Gadchiroli Engineer Suspended: चामोर्शी सार्वजनिक बांधकाम विभागातील उपविभागीय अभियंता देवानंद सोनटक्के यांचा नागपूरमधील बिअर बारमध्ये शासकीय कागदपत्रांवर स्वाक्षरी करतानाचा व्हिडिओ व्हायरल झाला. चौकशीत दोषी आढळल्याने त्यांना निलंबित करण्यात आले आहे. त्यांच्यासोबत असलेल्या कंत्राटदार व इतरांवर गुन्हा दाखल करण्याचे आदेश देण्यात आले आहेत. यापूर्वीही सोनटक्के यांच्यावर गैरव्यवहाराचे आरोप होते.
Vijay Wadettiwar | जनतेच्या बोकांडी बसलेलं नतभ्रष्ट सरकार, असं सरकार होणं नाही
नागपुरातील रामेश्वरी भागातील एक बिअर बारमध्ये बसून शासकीय कागदपत्रांवर स्वाक्षरी केली जात असल्याने संताप व्यक्त झाला. पोलिसांनी बारमधील सीसीटीव्ही फुटेज जप्त केले. वरिष्ठ पातळीवर या प्रकाराची दखल घेण्यात आली. सखोल चौकशी झाल्यानंतर हा अधिकारी चामोर्शी येथील उपविभागीय अभियंता सोनटक्के असल्याचे निष्पन्न झाले. त्याच्यासोबत संबंधित पेटी कॉन्ट्रॅक्टर आणि इतर एक मित्र असल्याचे उघड झाले. सार्वजनिक बांधकाम विभागाच्या अधीक्षक अभियंता नीता ठाकरे यांनी सोनटक्के यांच्यासह बिअर बारमध्ये असलेल्या तिघांनाही मंगळवारी बोलविले. खुलासा विचारल्यानंतर बारमध्ये बसून आपण स्वाक्षऱ्या केल्याची कबुली सोनटक्के यांनी दिली. त्यानंतर सविस्तर अहवाल अधीक्षक अभियंता ठाकरे यांनी राज्य सरकारकडे पाठविला.
शिक्षकांवर गंभीर आरोप; विद्यार्थ्याचा स्वत:ला संपवण्याचा प्रयत्न, VIDEO शेअर करत कॉलेजची पोलखोल
सोनटक्के यांनी सुट्टीच्या दिवशी शासकीय दस्तावेजावर बिअर बारमध्ये बसून स्वाक्षरी केल्यामुळे आणि त्यांच्या या गैरवर्तनामुळे सरकारची प्रतिमा मलीन झाल्यामुळे त्यांच्याविरुद्ध शिस्तभंगाची कारवाई करण्याचे निर्देश देण्यात आले. यानंतर त्यांना निलंबित करण्यात आले आहे. या काळात त्यांना सार्वजनिक बांधकाम प्रादेशिक विभाग मुख्य अभियंता कार्यालयात पाठविण्यात आले आहे.बिअर बारमध्ये सोनटक्के यांच्यासोबत असलेले राहुल जोडे आणि इतरांविरोधात शासकीय दस्तावेज कार्यालयाबाहेर नेल्याप्रकरणी गुन्हा दाखल करण्याचे निर्देश देण्यात आले आहेत. या संपूर्ण प्रकरणामुळे सार्वजनिक बांधकाम विभागात खळबळ उडाली आहे.
Vijay Wadettiwar | जनतेच्या बोकांडी बसलेलं नतभ्रष्ट सरकार, असं सरकार होणं नाही
गैरव्यवहारासंबंधात चौकशी सुरू
सोनटक्के यापूर्वी राज्याच्या शेवटच्या टोकावर असलेल्या सिरोंचा यथे कार्यरत होते. त्यांच्या कार्यकाळात सिरोंचा येथे झालेल्या कामाबाबतही आरोप-प्रत्यारोप झाले होते. त्यानंतर त्यांची नागपूर येथे बदली झाली होती. मात्र नागपूरहून त्यांनी परत चामोर्शी येथे बदली करून घेतली, असाही आरोप होत आहे. नागपूर येथे जागतिक बँकेच्या निधीतून झालेल्या कामातील एका गैरव्यवहारासंदर्भातही त्यांची चौकशी सुरू असल्याची माहिती सूत्रांनी दिली आहे.
