देह विठ्ठल विठ्ठल झाला.. जय पवारांनी पत्नी ऋतुजा पवारांसह भक्तीत लीन,ऋतुजा यांचा केशरी साडीतील लुक सोशल मीडियावर व्हायरल – jay pawar and wife rutuja pawar took tukaram maharaj palkhi darshan orange saree grab all attention

दरवर्षीप्रमाणे यंदाही तुकाराम महाराज पालखी सोहळ्याला लाखो भाविकांची उपस्थिती होती. याच भक्तिमय वातावरणात जय पवार आणि ऋतुजा पवार यांनी वारकऱ्यांसोबत दर्शन घेतले. दोघांनीही अत्यंत साधेपणाने या सोहळ्यात सहभाग नोंदवला. गर्दीत कोणताही बडेजाव न करता त्यांनी वारकऱ्यांशी संवाद साधला, पालखीचे दर्शन घेतले आणि विठ्ठलाच्या चरणी नतमस्तक होत आशीर्वाद घेतला. या प्रसंगी जय पवार पारंपरिक पांढऱ्या कुर्ता-पायजम्यामध्ये दिसले, तर ऋतुजा पवार यांनी नेसलेली आकर्षक केशरी साडी, त्यावर साधे दागिने आणि पारंपरिक लुक यामुळे त्यांची वेगळी छाप पडली.

सोशल मीडियावर व्हायरल झालेल्या फोटोंमध्ये ऋतुजा पवार यांनी केशरी रंगाची पारंपरिक साडी परिधान केली होती. त्यासोबत साधा मेकअप, कपाळावर कुंकू, मोकळे केस आणि पारंपरिक दागिन्यांमुळे त्यांचा लुक अधिकच खुलून दिसत होता. त्यांच्या या साध्या पण देखण्या अंदाजाचे सोशल मीडियावर अनेकांनी कौतुक केले. “सौंदर्यापेक्षा साधेपणातच खरी शोभा आहे”, “वारकरी परंपरेला साजेसा लुक”, “अतिशय सुंदर आणि संस्कृती जपणारा पेहराव” अशा प्रतिक्रिया नेटकऱ्यांनी दिल्या.

जय आणि ऋतुजा पवार यांनी पालखीसमोर हात जोडून दर्शन घेतले. विठ्ठल नामाचा गजर, टाळ-मृदुंगाचा नाद आणि अभंगांच्या सुरांनी भारावलेल्या वातावरणात दोघेही भक्तिभावात लीन झाल्याचे पाहायला मिळाले.त्यांच्या चेहऱ्यावरचा आनंद आणि समाधान सोशल मीडियावरील फोटोंमधून स्पष्टपणे दिसून येत होता. वारकऱ्यांसोबत काही क्षण घालवत त्यांनी या आध्यात्मिक परंपरेचा अनुभव घेतला.

पालखी सोहळ्यातील जय आणि ऋतुजा पवार यांचे फोटो विविध सोशल मीडिया प्लॅटफॉर्मवर मोठ्या प्रमाणात शेअर करण्यात आले. विशेषतः ऋतुजा पवार यांच्या पारंपरिक वेशभूषेने अनेकांचे लक्ष वेधून घेतले.अनेकांनी या जोडप्याचे कौतुक करत “भक्ती आणि संस्कृती यांचा सुंदर संगम”, “साधेपणातही देखणेपणा” आणि “वारकरी परंपरेचा सन्मान” अशा प्रतिक्रिया व्यक्त केल्या.

तुकाराम महाराज पालखी सोहळ्यात ऋतुजा पवार यांचा पारंपरिक आणि आकर्षक लुक सर्वांच्या चर्चेचा विषय ठरला. त्यांनी नेसलेली केशरी रंगाची साडी वारीच्या भक्तिमय वातावरणाला साजेशी होती. या साडीसोबत त्यांनी अतिशय साधा मेकअप, कपाळावर कुंकू, कानात पारंपरिक झुमके आणि मोजके दागिने परिधान केले होते. त्यामुळे त्यांचा लुक अधिक उठून दिसत होता.केसांची साधी हेअरस्टाईल आणि चेहऱ्यावरील प्रसन्न हास्य यामुळे त्यांचा संपूर्ण लुक अधिकच खुलला. कोणताही भपकेबाजपणा न करता त्यांनी मराठमोळ्या संस्कृतीला साजेसा पेहराव निवडल्याने अनेकांनी त्यांच्या साधेपणाचे कौतुक केले.