Narendra Bhondekar: भंडारा येथील शिवसेना शिंदे गटाचे आमदार नरेंद्र भोंडेकर यांचा एक व्हिडिओ व्हायरल झाला आहे. पवनी येथील नवरात्रोत्सवात शहनाज अख्तर यांच्या कार्यक्रमात ते कार्यकर्त्यांसह स्टेजवर नाचत असताना, जास्त वजनामुळे स्टेज कोसळले.
धनगर आरक्षणाची बैठक, शिवसेना दसरा मेळावा ते पालिका निवडणूक; खोतकरांची उत्तरं!
नेमकं काय घडलं?
घटना सोमवारी रात्री साडे अकरा च्या सुमारास घडली. भंडारा विधानसभेतील आमदार नरेंद्र भोंडेकर यांनी पवनी येथे नवरात्रोत्सवानिमित्त शहनाज अख्तर यांच्या गाण्याच्या कार्यक्रमाचे आयोजन केले होते. या कार्यक्रमात उपस्थित प्रेक्षकांची संख्या मोठी होती आणि कार्यक्रमाचा उत्साह पाहून भोंडेकर व कार्यकर्ते मंचावर नाचण्यासाठी चढले. गाण्यात सहभागी होऊन ते इतके गुंतले की स्टेजवर असलेले वजन जास्त झाले याचा त्यांना अंदाजच आला नाही.
दसरा मेळाव्यावरुन ‘शिमगा’! ठाकरेंनी मेळावा रद्द करुन पैसे पूरग्रस्तांना द्यावेत, भाजपचा उपरोधिक सल्ला
त्या दरम्यान, मंचाला भार झेलता आला नाही आणि स्टेज कोसळला. यामुळे आमदार भोंडेकर तसेच काही कार्यकर्ते खाली पडले. आजूबाजूला असलेल्या इतर कार्यकर्त्यांनी आणि सुरक्षेसाठी तैनात पोलिसांनी त्यांना सावरण्यासाठी त्वरित धाव घेतली. या संपूर्ण घटनेचे दृश्य कॅमेरामध्ये कैद झाले असून, व्हिडिओ सोशल मीडियावर मोठ्या प्रमाणावर शेअर केला जात आहे.
पवनीत महोत्सवाचे आयोजन
पवनीत नवरात्रीसाठी विदर्भ काशी येथे पाच दिवसांच्या महोत्सवाचे आयोजन करण्यात आले होते. हा महोत्सव 26 सप्टेंबरपासून सुरू झाला होता आणि काल त्याचा समारोप झाला. या महोत्सवात मॅरेथॉन स्पर्धा, कॉमेडियन सुनील पाल यांचे कार्यक्रम तसेच भजन गायक शहनाज अख्तर यांचे संगीत कार्यक्रम आयोजित करण्यात आले होते.
धनगर आरक्षणाची बैठक, शिवसेना दसरा मेळावा ते पालिका निवडणूक; खोतकरांची उत्तरं!
याच महोत्सवाचे आयोजन आमदार नरेंद्र भोंडेकर यांनी केले होते. शहनाज अख्तर यांच्या कार्यक्रमाला ते हजर होते आणि भजन रंगात आले असताना, आमदार भोंडेकर व काही कार्यकर्ते स्टेजवर गेले. त्यांनी नृत्य सुरू केले आणि या वेळी अधिक कार्यकर्त्यांचा समावेश झाल्याने स्टेज तुटले.
