आधार कार्ड हे आजच्या काळात सर्वात महत्त्वाचे ओळखपत्र बनले आहे. तुमच्या आधार कार्डवरील मोबाईल नंबर, राहण्याचा पत्ता किंवा फोटो जुना झाला असेल, तर तो बदलणे अत्यंत आवश्यक आहे. अनेकदा लोकांना वाटते की ही प्रक्रिया कठीण आहे, पण ऑनलाईन पद्धतीने तुम्ही घरबसल्या हा बदल अगदी सहज आणि सोप्या स्टेप्समध्ये करू शकता. चला तर मग याविषयीची माहिती पुढे जाणून घेऊया.
भारतीय विशिष्ट ओळख प्राधिकरणाने (UIDAI) नागरिकांच्या सुविधेसाठी विविध अपडेट्स जारी केले आहेत. जर तुमच्या आधार कार्डवरील पत्ता, मोबाईल नंबर किंवा फोटो जुना झाला असेल, तर तो बदलण्यासाठी खालील नियमांचे आणि अधिकृत प्रक्रियेचे पालन करावे.
1. आधार कार्डवरील पत्ता बदलण्याची सोपी ऑनलाईन पद्धत
- आधार कार्डमधील पत्ता बदलण्यासाठी तुमच्याकडे नोंदणीकृत मोबाईल नंबर असणे आवश्यक आहे.
- प्रथम UIDAI च्या अधिकृत myAadhaar पोर्टलला भेट द्या.
- तुमचा 12 अंकी आधार नंबर आणि मोबाईलवर आलेला OTP टाकून लॉगइन करा.
- ‘Update Aadhaar Online’ किंवा ‘Address Update’ हा पर्याय निवडा.
- तुमचा नवीन पत्ता अचूक भरा आणि त्यासाठी वैध कागदपत्र (उदा. रेशन कार्ड, वीज बिल, पासपोर्ट) स्कॅन करून अपलोड करा.
- जर स्वतःचे कागदपत्र नसेल, तर ‘Head of Family’ (HOF) च्या संमतीने देखील पत्ता बदलता येतो.
- शुल्क आणि कालावधी: यासाठी 50 ऑनलाईन फी भरावी लागते. ही प्रक्रिया साधारणपणे 7 ते 30 दिवसांत पूर्ण होते.
2. मोबाईल नंबर अपडेट कसा करावा?
- सुरक्षेच्या कारणास्तव, आधार कार्डमध्ये नवीन मोबाईल नंबर लिंक करणे किंवा जुना नंबर बदलणे पूर्णपणे ऑनलाईन पोर्टलवरून करता येत नाही. त्यासाठी खालील पर्याय उपलब्ध आहेत.
- नवीन अधिकृत आधार ॲप पद्धत: UIDAI च्या नवीन अधिकृत आधार ॲपच्यामदतीने ‘Mobile Number Update’ ची विनंती नोंदवता येते. यामध्ये नवीन नंबर टाकून Face Authentication (चेहरा पडताळणी) करावी लागते.
- आधार सेवा केंद्र किंवा पोस्टमन: तुम्ही जवळच्या Aadhaar Enrolment Centre ला भेट देऊन किंवा इंडिया पोस्टच्या पोस्टमनमार्फत बायोमेट्रिक पडताळणी करून मोबाईल नंबर लिंक करू शकता. यासाठी कोणत्याही कागदपत्राची गरज नसते, फक्त 50 ते 75 शुल्क लागू होते. (REF.)
3. आधार कार्डवरील फोटो कसा बदलावा?
- आधार कार्डवरील फोटो हा बायोमेट्रिक डेटाचा भाग असल्यामुळे तो ऑनलाईन बदलता येत नाही. त्यासाठी पुढील अधिकृत पद्धत वापरावी
- UIDAI च्या संकेतस्थळावरून ‘Aadhaar Update Form’ डाऊनलोड करा किंवा केंद्रावर मिळवा.
- फॉर्म भरून जवळच्या अधिकृत ‘Aadhaar Seva Kendra’ मध्ये जमा करा.
- तेथील अधिकारी तुमच्या वेबकॅमद्वारे नवीन लाइव्ह फोटो घेतील आणि फिंगरप्रिंट्स मॅच करतील..
- फोटो बदलण्यासाठी (बायोमेट्रिक अपडेट) 100 ते 125 अधिकृत शुल्क आकारले जाते. या कामासाठी कोणत्याही अतिरिक्त कागदपत्राची आवश्यकता नसते.
महत्त्वाची नोंद व थेट लिंक्स
नागरिकांनी फसवणुकीपासून वाचण्यासाठी केवळ अधिकृत UIDAI पोर्टल (myaadhaar.uidai.gov.in) किंवा जवळच्या शासकीय केंद्राचाच वापर करावा. तसेच, आधारमधील जुनी कागदपत्रे मोफत अपडेट करण्याची सुविधा myAadhaar पोर्टलवर 14 जून 2027 पर्यंत वाढवण्यात आली आहे, ज्याचा नागरिक मोफत लाभ घेऊ शकतात.
लेखकाबद्दलशुभम कुलकर्णीशुभम कुलकर्णी हे गेल्या नऊ वर्षांहून अधिक काळ मुख्य प्रवाहातील माध्यम क्षेत्रात सक्रिय असलेले एक व्यासंगी पत्रकार आहेत. सध्या ते ‘महाराष्ट्र टाईम्स’च्या ‘टेक आणि सायन्स’ विभागात कन्सल्टंट म्हणून आपली जबाबदारी सांभाळत आहेत. तंत्रज्ञान विश्वातील वेगाने बदलणारे आर्टिफिशियल इंटेलिजन्स (AI) चे प्रगत तंत्रज्ञान, नवनवीन गॅझेट्स, टेक ट्रेंड्स, स्मार्टफोन रिव्ह्यूज आणि सायन्स क्षेत्रातील क्लिष्ट वैज्ञानिक घडामोडी अतिशय सोप्या, सर्वसामान्यांना समजेल अशा रंजक भाषेत मांडण्यात त्यांचा विशेष हातखंडा आहे. डिजिटल मीडियातील अचूक SEO आणि Google Discover च्या बदलत्या अल्गोरिदमचा वापर करून लाखो वाचकांपर्यंत तांत्रिक माहिती पोहोचवण्यात त्यांचा मोलाचा वाटा आहे.
छत्रपती संभाजीनगर येथील नामांकित ‘MGM’ संस्थेतून ‘एम.ए. पत्रकारिता आणि जनसंवाद’ ही मास्टर पदवी संपादन केल्यानंतर, त्यांनी आपल्या कारकिर्दीची सुरुवात ‘आकाशवाणी’ या प्रतिष्ठित संस्थेतून केली. 2017 मध्ये त्यांनी ‘दैनिक सामना’ या अग्रगण्य मुखपत्रात प्रवेश करत वृत्तपत्र पत्रकारितेचा भक्कम पाया रचला. त्यानंतर मुंबईतील ABP माझा, TV9 मराठी, साम TV, पुढारी न्यूज चॅनेल आणि लोकशाही न्यूज या महाराष्ट्रातील आघाडीच्या वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली आहे. राजधानी दिल्ली येथे ‘News Nation Marathi’ साठी राष्ट्रीय आणि आंतरराष्ट्रीय स्तरावरील वेगवेगळ्या न्यूज बुलेटिन्सचा दांडगा अनुभव त्यांच्या पाठीशी आहे.
प्रिंट, इलेक्ट्रॉनिक आणि डिजिटल मीडियाच्या सखोल अनुभवामुळे राजकारण, व्यापार-उद्योग, विज्ञान, तंत्रज्ञान, ऑटोमोबाईल, सायबर सुरक्षा आणि लाइफस्टाईल क्षेत्रातील गुंतागुंतीच्या विषयांचे अचूक विश्लेषण करणे ही त्यांची प्रमुख ओळख आहे. पत्रकारितेच्या या व्यस्त प्रवासातून वेळ काढत, निसर्गाच्या सानिध्यात वेळ घालवणे हा त्यांचा छंद आहे.… आणखी वाचा
