Samsung Galaxy M47 5G Launching Today: सॅमसंग कंपनी आपला नवीन बजेट 5G स्मार्टफोन Samsung Galaxy M47 5G आज भारतीय बाजारपेठेत अधिकृतपणे लॉन्च करणार आहे. या दमदार फोनमध्ये ग्राहकांना 50 मेगापिक्सलचा मुख्य कॅमेरा आणि वेगवान स्नॅपड्रॅगन प्रोसेसर पाहायला मिळेल. लॉन्चिंगनंतर हा स्मार्टफोन सॅमसंगच्या अधिकृत वेबसाइटसह ई-कॉमर्स प्लॅटफॉर्म ॲमेझॉनवर विक्रीसाठी उपलब्ध केला जाईल.
सॅमसंगच्या एम सीरिजमध्ये आज (29 जून) एक नवीन स्मार्टफोन दाखल होणार आहे. Samsung Galaxy M47 5G च्या अधिकृत लाँचच्या आधी, या आगामी स्मार्टफोनसाठी कंपनीच्या अधिकृत साइटव्यतिरिक्त, ई-कॉमर्स प्लॅटफॉर्म Amazon वर एक मायक्रोसाइट तयार केली गेली आहे, ज्याने आधीच फोनमधील अनेक फीचर्सची पुष्टी केली आहे.
Samsung Galaxy M47 5G हा फोन वॉटर आणि डस्ट रेझिस्टन्स, बायपास चार्जिंग, 4x स्क्रॅच रेझिस्टन्स आणि मोठ्या बॅटरीसह लाँच केला जाईल. सर्वात महत्वाची गोष्ट म्हणजे फोनमध्ये 6 ओएस अपग्रेड आणि 6 वर्षांचे सिक्युरिटी अपडेट्स मिळत राहतील.
याशिवाय टॅप अँड पे फीचर, ऑन-डिव्हाइस व्हॉइसमेल सुविधा, क्विक शेअर आणि व्हॉइस फोकस आणि AI व्हॉइस ट्रान्सक्रिप्शन यासारखी फीचर्स देखील आहेत.
Samsung Galaxy M47 5G स्पेसिफिकेशन्स
- चिपसेट: मायक्रोसाइटवरून असे दिसून आले आहे की फोनमध्ये स्नॅपड्रॅगन प्रोसेसर, LPDDR5X आणि स्पीड आणि मल्टीटास्किंगसाठी यूएफएस 3.1 स्टोरेज असेल. सध्या तरी फोनमध्ये कोणता स्नॅपड्रॅगन प्रोसेसर मिळेल हे समोर आलेले नाही.
- डिस्प्ले: फोनमधील स्क्रीनच्या सुरक्षेसाठी कॉर्निंग गोरिल्ला ग्लास विक्टसचा वापर करण्यात आला आहे. या फोनमध्ये 6.7 इंचाचा सुपर एमोलेड डिस्प्ले मिळेल जो 120 हर्ट्ज रिफ्रेश रेटला सपोर्ट करेल.
- बॅटरी: या हँडसेटमध्ये मोठ्या बॅटरीसह 45 W फास्ट चार्जिंग सपोर्ट देखील मिळेल.
- कॅमेरा: OIS (ऑप्टिकल इमेज स्टॅबिलायझेशन) सह 50 मेगापिक्सलचा प्रायमरी कॅमेरा सेन्सर, 5 मेगापिक्सलचा अल्ट्रा-वाइड कॅमेरा सेन्सर आणि 2 मेगापिक्सलचा मॅक्रो कॅमेरा सेन्सर आहे. सेल्फीसाठी 12 मेगापिक्सलचा फ्रंट कॅमेरा सेन्सर देण्यात आला आहे. याशिवाय फोनमध्ये अनेक AI एडिटिंग फीचर्सचा सपोर्ट देखील मिळेल.
Samsung Galaxy M47 5G ची भारतात किंमत (अपेक्षित)
टिप्सटर देबायन रॉय यांनी अलीकडेच एक पोस्ट शेअर केली आणि फोनच्या किंमतीबद्दल संकेत दिले की या डिव्हाइसची किंमत 30 हजार रुपयांपेक्षा कमी असेल. आज दुपारी 12 वाजता लाँच इव्हेंटमध्ये नेमकी किंमत जाहीर केली जाईल.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा