात, “तू काय म्हणतेयेस? ती कशाबद्दल बोलतेय?” तर तिची बहीण काळजीपूर्वक विचारते, “याबद्दल तुला नक्की खात्री आहे ना?” तरीही, आम्रपाली अजिबात डगमगत नाही आणि पूर्ण आत्मविश्वासाने उत्तर देते, “याबाबत मला पूर्ण खात्री आहे.”
वजन कमी करण्याचा आईचा सल्ला ऐकून आम्रपाली दुबे भावूक
निर्मात्यांनी आम्रपाली दुबेचा भावूक झालेला एक नवीन प्रोमो रिलीज केला आहे. या क्लिपमध्ये, सुरुवातीला निरहुआ आम्रपालीचे कौतुक करून ती किती सुंदर दिसत आहे हे सांगतो. मात्र, त्यानंतर आम्रपालीची आई म्हणते, “तू तुझ्या वजनाकडे थोडे लक्ष दिले पाहिजेस.” या कमेंटमुळे आम्रपाली अस्वस्थ होते. ती म्हणते, “आई, हे ऐकून खूप वाईट वाटते. सगळेजण 24 तास फक्त वजन कमी करण्याबद्दलच बोलत असतात.” असे म्हणत आम्रपालीला रडू कोसळते.
‘कलर्स’ आणि ‘जिओ हॉटस्टार’वर 2 ऑगस्टपासून ‘भोजपुरी बवाल’
‘भोजपुरी बवाल’मध्ये आम्रपाली दुबे हिच्या व्यतिरिक्त दिनेश लाल यादव ‘निरहुआ’, पवन सिंग, काजल राघवानी आणि तेज प्रताप यादव हे कलाकारही दिसणार आहेत. हा कार्यक्रम 2 ऑगस्टपासून ‘जिओ हॉटस्टार’ या ओटीटी (OTT) प्लॅटफॉर्मवर आणि ‘कलर्स’ वाहिनीवर प्रसारित केला जाईल.
लेखकाबद्दलआकांक्षा तळेकरआकांक्षा तळेकर महाराष्ट्र टाइम्स ऑनलाइनमध्ये कन्सल्टन्ट या पदावर कार्यरत आहे. फेब्रुवारी 2023 मध्ये मटा ऑनलाइनमध्ये काम करण्यास सुरूवात केली. तेव्हापासून मनोरंजन, फिल्म इंडस्ट्री विषयक बातम्या लिहिण्यात हातखंडा आहे. तसेच कलाकारांच्या मुलाखती घेणे, वेगवेगळ्या इव्हेंटला उपस्थित राहून तेथील महत्वाच्या बातम्या करणे, सेट व्हिजिट देऊन त्यावर आर्टिकल बनवण्याचा अनुभव आहे.
पत्रकारितेतील अनुभव
आकांक्षा तळेकर यांचा पत्रकारितेच्या अनुभवाची सुरुवात सामना या वृत्तपत्रापासून झाली. तिथे इंटर्नशीप करताना बातम्यांचा पाया काय असतो इथपासून ते अचूक बातम्यांची निवड कशी करावी या गोष्टी शिकून घेतल्या. त्यानंतर लोकशाही वाहिनीवर दुसरी इंटर्नशीप केली आणि मग तिथेच 6 महिने टिकर ऑपरेटर म्हणून काम केले. यावेळी ब्रेकिंग न्यूज करताना प्रेक्षकांना वाचण्यासाठी कोणते शब्द महत्वाचे असतात, किंवा पत्रकारितेमधले शब्द आणि सामान्य आयुष्यातले शब्द यांच्यातील तफावत शिकता आली. लोकशाही वृत्तवाहिनीमध्ये व्हायरल शोसाठी स्क्रिप्ट लिखाणही केले आहे. हे करत असताना विविध व्हायरल व्हिडिओंपाठी नेमकं सत्य काय हे शोधण्याची सवय लागली. त्यामुळे एखादी बातमी करताना त्याचा ठोस पाठपुरावा करावा हे शिकण्यात आले.
लोकशाहीनंतर मुक्तपीठ या वेबपोर्टलसाठी काही काळ काम केले. तिथे व्हिडिओ बनवणे, कॅमेऱ्यासमोर वृत्तवाचन करणे आदी काम केली. या सर्व गोष्टी करत असताना मेघा मराठी या मनोरंजन विषयक वेबपोर्टलसाठी रोज आर्टिकल लिहिण्याचे काम सुरू होते. त्यामध्ये बॉलिवूड किंवा मराठी इंडस्ट्रीमध्ये लेटेस्ट घडणाऱ्या घडामोडी आर्टिकल स्वरुपात दिल्या.
करोनाच्या काळात बृहन्मुंबई महानगरपालिकेच्या व्हॅक्सिन सेंटरमध्ये डेटा ऑपरेटर म्हणून दीड वर्ष कार्य केले. त्यावेळी सर्वसामान्य व्यक्ती, त्यांचे स्वभाव आणि अडीअडचणी जवळून जाणता आल्या. हे काम करत असताना विविध राजकिय पक्षांसंबंधित लोकांशी सतत संपर्क होत होत्या. त्यामुळे राजकारणात काय चालू असते याची थोडीफार जाण झाली ज्याचा उपयोग पुढे पत्रकारितेमद्ये झाला.
त्यानंतर हेमा मालिनी संपादक असलेल्या मेरी सहेली या मासिकाची मराठी आवृत्ती माझी सहेली मध्ये 3 वर्षे काम केले आहे. माझी सहेलीमध्ये मनोरंजन विषय कोलम लिहिणे तसेच पॉडकास्टमध्ये वेगवेगळ्या विषयांचे संशोधन करणे, मुलाखतींसाठी प्रश्न तयार करण्याचे काम केले. सध्या महाराष्ट्रा टाइम्स ऑनलाइनध्ये मनोरंजन सिनेसृष्टीविषय बातम्या करणे, गाजलेल्या मालिकांचे अपडेट्स देणे, कलाकारांच्या महत्वाच्या सोशल मीडियावर पोस्टबाबत बातमी तयार करुन ती वाचकांपर्यंत पोहचवण्याचे काम करत आहेत. तसेच मालिका किंवा सिनेमांच्या प्रेस कॉन्फरन्समध्ये जाऊन कलाकारांच्या मुलाखती घेण्याचा अनुभव आहे. मनोरंजन विषयाशिवाय क्राइम आणि व्हायरल व्हिडिओवरुन बातम्या करण्याचीही आवड आहे.
शैक्षणिक माहिती
आकांक्षा तळेकर यांनी पार्ले टिळक विद्यालयातून शालेय शिक्षण पूर्ण केले. त्यानंतर साठ्ये महाविद्यालयात विज्ञान शाखेतून 12 वी दिली. पुढे साठ्ये महाविद्यालयातच BMM हा स्पेशल कोर्स केला आणि त्यात पत्रकारितेची पदवी मिळवली.… आणखी वाचा
