धावपळीच्या जीवनशैलीत पौष्टिक स्नॅकसाठी वेळ मिळणे अनेकदा कठीण होते.अशावेळी घरच्या घरी तयार केलेला नो-अॅडेड-शुगर एनर्जी बार हा चविष्ट आणि सोपा पर्याय ठरू शकतो. ओट्स, खजूर, नट्स आणि बियांनी तयार केलेला हा स्नॅक योग्य प्रमाणात आहारात समाविष्ट करता येतो.
2
हेल्दी एनर्जी बार रेसिपी
सर्वप्रथम खजूर स्वच्छ धुऊन गरम पाण्यात साधारण १०-१५ मिनिटे भिजवून घ्या. खजूर मऊ झाल्यानंतर त्यातील पाणी काढून बिया काढून घ्या. आता हे खजूर मिक्सरमध्ये घालून त्याची घट्ट आणि गुळगुळीत पेस्ट तयार करून घ्या. खजूर खूप कोरडे असतील तर मिक्सरमध्ये वाटताना एक-दोन चमचे भिजवलेले पाणी घालू शकता. खजुराची ही पेस्टच आपल्या एनर्जी बारला नैसर्गिक गोडवा आणि मिश्रणाला बांधून ठेवण्यासाठी मदत करेल.
एनर्जी बार कसा बनवायचा
यानंतर एका पॅनमध्ये ओट्स मंद आचेवर हलके भाजून घ्या. ओट्सचा कच्चट वास जाऊन ते थोडे कुरकुरीत झाले की गॅस बंद करा. ओट्स जास्त भाजू नयेत, याची काळजी घ्या. त्याचप्रमाणे शेंगदाणे किंवा बदामही हलके भाजून घ्या. ते थंड झाल्यानंतर शेंगदाणे वापरत असाल तर त्यांची साल काढून ते जाडसर कुटून घ्या. बदामाचेही छोटे-छोटे तुकडे करून घ्या.
पौष्टिक एनर्जी बार
आता एका मोठ्या भांड्यात भाजलेले ओट्स, कुटलेले शेंगदाणे किंवा बदाम, भोपळ्याच्या किंवा सूर्यफुलाच्या बिया आणि चिया सीड्स किंवा जवस घाला. त्यामध्ये चिमूटभर मीठ टाकून सर्व साहित्य व्यवस्थित एकत्र करून घ्या. तुम्हाला आवडत असल्यास यामध्ये थोडी दालचिनी किंवा कोको पावडरही घालू शकता. यामुळे एनर्जी बारला छान चव आणि सुगंध येईल. यानंतर तयार केलेली खजुराची पेस्ट या मिश्रणात घाला. चमच्याने किंवा स्वच्छ हाताने सर्व साहित्य चांगले मिसळून घ्या. खजुराची पेस्ट सर्व ओट्स, नट्स आणि बियांना व्यवस्थित चिकटली पाहिजे. मिश्रण एकसंध झाले की ते हाताने दाबल्यावर सहज एकत्र राहते. मिश्रण खूप कोरडे वाटत असेल तर थोडी खजुराची पेस्ट आणखी घालू शकता. मात्र मिश्रण खूपच ओले होणार नाही, याची काळजी घ्या.
हेल्दी एनर्जी बार
हेल्दी बार रेसिपी
आता एका ट्रे किंवा प्लेटला बटर पेपर लावून त्यावर हे मिश्रण घाला. चमच्याच्या मदतीने मिश्रण सर्व बाजूंनी समान पसरवा आणि वरून चांगले दाबून एकसारखा जाड थर तयार करा. यासाठी सपाट ग्लास किंवा वाटीच्या तळाचा वापरही करू शकता. मिश्रण जितके घट्ट दाबाल, तितके बार कापताना ते व्यवस्थित राहतील आणि तुकडे होण्याची शक्यता कमी होईल.तयार ट्रे साधारण १-२ तास फ्रिजमध्ये ठेवा. मिश्रण चांगले घट्ट झाल्यानंतर ते बाहेर काढा आणि चाकूच्या मदतीने चौकोनी किंवा लांबट आकाराचे छोटे-छोटे बार कापून घ्या. बारचा आकार आपल्या गरजेनुसार ठेवू शकता. छोटे बार केल्यास प्रत्येक वेळी खाण्याचे प्रमाण नियंत्रित ठेवणे सोपे जाते.
ओट्स आणि खजूर एनर्जी बार
अशा प्रकारे घरच्या घरी अतिरिक्त साखर न वापरता, खजुराच्या नैसर्गिक गोडव्यापासून हेल्दी एनर्जी बार तयार होतील. ओट्स, नट्स आणि बियांमुळे या बारमध्ये विविध पोषक घटकांचा समावेश होतो. त्यामुळे बाजारातील साखरयुक्त स्नॅक्स किंवा बिस्किटांऐवजी हा घरगुती पर्याय मधल्या वेळच्या भुकेसाठी वापरता येतो. हे बार हवाबंद डब्यात ठेवून फ्रिजमध्ये साठवता येतात. भूक लागल्यावर किंवा ऑफिस, प्रवास आणि व्यायामापूर्वी स्नॅक म्हणून त्याचा आनंद घेता येईल. मात्र नट्स, बिया आणि खजूर पौष्टिक असले तरी त्यात कॅलरी असतात, त्यामुळे विशेषतः वजन कमी करण्याचा प्रयत्न करत असाल तर प्रमाणात खाणे महत्त्वाचे आहे.
घरचा प्रोटीन बार
सर्वात महत्त्वाचे म्हणजे या रेसिपीमध्ये अतिरिक्त साखर घालण्याची गरज नाही. खजुरामुळे बारला नैसर्गिक गोडवा मिळतो. त्यामुळे साध्या आणि घरगुती पद्धतीने तयार होणारा हा एनर्जी बार एकदा नक्की ट्राय करून पाहा.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा