British Chess Championship 2026: भारतीय वंशाच्या ११ वर्षीय बोधना शिवानंदन आणि १७ वर्षीय श्रेयस रॉयल यांनी ब्रिटिश बुद्धिबळ चॅम्पियनशिपमध्ये इतिहास रचला. बोधनाने सर्वात तरुण महिला चॅम्पियन होण्याचा मान मिळवला, तर श्रेयसनेही विजेतेपद पटकावले.
११ वर्षांची बोधना ठरली ब्रिटनची सर्वात तरुण चॅम्पियन
रविवारी झालेल्या रोमांचक रॅपिड प्लेऑफमध्ये बोधनाने आयर्लंडच्या १४ वर्षीय त्रिशा कन्यामरालाचा पराभव केला. या विजयासह तिने ब्रिटिश महिला बुद्धिबळ चॅम्पियनशिपचे विजेतेपद मिळवले. सामन्यादरम्यान प्रेक्षकांनी बोधनाला मोठा पाठिंबा दिला. तिच्या नावाने घोषणाही करण्यात आल्या.
इंग्लिश चेस फेडरेशनचे समालोचक ग्रँडमास्टर डॅनी गॉर्मली यांनीही तिच्या प्रतिभेचे कौतुक केले. बोधनासारखी प्रतिभा एखाद्या पिढीतून क्वचितच पाहायला मिळते, असे त्यांनी म्हटले.
लॉकडाऊनमध्ये सुरू झाला बुद्धिबळाचा प्रवास
बोधनाने कोविड-१९ लॉकडाऊनच्या काळात बुद्धिबळ खेळायला सुरुवात केली. तिच्या वडिलांच्या मित्रांनी भारतात जाताना काही बॅग्स त्यांच्या घरी ठेवल्या होत्या. त्यामध्ये असलेल्या बुद्धिबळाच्या पटावरून तिच्या या प्रवासाला सुरुवात झाली.
विजयानंतर बोधनाने सांगितले की, बुद्धिबळाच्या सोंगट्या तिला आकर्षक वाटल्या आणि म्हणून तिने खेळायला सुरुवात केली. परिस्थिती कितीही कठीण असली तरी प्रयत्न करत राहायला हवे, असेही तिने म्हटले.
श्रेयस रॉयलचाही मोठा पराक्रम
याच स्पर्धेत १७ वर्षीय श्रेयस रॉयलनेही विजेतेपद पटकावले. नवव्या फेरीनंतर त्याने गुणतालिकेत आघाडी घेतली होती. त्याने इंग्लंडच्या अनुभवी ग्रँडमास्टर्सना अर्ध्या गुणाने मागे टाकत एकूण गुणांच्या आधारावर विजेतेपद मिळवले.
Narender Berwal : ‘मला नरेंदर नावाची चीड’, PM मोदींसमोरच भारतीय बॉक्सर असं का म्हणाला? शेवटला मोदींनाही आवरलं नाही हसू
विशेष म्हणजे बोधनाचा या चॅम्पियनशिपमधील एकमेव पराभव सहाव्या फेरीत श्रेयसविरुद्ध झाला होता.
१२२ वर्षांच्या इतिहासातील मोठी स्पर्धा
२०२६ची ब्रिटिश बुद्धिबळ चॅम्पियनशिप ही स्पर्धेच्या १२२ वर्षांच्या इतिहासातील सर्वात मोठ्या स्पर्धांपैकी एक ठरली. यंदा १,७५० हून अधिक खेळाडूंनी सहभाग घेतला. स्पर्धेसाठी एकूण ३४ हजार पौंडांची बक्षीस रक्कम जाहीर करण्यात आली होती.
बोधनाने यापूर्वी यूके ओपन महिला ब्लिट्झ चॅम्पियन आणि संयुक्त ब्रिटिश महिला चॅम्पियन होण्याचा मान मिळवला आहे. आता क्लासिकल प्रकारातील विजेतेपदामुळे तिच्या नावावर आणखी एका मोठ्या विक्रमाची नोंद झाली आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
