कोकण म्हटलं की डोळ्यांसमोर येतात हिरवाईने नटलेले डोंगर, नारळ-सुपारीच्या बागा, समुद्राची शांतता आणि जुन्या काळातील साधी, सुंदर घरं. याच कोकणी संस्कृतीचा सुंदर अनुभव देणारं मराठी अभिनेत्री निर्मिती सावंत यांचं घर सध्या चर्चेत आहे. निर्मिती सावंत यांच्या या कोकणातील घराची झलक Amol Sawant Vlogs मधून अनेकांना पाहायला मिळाली.सिंधुदुर्ग किल्ल्याच्या सान्निध्यात असलेलं हे घर कोकणच्या मातीत रुजलेल्या जीवनशैलीची आठवण करून देतं.
सिंधुदुर्ग किल्ल्याच्या सान्निध्यात असलेलं हे घर कोकणच्या मातीत रुजलेल्या जीवनशैलीची आठवण करून देतं. आजच्या काळात अनेक जण आधुनिक आणि आलिशान घरांच्या मागे धावत असताना, या घरातून निसर्गाशी जोडलेलं, शांत आणि समाधान देणारं जीवन कसं असू शकतं याची प्रेरणा मिळते. या घराची खासियत म्हणजे त्यातील साधेपणा आणि नैसर्गिक वातावरणाशी असलेलं घट्ट नातं. घराभोवतीची हिरवळ, मोकळं अंगण, झाडांची सावली आणि शांत परिसर यामुळे हे घर एखाद्या स्वप्नातील कोकणी निवासासारखं वाटतं.(फोटो सौजन्य :- @AMOL SAWANT VLOGS, @Nirmiti sawant)
घरातील विहीर आणि निसर्गाशी नातं
या घरातील विहीरही अनेकांचं लक्ष वेधून घेते. कोकणातील अनेक जुन्या घरांमध्ये विहीर ही घराचा महत्त्वाचा भाग असायची. पाण्याचा नैसर्गिक स्रोत, आजूबाजूची हिरवाई आणि शांत वातावरण यामुळे घराला एक वेगळीच ऊर्जा मिळते. आजच्या फार्महाऊस डिझाइनमध्येही अशा नैसर्गिक घटकांना मोठी मागणी आहे. घराजवळ छोटी विहीर, पाण्याचा साठा, झाडांनी वेढलेलं अंगण किंवा निसर्गाशी जोडलेली जागा यामुळे घराला ग्रामीण सौंदर्य प्राप्त होतं.
घरासमोर मोठं अंगण
निर्मिती सावंत यांच्या कोकणी घरासमोरचं मोठं अंगण हे या घराचं आणखी एक खास आकर्षण आहे. प्रशस्त मोकळी जागा, आजूबाजूची हिरवाई आणि निसर्गाचा सुंदर सहवास यामुळे अंगणाला एक वेगळीच शांतता आणि प्रसन्नता मिळते. सकाळचा चहा, कुटुंबासोबत निवांत वेळ घालवण्यासाठी किंवा निसर्गाचा आनंद घेण्यासाठी अशी मोकळी जागा घराचं सौंदर्य आणखी वाढवते. पारंपरिक कोकणी घरांप्रमाणेच या अंगणातून साधेपणा आणि आपलेपणाची भावना जाणवते.
घराभोवती हिरवळ
निर्मिती सावंत यांच्या कोकणी घराभोवतीची हिरवळ या घराच्या सौंदर्यात आणखी भर घालते. नारळ, झाडं-झुडपं आणि निसर्गाच्या सान्निध्यात वसलेलं हे घर पाहताना मनाला एक वेगळीच शांतता मिळते. घराभोवतीची मोकळी जागा आणि हिरवागार परिसर यामुळे घराला नैसर्गिक आणि प्रसन्न वातावरण लाभलं आहे. निसर्गाशी जोडलेलं साधं, सुंदर आणि शांत जीवन कसं असावं, याची सुंदर झलक या घरातून पाहायला मिळते.
निर्मिती सावंत कोकण घर
साधं सिंपल किचन
निर्मिती सावंत यांच्या घरातील साधं-सोपं किचनही लक्ष वेधून घेतं. या किचनमध्ये कोणताही दिखावा नसून साधेपणा, स्वच्छता आणि नीटनेटकेपणाला महत्त्व देण्यात आलं आहे. पारंपरिक कोकणी घराची झलक देणारं हे किचन कमी सजावटीतही खूप सुंदर आणि आपुलकीचं वाटतं. साध्या मांडणीतूनही घरात उबदारपणा आणि घरगुती वातावरण कसं निर्माण करता येतं, याची प्रेरणा या किचनमधून मिळते.
कोकणी संस्कृतीचा सुंदर अनुभव
निर्मिती सावंत यांचं हे घर केवळ राहण्यासाठीची जागा नाही, तर कोकणच्या परंपरा आणि आठवणी जपणारं एक सुंदर ठिकाण आहे. घराची रचना पाहिल्यावर जुन्या कोकणी घरांची आठवण येते. मातीचा सुगंध, निसर्गाचा सहवास आणि साधेपणातला आनंद या घराच्या प्रत्येक कोपऱ्यात जाणवतो. घरातील पारंपरिक चूल विशेष आकर्षण ठरते. पूर्वीच्या काळात घरातील स्वयंपाकाची जागा म्हणजे केवळ जेवण बनवण्याचं ठिकाण नव्हतं, तर कुटुंबाला एकत्र आणणारं केंद्र होतं. अशाच पारंपरिक चुलीमुळे या घराला एक वेगळाच टच मिळतो.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
