नागपूरची खाजगी रुग्णालये मनपाच्या रडारावर; विशेष पथक ऑडिट करणार पार्किंगच्या जागा, खाटांच्या संख्येची होणार पाहणी

महापौरांनी व्यक्त केला संताप

वारंवार अपुरी माहिती सादर केली जात असेल, तर संबंधितांवर कारवाई का करू नये, असा संतापही महापौरांनी व्यक्त केला. त्यानंतर महापौरांनी महापालिका आयुक्त डॉ. विपीन इटनकर यांना निर्देश देत, नगरसेवकांकडून अतिरिक्त खाटा असलेल्या रुग्णालयांची माहिती सभागृह संपण्यापूर्वी घ्यावी आणि त्यावर कोणती कारवाई केली जाणार, हे स्पष्ट करावे, असे सांगितले.

खासगी रुग्णालयांचे ऑडिट करण्याचा निर्णय

शहरातील खासगी रुग्णालयांमध्ये मंजूर क्षमतेपेक्षा अधिक खाटा लावल्या जात असल्याच्या तसेच पार्किंगच्या नियमांचे उल्लंघन होत असल्याच्या तक्रारी वाढत आहेत. या पार्श्वभूमीवर, नागपूर महापालिकेने शहरातील खासगी रुग्णालयांचे ऑडिट करण्याचा निर्णय घेतला आहे.

तपासणीसाठी महापालिकेकडून विशेष पथक

या तपासणीसाठी महापालिकेकडून विशेष पथक गठीत करण्यात येणार असून, रुग्णालयातील खाटांची संख्या, पार्किंगच्या जागांचा वापर, अतिक्रमण आदी बाबींची तपासणी हे पथक करणार आहे. याबाबतचा अहवाल एक महिन्यात तयार करून दोषींवर कारवाई केली जाईल, अशी माहिती महापालिकेने गुरुवारी दिली.

सभेत अनियमिततांचा मुद्दा उपस्थित

महापालिकेची सर्वसाधारण सभा गुरुवारी झाली. या सभेत भाजपचे नगरसेवक रितेश पांडे यांनी खासगी रुग्णालयांमधील अनियमिततांचा मुद्दा उपस्थित केला. ‘शहरात १०० किंवा त्याहून अधिक खाटा असलेली किती रुग्णालये आहेत, तसेच २५ खाटांची मंजूर क्षमता असताना ३० खाटा लावणाऱ्या रुग्णालयांवर काय कारवाई करण्यात आली,’ अशी विचारणा पांडे यांनी केली होती.

रुग्णालयांतील पार्किंगच्या सोयीबाबत प्रश्न

राष्ट्रवादी काँग्रेसच्या नगरसेविका आभा पांडे यांनीही खासगी रुग्णालयांतील पार्किंगच्या सोयीबाबत प्रश्न उपस्थित केला. ‘नियमानुसार पार्किंगची व्यवस्था न करणाऱ्या रुग्णालयांवर कोणती कारवाई झाली,’ अशी विचारणा त्यांनी केली.

Mumbai Crime : धावत्या मुंबई लोकलमधून ढकललं, दिव्यांग वृद्धाचा मृत्यू; कावळा हुसकवताना चुकून धक्का, आरोपी सहप्रवाशाचा बनाव

प्रश्नाचे स्पष्ट उत्तर नाही

रुग्णालयांमध्ये मंजूर क्षमतेपेक्षा अधिक खाटा आढळल्यास संबंधित डॉक्टर व रुग्णालयांवर कारवाई केली जाते, अशी माहिती डॉ. सेलोकर यांनी दिली. मात्र, अलीकडच्या काळात अशा किती कारवाया करण्यात आल्या, याबाबत विचारणा झाल्यावर ते स्पष्ट उत्तर देऊ शकले नाहीत.

नियमित तपासणी न करणाऱ्या अधिकाऱ्यांवरही कठोर कारवाई

अनेक खासगी रुग्णालयांनी पार्किंगच्या जागेत ओपीडी, डायग्नोस्टिक सेंटर, तसेच काही ठिकाणी खाटाही टाकल्याचे सदस्यांनी सभागृहाच्या निदर्शनास आणून दिले. हा नियमांचा स्पष्ट भंग असल्याचे सांगत रुग्णालयांची नियमित तपासणी न करणाऱ्या अधिकाऱ्यांवरही कठोर कारवाई करावी, अशी मागणी सदस्यांनी केली.

माहिती देण्यासाठी स्वतंत्र पोर्टल तयार केलं जाणार

यानंतर इटनकर यांनी शहरातील सर्व रुग्णालयांची तपासणी केली जाईल, असे आश्वासनदिले. या तपासणीत खाटांची संख्या, मंजूर क्षमता आणि पार्किंगच्या जागांचा प्रत्यक्ष वापर याची पाहणी केली जाईल. नियमभंग आढळल्यास संबंधितांवर कारवाई करण्यात येईल. तसेच शहरातील रुग्णालयांमध्ये नेमक्या किती खाटा आहेत आणि त्यांची उपलब्धता काय आहे, याची माहिती देण्यासाठी स्वतंत्र पोर्टल तयार केले जाईल. ही संपूर्ण प्रक्रिया महिनाभरात पूर्ण केली जाईल, अशी इटनकर यांनी सभागृहात दिली.

Mumbai Crime : मिरची पूड टाकून बेसावध केलं, घरातच निर्घृणपणे संपवलं, सुनेचा काटा काढण्यासाठी सासूची मोलकरिणीच्या कुटुंबाला सुपारी; मुंबईत खळबळ

महापौर नीता ठाकरे यांनी तीव्र नाराजी व्यक्त केली .

नगरसेवकांच्या प्रश्नांना वैद्यकीय अधिकारी डॉ. दीपक सेलोकर समाधानकारक उत्तरे देऊ शकले नाहीत. यावर महापौर नीता ठाकरे यांनी तीव्र नाराजी व्यक्त केली. यापूर्वी बोगस डॉक्टरांच्या मुद्द्यावरही आरोग्य विभागाकडून सभागृहात योग्य माहिती देण्यात आली नव्हती.

कोणती कारवाई केली जाणार, हे स्पष्ट करावे

वारंवार अपुरी माहिती सादर केली जात असेल, तर संबंधितांवर कारवाई का करू नये, असा संतापही महापौरांनी व्यक्त केला. त्यानंतर महापौरांनी महापालिका आयुक्त डॉ. विपीन इटनकर यांना निर्देश देत, नगरसेवकांकडून अतिरिक्त खाटा असलेल्या रुग्णालयांची माहिती सभागृह संपण्यापूर्वी घ्यावी आणि त्यावर कोणती कारवाई केली जाणार, हे स्पष्ट करावे, असे सांगितले.