AUS vs BAN 2nd Test Result :पहिल्या कसोटीतील पराभवानंतर ऑस्ट्रेलियाने कडवी झुंज देत दुसऱ्या कसोटीत बांगलादेशचा धुव्वा उडवला आणि मालिकेत १-१ अशी बरोबरी साधली.
दुसऱ्या दिवसाच्या सुरुवातीला ऑस्ट्रेलियाने ८ बाद १६५ धावांवरून डावाला सुरुवात केली. अखेर त्यांचा पहिला डाव २१० धावांवर संपुष्टात आला. कॅमेरून ग्रीनने ६७, स्टीव्ह स्मिथने ४२, तर नॅथन लायनने ३२ धावांचे योगदान दिले. त्यामुळे ऑस्ट्रेलियाला बांगलादेशवर १४६ धावांची आघाडी मिळाली. बांगलादेशकडून शरीफुल इस्लामने प्रभावी गोलंदाजी करत ७ विकेट घेतल्या.
दुसऱ्या डावातही बांगलादेशची घसरगुंडी
१४६ धावांच्या पिछाडीवर असलेल्या बांगलादेशच्या फलंदाजांना ऑस्ट्रेलियाच्या वेगवान गोलंदाजांचा सामना करता आला नाही. संपूर्ण संघ ३८.३ षटकांत अवघ्या ९५ धावांवर गारद झाला. कर्णधार नजमुल हुसेन शांतोने ३१ धावा केल्या, तर मुशफिकुर रहीम २९ धावांवर नाबाद राहिला. याशिवाय एकाही फलंदाजाला दोन आकडी धावसंख्या करता आली नाही. ऑस्ट्रेलियाकडून मिचेल स्टार्कने ४ विकेट घेतल्या. पॅट कमिन्स आणि नॅथन लायन यांनी प्रत्येकी ३ फलंदाजांना बाद केले.
दोन्ही डावांत बांगलादेशची शंभरीही हुकली
बांगलादेशचा पहिला डाव तर केवळ ६४ धावांत संपला होता. त्या डावातही स्टार्कने ६ विकेट घेत ऑस्ट्रेलियाला सामन्यावर पकड मिळवून दिली. दुसऱ्या डावातही बांगलादेशला १०० धावांचा टप्पा गाठता आला नाही. या सामन्यात मिचेल स्टार्कने एकूण १० विकेट्स घेत ऑस्ट्रेलियाच्या विजयात महत्त्वाची भूमिका बजावली. त्याच्या प्रभावी कामगिरीमुळे त्याला सामनावीर आणि मालिकावीरचा पुरस्कार मिळाला.
IND vs SL Playing 11 : भारताचा टॉस जिंकत बॅटिंगचा निर्णय, टीममध्ये एकमेव बदल; ३३ वर्षी खेळाडू करणार पदार्पण, पाहा कोण
दरम्यान, पहिल्या कसोटीत ऑस्ट्रेलियाला घरच्या मैदानावर बांगलादेशकडून ९ विकेट्सने पराभव स्वीकारावा लागला होता. मात्र दुसऱ्या कसोटीत ऑस्ट्रेलियाने दमदार पुनरागमन करत मालिका १-१ने बरोबरीत सोडवली.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाइनमध्ये एक्झिक्युटिव्ह कंटेंट प्रॉड्युसर म्हणून कार्यरत आहेत. ते २०२४ पासून मटा ऑनलाइनसोबत जोडले गेले आहेत. गेली सात वर्षे ते विविध मीडिया समूहांमध्ये काम करत आहेत. त्यांना स्पोर्ट्स, क्राइम आणि राजकीय बातम्यांमध्ये विशेष रुची आहे.
पत्रकारितेमधील अनुभव
पुण्यात पत्रकारितेचे शिक्षण घेत असताना झी २४ तास आणि सकाळ या माध्यम समूहांमध्ये इंटर्नशीप केली होती. त्यानंतर मास मीडियाच्या शेवटच्या वर्षाला असताना ‘थोडक्यात’ या वेब पोर्टलमध्ये इंटर्न म्हणून काम केले आहे. त्यानंतर थोडक्यात मध्येच नोकरीची संधी मिळाली, तिथेच काही दिवसांनी शिफ्ट इंचार्ज म्हणून जबाबादारी सांभाळली. यादरम्यान लोकसभा आणि विधानसभा २०१९ निवडणुकांचे टेक्स्ट बातम्यांमधून वार्तांकन केले. मराठी चित्रपटसृष्टीतील ‘श्रीराम समर्थ’ या चित्रपटातील संत रामदासांची भूमिका साकारणारे मराठी अभिनेते शंतून मोघे यांची छोटेखानी मुलाखत घेतली. (लिंक : https://youtu.be/-wsyyekJ-DE?si=SaJ_OC9nUgLFmKXK)
‘थोडक्यात’ नंतर सकाळ डीजिटलमध्ये सोशल मीडिया एक्सेक्युटिव्ह म्हणून काम पाहिले आहे, त्यावेळी टी-२० वर्ल्ड कपचे लाईव्ह करत क्रीडाप्रेमींना माहिती दिली. त्यानंतर ‘पोलीसनामा’मध्ये काम करत असताना सीडीआर वाचून समजून घेत अनेक स्टोरी साध्या आणि सोप्या शब्दात बातमी लेखन केले. यादरम्यान कॉलेज पूर्ण झाल्यावर झी २४ तासमध्ये संधी मिळाली, मुंबईत झी २४ तासमध्ये महाराष्ट्र केसरी कु्स्ती स्पर्धेवर विशेष स्टोरी केल्या आहेत. टीव्ही९ मराठीमध्ये Sub-Editor, Social Media Executive म्हणून काम पाहिले आहे. त्यानंतर २०२४ मध्ये महाराष्ट्र टाइम्स ऑनलाइनमध्ये जॉइन झाले.
महाराष्ट्र टाइम्स ऑनलाइनमध्ये महाराष्ट्र, क्राइम आणि स्पोर्ट्स या तिन्ही सेक्शनमध्ये ट्रेंडनुसार बातमी लेखन करतात. आता पार पडलेल्या विधानसभा निवडणूक आणि निकालांचे कव्हरेज बातम्यांच्या माध्यमातून केले. महापालिका निवडणुकांमध्ये मुंबई, पुणे आणि पिंपरी चिंचवड आणि कोल्हापूर या महत्त्वाच्या जिल्ह्यांचे स्थानिक पातळीवर भागानुसार सविस्तर वार्तांकन केले आहे. महापालिका निवडणुकीमध्ये सायली वांजळे यांची मुलाखत घेतली होती. लिंक: https://youtu.be/Wejw-eMnXqI?si=jyeD36tRboIc9bpJ. त्यासोबतच आता टी-२० वर्ल्ड कप २०२६ चे कव्हरेज पाहत आहेत.
शैक्षणिक पात्रता
हरीश मालुसरे यांचे पदवीपर्यंतचे शिक्षण पुणे जिल्ह्यातील नामांकित आबासाहेब गरवारे महाविद्यालयातून झाले आहे. तिथूनच 2022 साली एम. ए. जर्नलिझम आणि मास कम्युनिकेशनचे शिक्षण पूर्ण केले. त्यांचे मराठी हिंदी आणि इंग्रजी भाषेवर प्रभुत्व असून डिजिटल पत्रकारितेतील सातहून अधिक वर्षांचा अनुभव आहे.… आणखी वाचा
