Gondia Crime News: दफनविधी करतेवेळी मानसीच्या शरीरावर काही व्रण दिसून आले. मानसीच्या मृत्यू मागे काहीतरी गुढ असावे, असा संशय तिच्या नातेवाइकांनी व्यक्त केला
मानसी ताराचंद चामलाटे असे मृत चिमुकलीचे नाव आहे. गुनिता ताराचंद चालमाटे असे पोलिसांनी ताब्यात घेतलेल्या मानसीच्या आईचे नाव आहे. मानसी ही आई गुनिता ताराचंद चामलाटे सोबत नागपूर जिल्ह्यातील खापरखेडा परिसरातील नांदा येथे राहत होती. गुरुवार, २६ डिसेंबर रोजी सायंकाळच्या सुमारास मानसीचा मृत्यू झाला. मुलीचा मृतदेह घेऊन गुनिता ही आपल्या स्वगावी पालेवाडा हेटी येथे आली. प्रकृती बरी नसल्याने मानसीचा मृत्यू झाल्याचे गुनिताने गावकऱ्यांना सांगितले. शुक्रवार, २७ डिसेंबर रोजी दुपारी हेटी येथील समशानभूमीत मानसीचा दफनविधी पार पडला. मात्र, दफनविधी करतेवेळी मानसीच्या शरीरावर काही व्रण दिसून आले. मानसीच्या मृत्यू मागे काहीतरी गुढ असावे, असा संशय तिच्या नातेवाइकांनी व्यक्त केला. त्यानुसार मानसीची मोठी आई कलाबाई चामलाटे यांनी शुक्रवारी रात्री गोरेगाव पोलिसांत तक्रार दाखल केली. या तक्रारीची दखल घेत गोरेगाव पोलिसांनी तहसीलदार गोरेगाव व उपविभागीय अधिकारी तिरोडा यांच्या समक्ष हेटी येथील स्मशानभूमीत पुरण्यात आलेला मृतदेह बाहेर काढला. घटनास्थळाचा पंचनामा करून मृतदेह शवविच्छेदनासाठी गोंदिया येथील केटीएस रुग्णालयात पाठवला. यासंदर्भात गोरेगाव पोलिसांनी मर्ग दाखल केला आहे. पोलिसांनी चोकशीसाठी मृत मानसीची आई गुनिता चामलाटे हिला ताब्यात घेतले आहे.
राष्ट्रवादीचे ‘चलो दिल्ली’; विधानसभा निवडणुकीसाठी ११ उमेदवारांची यादी जाहीर
अहवालानंतर पुढील कारवाई
दरम्यान, उत्तरीय तपासणी अहवालानंतर पुढील कारवाई करण्यात येणार आहे. सदर घटना पोलिस ठाणे खापरखेडाच्या (नागपूर ग्रामीण) हद्दीतील असल्याने हे प्रकरण खापरखेडा पोलिसांकडे वर्ग करण्यात येईल, असे आमगावचे उपविभागीय पोलिस अधिकारी प्रमोद मडामे यांनी सांगितले.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा