बॉलिवूड अभिनेत्री नीलम कोठारीच्या आलिशान घराची झलक फराह खानच्या व्लॉगमधून पाहायला मिळाली.घराच्या सुंदर इंटिरिअरसोबतच किचनमधील स्टीलच्या भांड्यांवरही अनेकांचे लक्ष गेले.डाग पडलेली किंवा चमक कमी झालेली भांडी पुन्हा नव्यासारखी करण्यासाठी जाणून घ्या सोपे घरगुती उपाय.
व्हिनेगरचा वापर
स्टीलच्या भांड्यांवरील पाण्याचे डाग, पांढरे थर आणि कमी झालेली चमक परत मिळवण्यासाठी व्हिनेगरचा वापर प्रभावी ठरू शकतो. एका भांड्यात समान प्रमाणात व्हाईट व्हिनेगर आणि पाणी मिसळा. हे मिश्रण डाग पडलेल्या भागावर लावा किंवा स्प्रे बाटलीच्या मदतीने संपूर्ण भांड्यावर शिंपडा. साधारण 10 ते 15 मिनिटे हे मिश्रण तसेच राहू द्या, जेणेकरून व्हिनेगरमधील अॅसिडिक गुणधर्म डाग आणि खनिजांचा थर सैल करण्यास मदत करतील.यानंतर मऊ स्पंज किंवा मायक्रोफायबर कापडाने भांडे हलक्या हाताने घासा आणि स्वच्छ पाण्याने धुवा. शेवटी कोरड्या कापडाने भांडे पुसून घ्या, त्यामुळे पाण्याचे नवीन डाग पडणार नाहीत आणि भांड्याला पुन्हा चमक येईल. व्हिनेगरचा वापर करताना काही गोष्टींची काळजी घ्या. खूप वेळ व्हिनेगर भांड्यावर ठेवू नका आणि वापरल्यानंतर भांडे व्यवस्थित धुवून घ्या.
लिंबू आणि मीठ
स्टीलच्या भांड्यांवरील हलके गंजाचे डाग, तेलाचा चिकट थर आणि मळकटपणा दूर करण्यासाठी लिंबू आणि मीठाचा उपाय उपयुक्त ठरू शकतो. लिंबामध्ये नैसर्गिक आम्ल असते, जे डाग सैल करण्यास मदत करते, तर मिठाचे सौम्य घर्षण गुणधर्म भांड्यावरील घाण काढण्यास मदत करतात.यासाठी एक ताजे लिंबू अर्धे कापून घ्या आणि त्यावर थोडे मीठ शिंपडा. हे लिंबू डाग पडलेल्या भागावर हलक्या हाताने घासा. विशेषतः भांड्यांच्या कडा, तळाचा भाग किंवा जिथे तेलाचा थर जमा झाला आहे अशा ठिकाणी हा उपाय चांगला परिणाम देऊ शकतो. लिंबाचा रस आणि मीठ काही मिनिटे भांड्यावर राहू दिल्यानंतर ते मऊ स्पंजने स्वच्छ करा आणि पाण्याने धुवून घ्या.
बेकिंग सोड्याची पेस्ट
स्टीलच्या भांड्यांवरील हट्टी डाग, काळपटपणा आणि चिकट थर काढण्यासाठी बेकिंग सोडा हा एक सोपा आणि प्रभावी घरगुती उपाय ठरू शकतो. बेकिंग सोड्यात थोडंसं पाणी मिसळून घट्ट पेस्ट तयार करा. ही पेस्ट भांड्यांवरील डाग असलेल्या भागावर लावा आणि साधारण 10 ते 15 मिनिटे तशीच राहू द्या.यानंतर मऊ स्पंज किंवा जुन्या टूथब्रशच्या मदतीने डागांवर हलक्या हाताने घासा.
बेकिंग सोड्याचे सौम्य कण घाणीचा थर काढण्यास मदत करतात, त्यामुळे भांड्यांचा पृष्ठभाग खराब न करता स्वच्छता होते. विशेषतः तळाशी जमा झालेला काळपटपणा, तेलाचे डाग आणि जळलेल्या खुणा कमी करण्यासाठी हा उपाय उपयोगी ठरू शकतो.भांडे स्वच्छ झाल्यानंतर ते भरपूर पाण्याने धुवून कोरड्या कापडाने पुसून घ्या. यामुळे पाण्याचे डाग राहणार नाहीत आणि स्टीलची चमक पुन्हा दिसू लागेल.
डिशवॉश केल्यानंतर लगेच पुसा
स्टीलची भांडी स्वच्छ आणि चमकदार ठेवण्यासाठी केवळ धुणे पुरेसे नसते, तर धुतल्यानंतर त्यांची योग्य काळजी घेणेही तितकेच महत्त्वाचे असते. अनेकदा भांडी धुतल्यानंतर ती तशीच सुकण्यासाठी ठेवली जातात. मात्र, पाण्यातील क्षारांमुळे सुकल्यानंतर भांड्यांवर पांढरे डाग, वॉटर मार्क्स किंवा मळकट थर दिसू शकतो.
त्यामुळे भांडी धुतल्यानंतर लगेचच मऊ कापड, मायक्रोफायबर टॉवेल किंवा स्वच्छ सुती कपड्याने ती पुसून घ्या. यामुळे पाण्याचे थेंब भांड्यांच्या पृष्ठभागावर राहात नाहीत आणि त्यांची चमक जास्त काळ टिकून राहते.
स्टील स्क्रबरचा अति वापर टाळा
स्टीलची भांडी स्वच्छ करण्यासाठी अनेकजण कठीण स्टील स्क्रबरचा वापर करतात. मात्र, रोजच्या वापरात खूप जोरदार स्क्रबरने भांडी घासल्यास त्यांच्या पृष्ठभागावर बारीक ओरखडे पडू शकतात. हे ओरखडे दिसायला लहान असले तरी त्यामध्ये घाण, तेल आणि साबणाचे अवशेष साचण्याची शक्यता वाढते. त्यामुळे कालांतराने भांड्यांची चमक कमी होऊ शकते.
विशेषतः नवीन किंवा चमकदार फिनिश असलेल्या स्टीलच्या भांड्यांसाठी कठीण स्क्रबरचा वापर टाळणे चांगले. त्याऐवजी मऊ स्पंज, मायक्रोफायबर कापड किंवा नॉन-स्क्रॅच स्क्रबर वापरणे अधिक योग्य ठरते. यामुळे भांड्यांचा पृष्ठभाग सुरक्षित राहतो आणि त्यांची चमकही कायम टिकते.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
