Malvan Accident: मालवण येथे मित्रांसोबत फिरायला गेलेल्या फोंडाघाट येथील ओंकार चव्हाण या युवकाचा भीषण रस्ते अपघातात मृत्यू झाला. सावरवाड चेकपोस्टजवळ स्पोर्ट्स बाईक आणि स्विफ्ट कारची जोरदार धडक होऊन हा अपघात झाला. या घटनेमुळे फोंडाघाट परिसरात शोककळा पसरली असून मालवण पोलीस अधिक तपास करत आहेत.
कशी घडली घटना?
सिंधुदुर्ग जिल्ह्यातील फोंडाघाट हरकुळ येथील ओंकार चव्हाण याचा दुर्दैवी मृत्यू झाल्याची घटना सावरवाड पोलिसा चेक पोस्ट नजीकच्या वळणावर सोमवारी घडली. मालवणहून फोंडाघाट येथे परतीच्या प्रवासात स्विफ्ट डिझायर व मोटर सायकल यांच्यातील भीषण अपघातात मोटरसायकलवरील दुसरा सहकारी सुदेश सापळे हा सुद्धा जखमी झाला असून स्विफ्ट डिझायर कार मधील चालक जखमी झाला आहे.
मालवण फिरायला आलेले
याबाबत मिळालेल्या माहितीनुसार, फोंडाघाट हरकुळ येथील हे दोन युवक आपल्याकडील यामाहा कंपनीची स्पोर्ट्स बाईक (एमएच ०४ जेएक्स ७०९१) घेऊन आपल्या अन्य सहकाऱ्यांसह ४ ते ५ बाईक घेऊन मालवणात फिरायला आले होते. ओंकार याच्या मृत्यूमुळे चव्हाण कुटुंबावरती दुःखाचा मोठा डोंगर कोसळला आहे. मालवण येथे मित्रांबरोबर फिरायला गेलेला ओंकार याचा घरी परतत असतानाच दुर्दैवी मृत्यू झाला. त्यामुळे फोंडाघाट हरकुळ परिसरातून हळहळ व्यक्त केली जात आहे.
माघारी जाताना दुर्दैवी घटना
अपघातग्रस्त बाईक सुदेश सापळे याची होती. मालवणात फिरून झाल्यानंतर ते माघारी जात असताना सायंकाळी ४.३० वाजण्याच्या सुमारास सावरवाड चेकपोस्ट नजीकच्या वळणावर दुचाकीची जोरदार धडक समोरून येणाऱ्या लातूर पासिंगच्या डिझायर गाडीला बसली.
या अपघातात ओंकार चव्हाण याला गंभीर दुखापत झाल्याने त्याचा मृत्यू झाला, तर सुदेश सापळे याच्यासह डिझायर गाडीच्या चालकाला दुखापत झाली. अपघातानंतर पोलीस घटनास्थळी दाखल झाले. या अपघाताची नोंद करण्यात आली असून पुढील तपास मालवण पोलीस करत आहेत.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
