चहा हा आपल्या रोजच्या आयुष्याचा अविभाज्य भाग आहे. पण साखरेऐवजी गुळाचा चहा करून पाहिला तर चवीसोबतच वेगळा अनुभव मिळतो. मात्र गूळ घालताना दूध फाटू नये यासाठी काही खास गोष्टी लक्षात ठेवणे गरजेचे आहे.MadhurasRecipe Marathi या चॅनलवर शेअर केलेली ही रेसिपी पाहून जाणून घ्या, दूध न फाटता स्वादिष्ट गुळाचा चहा कसा बनवायचा.
मात्र गुळाचा चहा बनवताना अनेकांना एक समस्या जाणवते गूळ घातल्यानंतर दूध फाटते. त्यामुळे चहाची चव आणि पोत दोन्ही बिघडू शकतात. म्हणूनच गुळाचा चहा करताना गूळ कधी घालायचा, चहा किती उकळायचा आणि दूध फाटू नये यासाठी कोणती काळजी घ्यायची, हे जाणून घेणे महत्त्वाचे आहे. मग दूध न फाटता मस्त, स्वादिष्ट आणि पौष्टिक गुळाचा चहा कसा बनवायचा? तसेच गुळाचा चहा करताना कोणत्या छोट्या-छोट्या टिप्स लक्षात ठेवायच्या? चला जाणून घेऊया. ही सोपी आणि उपयुक्त रेसिपी MadhurasRecipe Marathi या चॅनलवर शेअर करण्यात आली आहे. (फोटो सौजन्य :- @MadhurasRecipe Marathi)
गुळाचा चहा बनवण्यासाठी लागणारे साहित्य
गुळाचा चहा बनवण्यासाठी फार काही साहित्याची आवश्यकता नाही. तुमच्या नेहमीच्या चहाच्या साहित्यामध्ये फक्त साखरेऐवजी गूळ वापरायचा आहे.
१ कप दूध
½ कप पाणी
१ ते १½ चमचा चहा पावडर
१ ते २ चमचे किसलेला किंवा बारीक केलेला गूळ
२ वेलची
थोडेसे आले
१ चिमूटभर दालचिनी किंवा काळी मिरी
गुळाचा चहा बनवण्याची योग्य पद्धत
सर्वात आधी एका पातेल्यात पाणी घ्या. त्यामध्ये ठेचलेले आले, वेलची आणि चहा पावडर घाला. हे मिश्रण चांगले उकळू द्या. साधारण २ ते ३ मिनिटे उकळल्याने चहाचा आणि मसाल्यांचा स्वाद पाण्यात व्यवस्थित उतरतो.यानंतर त्यात दूध घाला आणि चहा मंद ते मध्यम आचेवर उकळू द्या. चहा एक-दोन उकळ्या आल्यावर गॅस बंद करा.
आता सर्वात महत्त्वाची पायरी येते गूळ लगेच उकळत्या दुधात घालू नका.
गूळ घातल्यानंतर दूध फाटण्याची शक्यता असते. त्यामुळे गॅस बंद केल्यानंतर चहा थोडा वेळ शांत होऊ द्या. त्यानंतर त्यात बारीक केलेला गूळ घाला आणि चांगला ढवळा. गूळ पूर्णपणे विरघळल्यानंतर चहा गाळून गरमागरम सर्व्ह करा. यामुळे चहाला गुळाचा सुंदर रंग, नैसर्गिक गोडवा आणि छान सुगंध मिळतो.
दूध का फाटते?
गुळाचा चहा बनवताना सर्वात जास्त विचारला जाणारा प्रश्न म्हणजे दूध फाटते तरी का?गुळामध्ये काही नैसर्गिक आम्लीय घटक आणि इतर अशुद्धता असू शकतात. विशेषतः गूळ गरम दुधात थेट घातला आणि त्याला पुन्हा जोरदार उकळी दिली, तर दुधातील प्रथिनांवर परिणाम होऊन दूध फाटण्याची शक्यता वाढते.याशिवाय गूळ उकळत्या दुधात घालणे, चहा खूप वेळ उकळणे किंवा आंबटपणा असलेला गूळ वापरणे यामुळेही समस्या होऊ शकते.म्हणूनच गुळाचा चहा बनवताना गूळ आणि दूध यांची योग्य वेळ साधणे महत्त्वाचे आहे.
गूळ थेट उकळत्या दुधात घालू नका
ही सर्वात महत्त्वाची टिप आहे. चहा तयार झाल्यानंतर गॅस बंद करा आणि काही क्षणांनी गूळ घाला. यामुळे दूध फाटण्याचा धोका कमी होतो.
गूळ आधीच बारीक करून ठेवा
गुळाचा मोठा तुकडा थेट चहात टाकण्याऐवजी तो किसून किंवा बारीक करून वापरा. त्यामुळे गूळ पटकन विरघळतो आणि चहामध्ये त्याचा स्वादही व्यवस्थित मिसळतो.
चांगल्या प्रतीचा गूळ वापरा
गुळाची गुणवत्ता चहाच्या चवीवर मोठा परिणाम करते. शक्यतो स्वच्छ, ताजा आणि चांगल्या प्रतीचा गूळ वापरा. गुळाला विचित्र वास किंवा आंबट चव असल्यास तो चहासाठी वापरणे टाळा.
गुळाचा चहा पौष्टिक का मानला जातो?
साखरेऐवजी गूळ वापरण्याचा मुख्य फायदा म्हणजे गुळामध्ये साखरेच्या तुलनेत काही खनिजे आणि सूक्ष्म पोषक घटक असतात. पारंपरिक आहारात गुळाचा वापर अनेक पदार्थांमध्ये केला जातो.मात्र याचा अर्थ गुळाचा चहा अमर्याद प्रमाणात प्यावा असा नाही. गुळामध्येही मोठ्या प्रमाणात साखर असते आणि त्यामुळे तोही मर्यादित प्रमाणातच सेवन करणे योग्य आहे.त्यामुळे ‘गुळाचा चहा पौष्टिक आहे’ असे म्हणताना त्याचे सेवन संतुलित प्रमाणात करणे महत्त्वाचे आहे.
चहाची चव वाढवण्यासाठी हे मसाले वापरा
गुळाचा चहा साधा केला तरी स्वादिष्ट लागतो. पण तुम्हाला मसाला चहा आवडत असेल तर त्यात आले, वेलची, दालचिनी, काळी मिरी किंवा थोडी जायफळाची पूड घालू शकता.आले आणि वेलचीचा सुगंध गुळाच्या नैसर्गिक गोडव्याबरोबर खूप छान लागतो. पावसाळ्यात किंवा थंडीच्या दिवसांत गरमागरम मसाला गुळाचा चहा विशेष आनंद देतो.
गुळाचा चहा कसा बनवावा
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा