भारतीय मोबाईल बाजारपेठेत 15,000 रुपयांच्या बजेट सीरिजमध्ये सध्या प्रचंड स्पर्धा सुरू आहे. ग्राहकांची वाढती गरज लक्षात घेता स्मार्टफोन कंपन्यांनी या बजेटमध्ये 50 मेगापिक्सेल कॅमेरा, वेगवान 5G कनेक्टिव्हिटी आणि शक्तिशाली 6,000mAh बॅटरी यांसारखे प्रीमियम फीचर्स देणारे एकापेक्षा एक सरस फोन्स ऑगस्ट 2026 च्या ताज्या अपडेट्ससह बाजारात उपलब्ध केले आहेत. चला तर मग जाणून घेऊया.
1. iQOO Z9x 5G – परफॉर्मन्स आणि कॅमेऱ्याचा उत्तम मेळ
या बजेटमध्ये गेमिंग आणि फोटोग्राफीसाठी iQOO चा हा फोन सध्या तरुणांच्या पसंतीस उतरत आहे. यात Snapdragon 6 Gen 1 प्रोसेसर असून या किमतीत हा अतिशय वेगवान परफॉर्मन्स देतो.
कॅमेरा: 50MP चा प्रायमरी कॅमेरा असून तो दिवसा आणि रात्रीच्या प्रकाशातही उत्तम फोटोकाढतो.
इतर फीचर्स: 6,000mAh ची अवाढव्य बॅटरी आणि 44W चा फास्ट चार्जिंग सपोर्ट यात मिळतो.
2. Moto G64 5G- क्लीन अँड्रॉइड आणि दमदार बॅटरी
मोटोरोलाचा हा फोन बजेट श्रेणीत सर्वाधिक रॅम (RAM) देणारा फोन म्हणून ओळखला जातो. यात कोणतीही फालतू ॲप्स (Bloatware) नसून एकदम स्मूथ एक्सपिरियन्स मिळतो.
कॅमेरा: 50MP चा मुख्य कॅमेरा असून यामध्ये या बजेटमध्ये दुर्मिळ असणारे OIS (Optical Image Stabilization) फिचर आहे, ज्यामुळे चालतानाकिंवा हात हलला तरी फोटो आणि व्हिडिओ ब्लर होत नाहीत.
इतर फीचर्स: MediaTek Dimensity 7025 प्रोसेसर आणि 6,000mAh बॅटरी.
3. Samsung Galaxy M15 5G- ब्रँड व्हॅल्यू आणि डिस्प्लेची सुरक्षा
सॅमसंगचा हा फोन अशा लोकांसाठी उत्तम आहे ज्यांना दीर्घकाळ चालणारा आणि सुरक्षित फोन हवा आहे. यात कंपनी 4 वर्षांचे अँड्रॉइड अपडेट्स देणार आहे.
कॅमेरा: 50MP चा ट्रिपल रिअर कॅमेरा सेटअप असून सॅमसंगच्या सिग्नेचर कलर टोनमुळे फोटो अतिशय सजीव आणि रंगीत येतात.
इतर फीचर्स: 6,000mAh बॅटरी आणि सुपर अमोलेड (Super AMOLED) डिस्प्ले जो डोळ्यांसाठी उत्तम आहे.
4. Vivo T3x 5G- स्टायलिश लुक आणि स्लिम डिझाईन
विवोने कमी बजेटमध्ये अतिशय प्रिमियम आणि स्लिम लुक असलेला फोन बाजारात आणला आहे. हा फोन हातात पकडल्यावर बजेट फोन वाटत नाही.
कॅमेरा: 50 MP चा मुख्य कॅमेरा आणि 8MP चा सेल्फी कॅमेरा असून विवोच्या पोर्ट्रेट मोडमुळे चेहऱ्याचे फोटो अतिशय सुंदर येतात.
इतर फीचर्स: Snapdragon 6 Gen 1 प्रोसेसर आणि 6,000mAh ची मोठी बॅटरी असूनही फोन अतिशय हलका आहे.
5. Redmi 13C 5G / Realme C65 5G- बजेटमधील हुकमी एक्के
तुमचे बजेट अगदीच 11,000 ते 13,000 रुपयांच्या दरम्यान असेल, तर रेडमी आणि रियलमीचे हे दोन्ही पर्याय 5G कनेक्टिव्हिटीसह सर्वोत्तम आहेत. यामध्ये 50MP चा कॅमेरा आणि 5,000mAh ची बॅटरी मिळते जी दैनंदिन वापरासाठी पुरेशी आहे.
सुरक्षा आणि खरेदी
15,000 रुपयांच्या आत फोन खरेदी करताना नेहमी 6GB किंवा 8 GB रॅम असलेला व्हेरिएंट निवडावा, जेणेकरून भविष्यात फोन हँग होणार नाही. तसेच पावसाळ्याचे दिवस असल्याने फोनला IP Rating वॉटर रेसिस्टन्स रेटिंग आहे का हे तपासून घ्यावे. सध्या चालू असलेल्या ऑनलाईन ऑफर्स आणि बँक डिस्काउंट्सचा वापर केल्यास हे फोन्स तुम्हाला आणखी 1,000 ते 1,500 रुपये स्वस्त मिळू शकतात.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा