Chhatrapati Sambhajinagar Crime : छत्रपती संभाजीनगरमध्ये बँकेच्या एन -५ येथील बजरंग चौकातील शाखेत घडली. बनावट दागिने शुध्द सोन्याचे असल्याचे प्रमाणपत्र मिळवून बँकेला दहा लाख रुपयांचा चुना लावण्यात आला.
९० टक्के शुद्ध सोन्याचे असल्याचे प्रमाणित केले.
या प्रकरणात बजरंग चौकातील बँक ऑफ महाराष्ट्र शाखेचे व्यवस्थापक अनिता विनोद गाडेकर (वय ४१, रा. चिकलठाणा) यांनी दिलेल्या तक्रारीनुसार, फरिन तबस्सुम हिने २१ ऑगस्ट २०२५ रोजी सोनेतारण कर्जासाठी अर्ज केला. बँकेच्या नियमानुसार पॅनलवरील मूल्यांकनकार पवन वर्मा याने दागिन्यांची तपासणी करून ते ९० टक्के शुद्ध सोन्याचे असल्याचे प्रमाणित केले. त्यानुसार बांगड्या व ब्रेसलेटच्या तारणावर तीन लाख ४१ हजार रुपयांचे कर्ज मंजूर करण्यात आले.
सिडको पोलिस ठाण्यात गुन्हा दाखल
यानंतर २८ ऑगस्ट २०२५ रोजी त्याच कर्जदाराने पुन्हा नेकलेस, अंगठी, झुमकेआणि बांगड्या तारण ठेवल्या. मूल्यांकनकाराने हे दागिने ९१ ते ९२ टक्के शुद्ध सोन्याचे असल्याचे प्रमाणपत्र दिल्यानंतर बँकेने आणखी सहा लाख ६० हजार रुपयांचे कर्ज मंजूर केले. अशा प्रकारे एकूण १० लाख १ हजार रुपयांचे कर्ज वितरित करण्यात आले. गाडेकर यांच्या तक्रारीवरून बँकेला गंडा घालणाऱ्या फरिन तबस्सुम, बँकेचे पॅनल मूल्यांकनकार पवन वर्मा यांच्या विरोधात सिडको पोलिस ठाण्यात गुन्हा दाखल करण्यात आला आहे.
संभाजीनगरमध्ये २४ हजारांची रोख रक्कम लंपास
संभाजीनगरमध्ये फसवणुकीची अजून एक घटना समोर आली आहे. पडेगाव परिसरातील असलेल्या जमजम मेडिकल स्टोअर या दुकानातचे शटर उचकटून चोरट्यांनी २४ हजारांची रोख रक्कम चोरून नेली. ही घटना दोन ते तीन ऑगस्टदरम्यान पडेगाव परिसरातील जमजम मेडिकल स्टोअरमध्ये घडली. या प्रकरणात मोहम्मद जावेद इलियास ठेकीया यांच्या तक्रारीवरून छावणी पोलिस ठाण्यात गुन्हा दाखल करण्यात आला आहे.
लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा
