नियम फक्त सर्वसामान्यांसाठीच? पंढरपूरमध्ये VIP दर्शनावर बंदी असताना शिंदेंच्या आमदाराकडून सोय करण्याची मागणी – political pressure in pandharpur darshan mla santosh bangar writes letter for vip darshan for 21 people

शिंदेंच्या आमदाराचं व्हीआयपी दर्शनासाठी पत्र

यातच हिंगोलीच्या कळमनुरी मतदार संघाचे शिंदे गटाचे आमदार संतोष बांगर यांनी आपल्या २१ कार्यकर्त्यांना व्हीआयपी दर्शन मिळावं यासाठी पंढरपूर विठ्ठल देवस्थानच्या समितीला पत्र दिल्याचा प्रकार समोर आला आहे. या पत्रात असा उल्लेख करण्यात आला आहे की, माझे मोठे बंधू श्रीराम लक्ष्मणराव बांगर आणि काही नगरसेवक व शिवसेना कार्यकर्ते हे श्रींच्या दर्शनाकरता येणार आहेत. यामध्ये २१ जणांची नावं आहेत. पंढरपूर मंदिर समितीने या सर्वांची दर्शनाची व्यवस्था करावी अशी पत्राद्वारे विनंती केली आहे.
Nashik Kumbh Mela 9 Roads : सिंहस्थ कुंभमेळ्यासाठी 9 नवे रस्ते, 4000 कोटींचा खर्चा, कुठून कसं गाठता येणार नाशिक?

२१ जणांची व्हीआयपी दर्शनाची सोय करावी – बांगर

आषाढी एकादशीच्या निमित्ताने पंढरपुरात मानाच्या पालख्यासह लाखो भाविक दर्शनाला दाखल होत आहेत. यामुळे दर्शनासाठी मोठ्या प्रमाणात गर्दी होत असून सध्या दर्शनाची रांग गोपाळपूर येथील बाराव्या पत्रा शेडच्या पुढे गेल्याचं सांगितलं जात आहे. तर दर्शन रांगेमध्ये सध्या तब्बल एक लाखाच्या वर भाविक रांगेमध्ये उभे आहेत. विठुरायाच्या दर्शनासाठी इतकी मोठी रांग असतानाही आमदार बांगर यांनी थेट पंढरपूर देवस्थानला पत्र देऊन २१ जणांची व्हीआयपी नावाची यादी देऊन त्यांच्या दर्शनाची व्यवस्था करण्याचा आग्रह धरला आहे, यामुळे राजकीय नेत्यांचा आग्रह कुठेतरी मंदिर समितीला पेच निर्माण करताना दिसत आहेत.

एकीकडे भाविक तासनतास रांगेत उभे आहेत, तर दुसरीकडे कार्यकर्त्यांना व्हीआयपी दर्शन मिळावं म्हणून आमदार प्रयत्न करत असल्याचं दिसून आलं आहे यामुळे सामान्य भाविकांमधून तीव्र नाराजी व्यक्त केली जात आहे.